مغامرات ومواقف طريفه صارت لكـ باالسفر ..!!
2006-12-13
السلام عليكم اتوقع العنوان واضح وهذا اللي نبيه
ابي الواحد يحكي موقف صار له في السفر سواء طريف او حزين
او مغامره قام فيها او مشكلة صارت له ..!!
بس تكون وانت مسافر يعني اشياء بالمملكه مانبيها يبو انت وياه ..!!
انا ابي افتتح الموضوع بقصه صارت لي الحقيقه اجتمع علي فيها امور كثير منها الضحك لدرجة التشقق والخووف لدرجة الاغماء ..!!
كنت مسافر انا وصدييييييق عمري بدر الدجا يعرفونه اخواني السابقين اما انتم اتوقع جديد عليكم المهم انه من اعز اخوياي ..!!
كنا مسافرين الشام قبل اجازة صيف العام الماضي باسبوعين ..!!
المهم طلعت انا وياه بيوم من الايام لــ بلودان وتمشينا فيه وحنا راجعين اشترينا كرز ..!!
توه نزل الكرز بلشام
المهم وحنا نمشي في طريق العوده للشقه قام بدر الدجا ياكل بالكرز قلت يابدر لاتاكل من الكرز قبل لاتغسله تلاقي عليه بلاوي من المبيدات تموت بسببها
قال انت دايخ يولد اهل الديار هذي ماعندهم حشرات ولا يعرفون المبيدات اللي عندنا
قلت بكيفك المهم وصلنا البيت على حدود الساعه 8 مساء ..
كنا مواعدين اخويانا شباب يجون يتعشون معنا ومن ثم نطلع نسهر مع بعض ..
المهم كنت جالس اتفرج بالتلفزيون ومندمج مع الفيلم الا واحد من الشباب يسالني عن بدر قلت له بالغرفه نايم قال مافي احد قلت وينه اجل قال مدري
شوي الا خوينا الثاني قال بدر بالحمام ..!!
قلت من متى قال من نص ساعه ..!!!!!
المهم رحت لين الحمام اناديه مايرد بس يهمس مايتكلم ..!!
يوم فكيت الباب الا بدر متمسك بالمغسله يبي يستفرغ قلت انت وش فيك قال انا ابي اموت ..!!
الوضع الان محزن صراحه وحط يده على بطنه ويقول كبدي لاصقه في رئتي تبي تطلع مع بلعومي ..!!
ويوم قالها وافكها ضحك
هههههههههههههههههههههههههه
شوي الا يستفرغ دم ……..!!
انا يوم شفت الدم انفجعت وربي قلت الولد راح المهم يوم شاف الدم هو قال سعود انا وليت
هههههههههههههههههههههههههههههههههه
راح للسرير عقبها انسدح اكلمه مايرد بس يرد يقول ش ط ط 511
ههههههههههههههههههههههههههههههههههههههههه
قلت اوديك المشفى قال لا ابي ارقد بسسسسس
نام يوم صحى اليوم الثاني تذكرنا ان اللي استفرغه ماهو دم انما الكـــرز ..!!
التعليقات