تقرير كومبلكس لشرم الشيخ ابريل 2012

السلام عليكم شباب وصبايا ..

أقدم لكم تقريري لرحلتي لشرم الشيخ لشهر ابريل للعام 2012 على أمل أن ينال رضاكم ..

أولاً احب اشكر الأخت nannou أم هيثم على مساعدتها لي في تنظيم الرحلة وتقديم المعلومات ..

كما أشكر الأخ محمود .. وكل من استفدت من تقريره عن شرم الشيخ ..

نبدأ التقرير ..

معلومات عامة ..

سعر التذكرة 994 ريال على الخطوط السعودية ( غير مسترجعة ) الرياض – شرم الشيخ – الرياض ..

السكن في ماريوت البحر .. غرفة مطلة على الحديقة من 27 أبريل وحتى 1 مايو
بسعر 1600 ريال من الشركة العربية للسفر والسياحة بحي الملز بالرياض ..

نوع الكاميرا

وكذلك التصوير من جهاز جالكسي اس تو ..

..

أقلعنا من مطار الملك خالد بالرياض بعد تأخر الرحلة لمدة ساعتين .. ووصلنا لشرم الشيخ بالسلامة آخر النهار ..

ختمت الجواز ورحت أصرف بسعر 1.59 جنية مقابل الريال ..

طبعاً كنت حاجز باص الماريوت بالتلفون بسعر 30 جنية ولما طلعت من بوابة المطار لقيت السواق رافع لوحة بأسمي وعلطول سلمت عليه ورحنا الباص ..

كنت انا فقط وعائلة عربية في الباص .. المهم توجهنا للماريوت واستلمت الغرفة .. كان المفترض تكون سرير واحد كبير ولكن عطوني غرفة بسريرين كبيرة ..

طبعاً الغرفة فيها ثلاجة وسيفتي بوكس ..

نزلت اغراضي وصليت المغرب والعشاء وطلعت اتفرج على الفندق والمسبح .. ولقيت قبال الفندق زي الكوفي تبع الفندق على البحر وفيه رقص وطرب ..

بعدين رحت المشاية مشياً على الأقدام تقريباً 10 دقايق ..

وتعشيت في مطعم فيروز ..

وبصراحه تقييمي للمطعم صفر من عشرة .. لا طعم ولا جودة ولا أسعار ولا استقبال ولا اية شي .. :a8cc8ee8cf:

بعد العشاء طلعت اتمشى في المشاية واكتشف المكان ..

بعدين رجعت الفندق واخذت شاور .. ونمت الساعة 10 ليلاً بعد تعب السفر وقلة النوم ..

انطباعاتي في أول ليلة كانت حلوة ومطمئنه .. وحسيت أن شرم حلوة ..

نلقاكم في الحلقة القادمة وفيها الف ليلة وليلة ومطعم فارس .. دمتم بود .. 🙂