استفسار ومساعدة يا اخوان بخصوص حجز تذكرة الى ماليزيا

السلام عليكم ورحمة الله وبركاته

ف البداية قمت بالبحث عن تذكرة الى ماليزيا من مطار مسقط وبحثت عن طريق موقع Skyscanner – Compare Cheap Flights, Hotels & Car Hire المعروف .ووجدت تذكرة بسعر 2500 ريال سعودي تقريبا دايركت في الذهاب والعوده ايضا دايركت عن طريق طيران ماليزيا بس الناقل الطيران العماني.دخلت ابي احجز وحولني الى موقع Travelgenio – Online Travel Agency – Cheap Flights, Hotels and Trips .طبعا انا اول مرة احجز تذكرة من النت ولاكن لي تجارب كثيره ف التعامل مع المواقع والشراء والدفع .قلت بسم الله خلني احجز .حجزت وقريت التفاصيل ودفعت مبلغ اضافي في حاله بغيت اكنسل التذكره راح يرجعلي 85% من سعرها .وصل مبلع التذكره مع الضريبه وكل شي تقريبا 3000 ريال سعودي .وبعد الدفع عن طريق الفيزا وصلني ايميل انه يحتاج 24ساعه لمعالجة الطلب ومعها تفاصيل الرحله
هذي التفاصيل واضحه الرحله مباشر عن طريق الطيران العماني

بعدها ب24 ساعه او اقل .وصلني ايميل انه صار تغيير ف سعر التذكره وانك لازم تدفع زياده ف السعر او نكنسل التذكرة
وهذا تفاصيل الايميل

طبعا المبلغ مش بسيط مثل ما شايفين .بعدها طرشتلهم ايميلات ابغي استفسر واخبرهم انا خلاص دافع كيف ادفع زياده .لاكن لاحياة لمن تنادي وقلت بدفع وامري لله .ودفعت .وبعد دقائق وصلت التذكره ولاكن المفاجأه انها في العودة ترانزليت ف دبي ساعه و40 دقيقه .
*

ترانزليت وانا دافع مبلغ زياده!!
طبعا طرشت ايميلات ولا احد يرد .وامس اتصلت ف الرقم الي موجود ف الموقع مدريد اسبانيا .رد علي ابو الشباب فهمته السالفه بس شكله مافهم شي .بس قالي انه العوده ترانزليت ف دبي
.تواصلت مع الطيران العماني قالوا ف الذهاب دايركت والعوده ترانزليت..
الحين شو اسوي وكيف ارد حقي ؟؟ حاجز دايركت ورسلولي ترانزليت وفوق هذا دفعت مبلغ تغير السعر .وصلت التذكره بسعر 4150 ريال سعودي تقريبا.
سوالي هل اذا تواصلت عند الطيران الماليزي ف ماليزيا يقدر يسويلي شي؟
وياليت تبتعدوا عن هالموقع