خمسة ايام في القاهرة

السلام عليكم ورحمة الله وبركاته،،

أنا من عشاق القاهرة.. وخصوصاً الجلسة عالنيل مع شاهي كوشري يعدل المزاج

تاريخ الذهاب كان في 23-4-2012 عالخطوط المصرية (الرياض- القاهرة)

وصلت المطار الساعة 12:30 ليلاً طبعاً الجوازات مافيه حركات اول بخشيش ياباشا والكلام ذا ختمت ورحت ونزلت تحت حولت الفلوس واخذت شنطتي

طبعاً الناس الي تتكلم وتسب في التاكسي انا من اول مابديت اروح مصر مااخذ تاكسي لانهم وجع رأس

اخذت من شركات التكاسي الي برا طبعاً غالي شوي التسعيرة لكن بدون وجع دماغ اخذت الوصل والسيارة تنتظرني برا رحت اشتريت العصاير وطلعت ركبت العربية متجهاً إلى مدينة نصر انا اسكن قريب من سيتي ستار

حي راقي وامورك ف السليم

طبعاً انا استأجر سيارة واسوق هناك الصراحة رغم الزحمة استمتع هناك بالقيادة

ثاني يوم رحت اتغديت في تشليز الي في سيتي ستار واخذت لفه ورجعت الشقه وتقييله بتاعت العصرية

بعد الساعة 9 طلعت عالنيل ومركب واجواء جميله جداً وكعادتهم يقولون لي السعودية اقدع ناس

طبعاً هناك كن محترم بأسلوبك وضع على وجهك الابتسامه وصدقني ابليس وهو ابليس راح يتضايق منك ويحاول ينرفزك

وبعدها رحت جامعة الدول طبعاً فيه كفايات حلوه مرره وفيها طرب ودي جي يعني رايقه مثل الداون تاون والسوليدير

وبالنسبة لاماكن السهر فيه ال VIP الي عند فندق النبيلة بنفس جامعة الدول وفيه رويال كنج وفيه اماكن راقيه لكن بتاعات الهرم مايروح لها الا الي يبحث عن المشاكل ووجع الدماغ

وبعدها ارجع الشقه وهيك لين العودة التي كانت في 27-4-2012 مساءً على رحلة 11:30

الصراحة القاهرة الي يعرفلها حلوه جداً

لكن هيا مش مثل اول من ناحية كثرة السواح

علماً اني حصلت اجانب في الاهرامات والاسواق وطايحين في الشيشة:61acbf8b15:

انا اتوقع مصر بعد انتخابات الرئاسية راح ترجع مثل أول واحسن وتقديراتي على عيد الفطر والاضحى راح تكون السياحة مقفله نسبة فوق :2c65ea9383:

وبالنسبة للامان انت ابعد عن الاماكن المشبوهة وانت راح تكون بخير

وتواجد الشرطة بكثرة يكون من بعد الساعة 1 ليلاً تبدأ اللجان وهيك شي

واذا شافوني سعودي يقولون لي منور ياباشا
:1bbc6dca84:

تبقى القاهرة تجمع بين خفة الدم ووسعة الخاطر والوناسة

ولنا لقاء قريب يابيتي الثاني