ارجو المساعدة فى اقرب وقت

السلام عليكم يا جماعه انا موضوعى غريب شويه ومش عارف اذا كان الادمن هيوافق على نشره ولا لا انا اسمى احمد حسن كنت سوبر فيزر فى فندق سوفيتيل جميرا بيتش ممكن تسألو اى حد جه الفندق من السعوديين انا بتعامل معاهم ازاى وبعتبرهم أصحاب مكان وعمرة ما اتأخرت على حد فى اى طلب اقدر عليه من حوالى شهرين تقريبا كان عندى اخ اسمه فريد الغامدى من جده الراجل محترم جدا وبييجى الفندق كل شهر تقريبا أخر مرة حصلت معاه مشكله فى كارت الفيزا لأنه تقريبا ليه ليمت وجتله مكالمه من السعودية وقالى انه لازم يغادر كانت فاتورته حوالى 34 الف درهم الكارت بتاعه مقبلش اكتر 19200 درهم فكلمت مديرى قالى لو عايز تعمله خروج يبقى على مسؤوليتك فعلاً عملتله خروج وكلمنى اول لما وصل وقالى انه هيبعتلى الفلوس فى خلال 3 اسابيع بعد إل 3 اسابيع حاولت اكلمه مابيردش على موبيله ولا الواتس اب وبعدها بأسبوع موبيله اتقفل انا مشيت من الفندق بسببه وعيشى اتقطع وكان لازم ادفع المبلغ فكان معايا كرديت كارد دفعت بيه وأصبحت مديون للبنك انا مش بقول انه نصب عليا لا سمح الله بس ممكن تكون حصلتله اى حاجه انا بستاذنكوا لو حد يعرفه أو يقدر يوصلني بيه لأن انا دلوقتى فى مشكله كبيرة وانا كان كل هدفى انى اساعده وعمرى ما توقعت أن ده يحصل ياريت إلى يقدر يوصلني بيه ابقى شاكر