تجربة سياحية مريرة في القاهرة …

بسم الله الرحمن الرحيم

صراحه العنوان طالع من القلب دخلت المنتدى قبل السفرة واقرا فيه تقارير تبشر بعودة السياحة في القاهرة وان كل شي على مايرام !!

وقلت مالها الاحجز وزيارة وتفاجات بالوضع من لحظة دخول المطار الا والنظرات تلتها الطلبات من موظفي جمارك وجوازات وعمال حمل الامتعة والجزارين ينتظرون في الخارج (أصحاب التكاسي وعروض السكن ) وكأن من وصل للتو ماهو الا كيس من الدراهم طالع له رجلين .. قلت الامر هين واصل والامور بتكون افضل في الخارج استأجرنا شقة طبعا يفاصلون معك في الماء والكهرباء بغرض زيادة الاجار واذا سكنت على الطالع والنازل الخادمة والبواب نظراتهم مريبة طمعا في المال
وبعد ما تنتهي معاناة السكن تجي معاناة المطاعم والمقاهي والترفيه والنصب في الفواتير وطلب البقشيش من أكبر موظف الى عمال دورات المياه أعزكم الله واذا خرجت تبي تمشي يتعلق فيك مليون متسول ومايفكك لين تكره ام السفرة .. واذا كنت من محبي السهر فهذي يبي لها مجلد خاص عشان تتعلم اصول التعامل مع اصحاب تلك الاماكن لما يوجد من حيل وتلاعب ونصب جهارا نهارا ..
بخصوص الاماكن السياحية مافيه أي اهتمام بالأهرامات والمناطق المحيطة شديدة القذارة ولا يخلو اصحاب تاجير الخيول والجمال والدبابات من النصب .. أما النيل وما أدراك ما النيل تحس انه صرف صحي من شدة الاتساخ اضف الى ذلك الزحام الشديد .. الشي الايجابي الوحيد من وجهة نظري مول سيتي ستار ومول العرب ومدينة الالعاب في ستة اكتوبر وحاول تتشهد قبل ما تركب بعض الالعاب مصديه .. المهم ما خلص الاسبوع الا وانا كاره الاجازة واليوم اللي نويت فيه السفر للقاهرة .. فيه شباب سكنوا بجنب شقتي كانوا حاجزين سبع ايام قعدوا يومين ومشو شرم قالوا وضع القاهرة ما يأهل ..قد يقول البعض انت لازم تكون ملكع عشان تمشي أمورك بس ياخي انا جاي سياحة المفترض تكون الامور سهلة وميسرة على الجميع مو شرط أكون خبير عشان أستمتع في الختام أتمنى التوفيق للجميع وتظل هذي وجهة نظري ,,,