رحلة بنت مصر لشرم الشيخ سبتمبر 2012

2012-09-07

السلام عليكم ورحمة الله وبركاته

هحط لكم النهارده تقرير رحلتي لمدينة شرم الشيخ الجميله فعلا المدينه دي صدق من اسماها مدينة السلام المدينه جميله جدا ومليئه بالسياح من كل مكان مدينه متنوعه ثقافيا وحضاريا : شرم الشيخ مدينه تقع في محافظة جنوب سيناء مطله على البحر الاحمر وخليج نعمه

الحمد لله مفيش اي حاجه وحشه صادفتني هناك عكرت صفو الرحله مع اني سمعت وانا هناك انه كان فيه مشكله بين البدو والشرطه بس انا خرجت في اليوم ده وقيل انه الطريق كان مقطوع من قبل البدو بس مالاقيتش اي حاجه من دي وده طبعا يؤكد ان الشائعات كتيره جدا على مصر واللي شاف غير اللي سمع فعلا انا في اليوم ده خرجت ورجعنا الساعه 3 قبل الفجر البلد امنه جدا وربنا يديم على مصر نعمة الامن والامان

بداية الرحله : يوم 30-8 ونهاية الرحله 5-9

الاقامه : نادي شرم الشيخ الرياضي sharm sporting club

سعر الغرفه : 200 جنيه في الليله طلعت انا واسرتي 6 افراد انا واختي واخين ومامتي وبابايا اخدت انا واختي غرفه وكل اتنين قعدو في غرفه

الكاميرا المستخدمه : kodak easy share c813

انا هنزل التقرير على حلقات كل يوم حلقه خليكم متابعيني كل يوم