نصيحه لاااااا تسافرون لمصر (خساره )

بسم الله الرحمن الرحيم

سافرت لمصر يوم 8 يناير قبل اسبوعين .. وجلست هناك اسبوع في القاهره
(والله) اقولها من كل قلب ونصيحه (للاخوة والاخوات كلهم ) (لله ثم للتاريخ )

السفر لمصر والله انه خساره (زرتها عام 2009 وزرتها هالسنه والامور كلها اختلفت)

– نصب واحتيال وبربرة وكثره كلام من تنزل من الطياره لين تاصل الطياره راجع
-البلد امن كأمن شخصي لكنك تنزعج من كثره النصابين والمحتالين والبلد مافيها شي يستاهل
-مطاعم مصر سيئة جدا (الحمد لله على النعمه ) جيت معظم المطاعم الي يذكرونها الاخوان هنا وطلعت ولا شي
– ابلشونا الناس بـ (فرحات ) وجيته ولاه مطعم 7 متر بسبعه متر وماعنده الا كباب لحم ..وحمام ماادري منين جابوا هالمدح

-بعض الناس بلا قيم اخلاقيه حسب ماانت عليه
-اللي يقولون التسوق والله ماخليت سوق ماجيته .. صدقوني ان (بريده ) على سبيل المثال (اطلق من اسواق القاهرة )

في المجمل لاااااشي في مصر .. لاشي فعلا ..
نصيحه زود ميزانيتك الفين او 3 ورح لأي دوله تشوف فيها شي جديد وتعيش فيها محترم وتاخذ حق وتعطي حق (ماهو مثل مصر اللي لو بتحاسب بالبقاله ) حاس الحساب

# سلسله مطاعم حضرموت عااااديه جدا لايلعبون عليكم والله انها فوال مطور واكلهم الحمد لله والشكر واليمانيه اللي في المطعم نظافتهم واضح انها سيئه لاخر درجه
#مالا يعترف فيه الكثيرين ان النصب على وذنه هناك وخصوصا الاخوة اهل الشقق فمن كل عشره تلقا 7 حصل لهم ابتزاز والديباجه اياها

# اللي يبي يسمع نصيحتي اهلا وسهلا
واللي ماهو سامعها الله يحفظه بس بالله للأمانه لااااا رجع يجي ويكتب سطرين هنا (وسيوافقني اوتوماتيك )

هذا والله يحفظكم