ورعان ياشيخ اسمع السالفه ههههههههههه

يقول لك فيه ولد طفران (ماعنده ولا ريال) راح لابوه وقاله : عطني 15 ريال,,ودي اشتري كوره

الاب : أقول إنقلع عني تراها واصله معي

الولد : تكفا يبه,,بس 15 ريال والا اقولك خلها عشرة ريال

الاب : ماعندي فلوس … إذا تبي فلوس رح بع الديك حقك المريض

اللي بالحوش ..

الولد :بس هذا مريض ومحد بيشتريه

الاب : ماعلي منك,,,دبر نفسك والله الولد استسلم للأمر الواقع واخذ الديك أول واحد قابله في وجهه اكيد أبوه….قاله الولد: تشتري الديك؟

الاب : اقول بتنقلع عني ولا أقوم اتوطا في بطنك؟

الولد :خلاص خلاص لاتنفخ طلع الولد من البيت ومعه الديك في محاوله يائسه إن الديك ينباع عرض الديك على أهل الحاره كلهم ولا واحد فيهم قبل إنه يشتري الديك

قال الولد: ممممممممم, والله مالي إلا فلانه,,بنت كاش ومدلعه وأكيد بقدر ألعب عليها بسهوله فلانه هذي كانت وحيدة ابوها وعايشه لوحدها وامها ميته ؟؟؟

راح لها الولد عشان يبيع عليها الديك

الولد :تشترين الديك تكفين؟

هلا والله .. تعال قرب مني يازينك ياحليلك

الولد :اقول مانيب فاضي لك .. خذي مني الديك وخليني اروح

وين تروح انا ماصدقت احد يجي يسولف معي ويونسني …

الولد :ومنهو اللي قالك إني بونسك وبسولف معاك ؟ خذي مني الديك وخلينا أنقلع

شوي الا الباب يدق خافت البنت وقالت للولد تعال إندس هنا في الدولاب لايطلع ابوي ثم نروح فيها.

حطت الولد في الدولاب وراحت فتحت الباب إلا وطلعلها حبيبها يجيها دايم البيت وناوي يتزوجها بس ابوها مايدري عنه ..

البنت:هلا والله بعمري وحياتي

حبيبها : يا هلا فيك عمري ما أمدا الرجال يكمل كلمته إلا والباب يطق

البنت : ياويلي ويلاه,,هذا شكله ابوي ,,,تعال وادخل في الدولاب

دخل خوينا في الدولاب وفجاه في عز الظلام سمع صوت يكلمه داخل الدولاب ويقوله: تشتري الديك؟ :biggrin:

الرجال: اصصصصصصصص,,,,رخ صوتك الله يرحم والديك لاتفضحنا

الولد :أقول تشتري الديك؟ :biggrin:

الرجال: ياخوي خلاص بشتري الديك بس قصر على حسك تكفا,,,

الولد :طيب

الرجال: بس بكم تبيعه؟

الولد :ب100 ريال :biggrin:
الرجال: ايش هالديك المنتوف المريض ب 100ريال

الولد :تبي تشتري ولا ارفع صوتي؟ :biggrin:

الرجال: لا لا خلاص,,ابشتري وأمري لله جلسو 5 دقايق

الولد :تبيع الديك؟ :biggrin:

الرجال: توك بايعه على يابن الحلال

الولد :تبيعه علي ولا ارفع صوتي؟ :biggrin:

الرجال: لا لا خلاص,,اببيعه وأمري لله,,بكم تشتريه؟

الولد :بريال :biggrin:

الرجال: أيش بريال انا مشتريه منك ب 100 ونت تشتريه مني بريال

الولد :تبيعه علي ولا ارفع صوتي؟

الرجال: لا لا خلاص,,اببيعه وأمري لله جلسو 5 دقايق ….

الولد: تشتري الديك؟ :biggrin:

الرجال: ياخوي توني مشتريه منك

الولد :تبي تشتري ولا ارفع صوتي؟ :biggrin:

الرجال: لا لا خلاص,,ابشتري وأمري لله,,,بكم تبيعه؟

الولد :ب200 ريال :biggrin:

الرجال: الله يمحط بك انشالله,,,,توني مشتريه منك ب 100 ريال

الولد :تبي تشتري ولا ارفع صوتي؟ :biggrin:

الرجال: لا لا خلاص,,ابشتري وأمري لله جلسو 5 دقايق

الولد :تبيع الديك؟ -الرجال: انا لله وإإنا إليه راجعون,,,,,بكم تبي تشتريه؟

الولد :بريال :biggrin:

الرجال: وش تبيني أقول تبيني أبكي ولا أشقق هدومي,,,,يالله خذ
لديك وببلاش بعد اخذ الولد الديك

شوي ألا البنت فاتحه عليهم الدولاب وقالتلهم: يالله بسرعه انحاشو دام إن ابوي في الحمام,,

طلع الرجال وانحاش ولحقه الولد بعده ب5 دقايق المهم,,,قام الولد
يتمشى في الشارع وهو مستانس إن صار معاه فلوس .. بعدين راح
للبيت يوم دخل البيت شاف ابوه قدامه .. راح قال لابوه: تشتري الديك؟ :biggrin:

الأب ناظر فيه والشرار طالع من عيونه :dracula: وقاله: مايكفيك يابن (??)
الــ 300 ريال اللي لطشتها مني في الدولاب؟؟؟