حمام الهيلتون في مراكش – حمام مغربي في مراكش
2012-02-16
ياهلا في أعضاء المسافر و أحبابة .. اليوم جايب لكم موضوع عن واحد من الحمامات المشهورة في مراكش و من الأفضل تقريباً
في البداية بعطيكم الوصف و الطريق الى حمام الهيلتون
اذا كنت جاي من جهة النخيل و مرجان داخل للبلد .. خليك ماشي لحد ما يجيك إشارة البنك الشعبي و بالعلامة الطريق اللي قدامك يكون مفترق يعني شارعين يروحون قدام واحد يفرق شوي يسار و الثاني يمين شوي على شكل حرف V أنت تطلع على الطريق اللي يمين وراح يكون الطريق سايد واحد رايح جاي .. و كأنه الطريق مختصر و بالعلامة يكون الجبل جنبك اليمين … تمشي لحد ماتجيك إشارة حرف تي T تطلع يمين …. راح أكمل الوصف بعد توصيف التوصيف الثاني .
الوصف الثاني .. اللي جاي من قليز و من عند مقهى الافلام و شقق ميراماس و مطعم باجكني للمشاوي .. تخلي مقهى الافلام يسارك و الحديقة الصغيرة اللي فيها شجرة كبيرة يمينك و تطلع مع الطريق هذا .. اذا مشيت شوي قدام يكون نفس الطريق اللي بالوصف الاول .
الان الوصف يكون واحد لأننا وصلنا لنفس الطريق و هو طريق تاركة .. و برضو طريق أغادير
تمشي على طول و راح يجيك كوبري الطريق ينزل من تحته مثل الصورة هنا
وتظلك ماشي ويجيك إشارة برضو مفترق طريق كلها يروحون قدام بس واحد يمين شوي و الثاني يسار شوي و أنت تروح يسار مثل اللي بالصورة
تمشي شوي يكون حمام الهيلتون على يمينك
صورة أوضح للحمام المغربي من الخارج
تدخل يكون الكاشير قدامك تختار اللي تحب تسوية من الباكجات اللي بالمنيو و تاخذ الصابون و الليفة و اللذي منه
اللي أخذته كان بـ 250 درهم و الباكج الثاني كان بـ 300 درهم يزيد بالمساج نص ساعه مدري 20 دقيقة و حلاقة بعد الحمام
السعر يشمل أغراض الحمام المغربي الصابون الخاصة و الليف و كل اللي راح يعطونك اياه وقتها
هذي المنيو للحمام المغربي .. حمام الهيلتون
بعد ماتحاسب تدخل و يكون أول شي شخص راح ياخذ منك الاغراض وفيه زي الدولاب تحط ملابسك و أغراضك فيها و على الفكرة الدولاب بدون مفتاح يعني لا تجيب معاك أغراض و خذ حساب النقطة هذي .. برضو جيب معاك شورت تدخل فيه الحمام و فوطة اذا تحب مع إنهم يوفرون لك فوطة .. بعد كذا تدخل الحمام المغربي ويبدأ في غسيل جسمك بالماء الدافي و يستلمك رجال يلف جسمك على السريع بالصابون ويرجع يغسل جسمك بعدها تدخل حمام البخار أبو 20 دقيقة بعدها تطلع يسوفك بالغالب نفس الشخص اللي بديت معاه
مايحتاج أقولك راح تشوف أشياء غريبة اذا أنت من زمان ماسويت حمام بخار سواء حمام مغربي أو حمام شامي لول :6b5bf50998:
و بعدها يدهنك بزيت بعدها المساج و اذا تحب ترجع للبخار أو تكمل بالحمام لوحدك لأن الباكج يكون انتهاء هنا … بعدها تطلع و على غرفة الجلوس و تغيير الملابس ويكون فيه خدمة مشروبات و تستريح لحد ما تمشي
في النهاية .. أتمنى يكون الموضوع نال على اعجابكم
الكابتن خالد
التعليقات