تحذير للمسافرين لمصر خصوصاً القاهره

بسم الله الرحمن الرحيم

السلام عليكم ورحمة الله وبركاتة

حبيت انقل لكم تجربتي عن السياحة بمصر واتمنى تنتبهون كثير من الناس النصابة
خصوصا مكتب الروضة بمدينة مصر الجديدة

انا حبيت اسافر لمصر واغير جو لمدة اسبوع وللاسف ماحجزت فندق قبل اسافر
ولما وصلت بحثت عن طريق النت وحصلت مكتب يأجر شقق ارخص بكثير من الفنادق
قلت اجرب واشوف حجزت ثلاث ايام شقة وسواق لمدة ثلاث ايام لحد ما اشوف الوضع
المهم صاحب المكتب ( الله لايوفقه ) عطاني من الكلام الزين وانهم يعتبروا السكان اصحابهم
ومن ذا الكلام مالكم بالطويله رحت شفت الشقة حليوه ونظيفه المهم لما جات الساعة 11 بالليل
حصلتهم فوق راسي بالغرفة وانا نايم كيف دخلو عندي ؟؟؟!!! 😳
سألتهم ايش مدخلكم هنا قالو احنا عندنا مفتاح للشقة غير اللي معك
سألتهم طيب وايش تبغون داخلين عندي ؟؟؟؟
قالو بنروح نتمشى قوم البس واطلع معنا انت جاي هنا عشان تنام ؟
المهم صار شد وجذب بالكلام ونشبولي عشان اطلع معهم وطلعت نتمشى على قولتهم الله لايعيدها من تمشيه
طلعنا اخذنا لفتين وبعدين قالو بننزل نتعشى بالمطعم ونزلت معهم على نياتي اثر المكان مرقص الله لايوفقهم دنيا واخره
المهم قلت انا ابغى امشي مابي اجلس هنا قامو يسحبون فيني المصاريا اجلس يابيه حتنبسط المهم جلسوني بالقوه قالو خمس دقايق اذا ماعجبك الوضع نمشي
وجلست انتظر الخمس دقايق تخلص فجأة لقيت الطاوله مليانه من كل شكل ولون وقمت قلت بمشي خلاص جاو قالوا تعال من الباب الثاني عشان تطلع
قمت ورحت مع الباب الثاني حصلتهم ينتظروني بفاتوره طويله عريضه قيمتها 4000

جنية :8aeeda492c: قلت لهم ايش هذا قلو الحساب قلت حساب ايش قالو حساب الطاولة قلت لهم لكن مامعي كاش
جابو مكينة السحب عندي طلعت بطاقة فاضيه وعيت تسحب قالو نروح نجرب مكينه الصراف قلت اوكي وطلعنا والحمدلله اني طلعت وكنت امشي قدامهم وشفت دورية شرطة وركضت وصوت لهم
ووقفو على طول واللي كانوا وراي رجعو للمحل والضابط يسألني ايش فيك قلت له كل القصة من اولها لاخرها وقالي تبي اسحبهم لك ولا تبي تروح لشقتك قلت ابي فلوسي واطلع من الشقة وكانو الكلاب جالسين تحت
دخل عسكري وجابهم للضابط وقالهم تبون قضيه ولاتعطون الرجال فلوسه ويمشي قامو يقولون هذا حبيبنا وصديقنا يبون الضابط يمشي ههههههه قلت لاهم احبابي ولا اصدقائي ابي فلوسي قام الضابط قال للعسكري
ركبهم قاموا طلعوا فلوسي وقالو هات المفتاح قلت مو قبل ما اشيل اغراضي من الشقة وركبت معهم بسيارتهم والضابط معنا واخذت عفشي من الشقة وانحشت قالي الضابط بتسكن باي فندق قلت له بفندق بيتنا ان شاء الله انا رايح على المطار ادري بتقولون انت تبالغ والله العظيم كرهت البلد من اللي صارلي وحلفت ما اجلس ولا يوم والحمدلله حصلت حجز على رحلت الخطوط السعودية وانا الحين اكتب موضوعي هذا وانا بالمطار وراجع اليوم ان شاء الله
عذراً على الاطاله ولكن حبيت انقل تجربتي لكم
عنوان المكتب النصاب
مكتب الروضه
للخدمات السياحية والتسويق العقاري
103 شارع النزهة ميدان تريومف – مصر الجديدة
انتبهوا منه يا اخواني
مع السلامة والله يحفظكم ويرجعكم سالمين
اخوكم the-bird