أول يوم وأول حدث لي في كازا

بسم الله الرحمن الرحيم

حدث لي امر اول مره يصير لي بحياتي

خلينا نبداها من البدايه وصالت امس بتاريخ 4/10/2008 الساعه 12 ظهراً بتوقيت كازا علي بال ما طلعت من المطار أتجهت للفندق طبعاً محجوز مسبقاً بعين دياب نزلت الشنطه وخذك طردي من مكان لمكان حمام الزيان وبعدها غدا وبعدها تمشي علي الكورنيش طبعاً هذا وانا مواصل كانت كل تنقالتي بالطكاسي كما يسمونها المغاربه ((تكاسي)) المهم طحت بفراشي بعد صلاة العشاء ونمت لي ساعتين وفزت مثل الحصان الجو يعطيك وطول الفترة وانا منشرح الصدر ومبسوط ومحد قدي المهم اخذت طكسي والوعد شيرتون بسهر هناك وصلت والامور تمام وسهرت وانبسطت وكل شي طبيعي.

المهم وهذي الزبده برجع للفندق وصفت لصاحب الطكسي موقع الاوتيل قلت بكم قال 80 درهم قلت يالأجودي 30تمشي الحال وامحق اجودي المهم قال اطلع ركبت معه والرجال داعس والنية قشر الله لا يوريكم طبعا من كثر خبخبتي بالنهار كني بديت اتعرف علي الشوارع الرجال فاقع داعس وتقطيع اشارات قلت له سلامات عسي ما شر يالحبيب قال الاشاره برتقالي هذي تولع بعد اربع الفجر يعني الطريق سالك قالت صعبة تنبلع برتقالي يالحبيب هذي لونها احمر تعني الوقوف قال لي انت شارب عشان كذا ما تميز الالوان صح قالت بنفسي ماودي بالمشاكل والله انت الشارب مو شارب وبس الا متقهوي علي غيرنا اصرفها برتقالي
عل فكره بس عشان الاخوه يكون بالصوره هذا اليوم بالذات جميع بارت والدسكوات ما تبيع كحول كله سوفت درنك بس عشان ما حد يقول لا انت شارب
طالع الرجال عن طريقي ال انا جاي معه وسلك طريق ثاني بصراحة بديت احس الوضع غير طبيعي قلت له يابن الناس هذا مو طريقنا العاده قال هذا مختصر ويوصلنا اسرع وبصراحة خفت منه المهم قال الاخ من وين قلت بخاطري الرجال مو ناوي يودينا علي خير قلت انا من الشام الملعون قفطني قال انت من السعودية مع اني اتقن اللهجة السورية وبديت اتكلم معه عن سوريا الخ قلت نبي نسوي حركت تمويه
وبعد ما دحلنا وحاص بي ما دريت الا والرجال وقف وطلع سكين وقال جب ما في جيبك انا لا شعوريا وبدون اي احساس يوم شفت السكين انعميت صحيح اني بديت اتنافض لكن يسخرني الله والقط يده ال فيها سكين وابدا ابعدها عن نفسي لغاية ما قدرت افك الباب وهو يتهدد ويتوعد بطعنك بطعنك جيب الدراهم ال معك وغلطتي كان الجوال بيدي وانا انزل من السياره وكنت اجر يده جر ال فيها سكين مادريت ال الخبيث لقط يدي ويسحب الجوال وامسكها ايد علي الجوال وايد علي اليد ال فيها سكين بس تدرون يا شباب ان هذا الشياب رخمه من اول ما عظيت يده وهو فاك الجوال هذا اول شي وكان الهدف الرئيسي التهديد عشان تخنها والشي الثاني اانا من الخوف بدا يطلع مني صوت غريب مادري هو صراخ حسيت انه اول ما بديت اصوت عليه ذل الخبيث المهم خارجت نفسي ولقطت جوالي عدا دراهم عباره عن قطع معدنية سقطت مني غصب عني
بتقولون وش ذا القعيطي بقول والله الخوف يسوي عجايب ويجيب نشاط غريب
النكته وانا هاج اركض وهو يلحقني بالسكين يوم انا ابعدت عنه حس انها خلاص ما راح يحصل علي بدي يصارخ علي حساب الطكسي مع شوية ألفاظ بذيئة هذا ال ينقال عنه (( شين وقوي عين))وخذك ركض وداخل حاره مادري وشهي المهم حسيت انه بعيد عني صرت امشي والقلب يطقطق طققه المهم مشيت يمكن 1كيلو ركض وكيلو مشي لين طحت بالعسكري حق الطكاسي شرحت له وش صار وبدا يتأسف قلت له انت مالك ذنب قال عطني رقم اسياره قلت والله لو انت شايف وشلون هاج كان عرفت ساعته انه ما فيه مجال الاقط ولا رقم
قال خلاص تبي اسوي محظر قالت ما ابي شي ابي الفندق وشلون اروح له قال بوقف لك طكسي صغير قلت مره ثانية لا يابن الناس لو اروح رجل قال مضمون والضامن الله قالت علي بركة الله ونوقف ذاك ابن الحلال واركب معه قال العسكري حساب الطكسي واصل قلت بارك الله فيك س المهم اوصل ويبشر بعزه وتشكرة منه وصلت والله الحمد لباب الفندق قلت كم حسابك يالحبيب قال انت بعد ال صار لك اي شي يجي منك ولو ما معك شي نخدمك قلت بارك الله فيك وعطيته المقسوم وفوقها حبة راس.
طبعاً هذا صار لي من اول يوم وانا جالس عشرة ايام وش الحل ياجماعه سمعت ان عندهم شركة اوربية عندهم التوصيل بالتلفون شكلي برتب اموري معهم ولا استاجر سيارةوافتك من وجع الراس بس علي ما حصل الديره حلوه علي ان نظامها قريب من نظام سوريا عدا ان المطاعم شركات عالمية معروفة والخدمة تكاد تكون اعلي مستوي عدا ن لفنادق عندهم قديمة جدا

اتمني ما فيه احد يطيح بال طحيت فيه انا لهذا تم نشر هذه المشاركة لآخذ الحيطة والحذر
وعذرا علي الأطالة