مدير المدرسه

عاد انا ما لحقت على اول مقطع من القصيده

هذي قصيده كتبتها من معانتي من الدراسه هذاك الوقت
وبما انها تتعلق بالتعليم حطيتها هنا وهي فكاهيه
بس من جد كان التعليم جلد مو زي الحين اول اذا شفنا المدرسه اللهم ياكافي

يا استاد انا دوبي صغير
قلبي الى شافـك يطيـر
اخـاف تجلدنـي تـرى
واخاف ترسلني المديـر
يا استاد يرحـم والديـك
بيديك تحديـد المصيـر
بالله لاتقـسـى عـلـي
حطمتنـي وانـا غريـر
تقـول جلـد دفـتـرك
وارسم على الصفحه بعير
ويادوب انا بـاول سنـه
وشرك علينـا مستطيـر
انـا زيـاد اخـو سعـد
وسعـد اخويـه الكبيـر
يقـول طقـوه اذبحـوه
ان ماحفظ ملعون صيـر

عاد ننتقل الى جيل اليوم
صارو يدلعون الطلاب ويعطونهم عصير وحلاو
مسكين زياد ما لحق الا على الطق بس حمد الله قدرت اكافح عناد للمدرس واخوي سعد
ههههههههههههههههههههههههه
الله يجزاهم كل خير وابشركم اني متخرج من الجامعه ومدرس تاريخ بس ما اطق الطلاب خخخخخخخ

هذا زمـان الانبسـاط
راح الزمان اللي خطير
روح مديـر المدرسـه
اللي معه سيف شطيـر
مافيه جلـد ولا عصـا
قرار مصدره الوزيـر
لوي لحقته بـس يـوم
ابا العن استادي زهيـر
افكر ادرس من جديـد
لو اني في سني كبيـر
ابا انبسط مثل العيـال
واخذه حلاوه مع عصير

زهير مدرس اردني كان يجلدنا جلد
تدرون وش يقهرني اني احفظ بس اذا رحت المدرسه وشفت المدرس تلخبطت:o
لكل مدرس درسني اوجه له تحيه واشكره على كل حرف تعلمته منه :25:

:15: