طريقة حفظ الخس والبقدونس وجميع الورقيات

السلام عليكم ورحمة الله وبركاته

إذا تبغي الورقيات الخضراء تعيش مدة أطول في الثلاجة جيبيها بس بشرط ما يكون فيها لون أصفر ولا ريحة فساد على طول أغسليها بالماء البارد وبعدين حطيها في مصفى

ويا ريت تكون بشكل مرتب ولازم ترفعين المصفى شوية عشان يبعد عن الماء اللي ينزل من الورقيات

مثل الخس والكراث يعني تحطين مصفى ثاني بس مقلوب تحت المصفى اللي فيه الورقيات ولما تنشف من الموية ضعيها في أكياس نايلون جديدة ونظيفة ولفيها بحيث يخرج منها الهواء لأنه من مسببات الفساد للخضار يعني تلفيها زي الرولبس لاتشدين اللف قوة عشان ما تهتري الأوراق

تنبيه البصل الأخضر ماتنفع معاه هذه الطريقة والباقي عادي

مع تمنياتي لكن بالفائدة

والتوفيق والسداد إلى كل ما يحبه الله ويرضاه ]