اخواني الله يوفقكم ايش افضل طريق تنصحون فيه من الدمام للكويت و يكون حلو و كله محطات
ما ادري كيف وضع ابو حدريه الان لسه سايد واحد ولا ايش و كم طول ابو حدريه هذا ؟
و احد وصف لي طريق يقول تمشي سيدة و تتعدى جبيل البلد و تتعدى الجبيل الصناعية و بعدين يجيك حرف t و تروح يمين للخفجي هل هذا الطريق مناسب اولا
و كم المسافات بالضبط
الاجابة:
من الدمام ألى الكويت
أمسك طريق ابوحدريه ولا يرد الا الكويت
الله يسر أمرك
اجابة اخرى:
أخوي من الدمام إلى الكويت مالك إلا طريق أبو حدرية و طوله من وسط الدمام إلى وسط الكويت 400 كيلو و الطريق سايدين و مليان محطات على الجانبين و أمن و أمان بس انتبه من البعارين أحيانا يجيك بعير فاقد الذاكرة يتسدح على الخط
دربك خضر يالطيب
اجابة اخرى:
مثل ما تفضلوا الاخوان الطريق
ما فيه الا طريق ابو حيدريه
وما تحتاج محطة بنزين ثانيه اذا كنت راح تعبي من الدمام
الا قريب المنفذ
والمحطات اغلبها قريب المنفذ
ولا يوجد محطات من بعد حدود الجبيل
الطريق سيدين وجديد
حاليا جاري تطويره الى ثلاث طرق لكل مسار
تم انجاز مرحله منه وباقي مرحله
الطريق مشبك ولا وجود للجمال به
نهاية الطريق راح يجيك اتجاه اجباري يمين او يسار
يمين الى الخفجي ويسار الى الكويت
علما ان اللوحه الارشاديه مختفيه !! وغير موجوده
خلال الاسبوع الماضي
ثلاث ساعات من الدمام الى المنفذ
وساعه من المنفذ الى وسط الكويت