سفرتي لاقادير ومراكش(حبيبتي)..قلبي عليل ودواه بمراكش الكبيده
2012-09-20السلآم عليكم ورحمة الله وبركآته
ياشباب هاذا تقرير بدون صور بس للي بيستفيد وحنا ماتواصلنا وجينا وشاركنا بهالمنتدى الا عشان نستفيد ونفيد ومانبي احد يطيح مثل اخطائنا ويتعلم واموره هانيه ان شاء الله ( يعني نفيد ونستفيد )
من تقريري هاذا ان شاء الله بتستفيدون يالي ماقد رحتو للمغرب ولاتعرفون التعامل معاه وانا خاصي فاتح لاي استفسار وان شاء الله بساعده وبينبسط معاي :2c65ea9383: طيارتي كانت 30 اقوست الساعه 4 الفجر الناقل الخطوط المغربيه(الله لايعيدها وساعتها) ذهاب سياحي رجعه بزنس وياليتها كلها سياحي على هالخطوط الفاشله الي كنك تشحدهم ولا راكب معاهم بلاش تعامل سيئ واخلاق سيئه :a8cc8ee8cf: ماعلينا طرنآ من مطار الملك خالد الرياض الساعه تشير 4 ونص الفجر وصلنا بالسلامه على 10ونص لمطار محمد الخامس كازا طبعآ خط طيارتي رياض-كازا-كازا-اقادير والرجعه من كازا ونجلس 8 ساعات ملطوعين بمطار كازا لين جاء وقت طيارة اقادير طرنا من كازا 4ونص او5 العصر وصلنا مطار المسيره 6 او 6 وشوي نزلنا وسحبنا شنطنا وعاد يبدا التميلح حق كازا مافيه اكراميه ماصرفت ويسكت وتعرفت على شباب كلهم بنفس فندق الزباله صحاري حاجز كل شي عن طريق المؤيد على فكره المهم طلعنا للطاكاسي الا صافين يذكروني بمصر هو والمرسيدس حقتهم هههههه وتعال شوفو الاسعار الي يقول 800 والي يقول 600 واقولهم 200 غيره درهم زايد مافيه قالو لا مايمشي سير اخويا وامشي انا والشباب قلت تعال بس وراي نمشي قدام ويحلقونا ومامداني اكمل كلمتي الا يوم جاء وراي واحد اخويا اخويا المهم وقالي سير 400 قلت حبيبي 200 غيره درهم منت شايف قال اخويا 220 لاي فندق واسال كل الطاكاسي قلت صافي بس بشرط بنمر المرجان ناخذ اغراضي وتطير عيونه لا اخويا بنتظر ساعه او اكثر قلت كم تبي طيب قال صافي 400 ونصير حبايب قلت لا 350 ومني ومنه لين وافق وقال خلاص اطلعو ويودينا وبعدها على الفندق يوم وصلنا للفندق تعال شوف التعامل الزباله والاخلاق زباله وكنك ساكن ببلاش عندهم حتى اقول لاخوياي وبعدين معاهم الطيران مقفل اخلاقي والحين هالفندق يالليل مطولك صدق الله يصبرني بس تخيلو ساعه عشان يفتح غرفتين لي غرفه ولاخوياي غرفه طبعآ اخويا تعرفت عليهم بالمطار عطوني رقم 214 وطلعت حذفت اغراضي يوم خشيت اشوف الديكورات حلوه وشاشه بلازما والحمام اعزكم الله نظيف يعني قلت ليش يسبون فيه الشباب زوين المهم حطيت اغراضي وينشب لي قال اخويا اكراميه الي جاب الشنط يالليل مطولك واطلع عشرين درهم واعطيه قال اخويا ماتفقنا كذ1 قلت تبي ولا اقضب الباب قال واخا ويطلع معصب ويرزح بالباب ههههه المهم واتروش واغير ملابسي وانزل واروح عند الشباب بغرفتهم والي يتروش والي يلبس قلت يله طلعنا قالو يله المهم قلت بنروح لمطعم قريب من هينا اذكر الشباب يقولون تطلع من باب الرسبشن وخذ يسار وتلقى المطعم مقطع الشارع المهم نسال قال لازم طاكسي مسكر يالليل عاد وش الحل مدري ماعرفنا ان اسماعيل حدانا حسبته بعيد كل ماسالنا طاكسي قال بعيد طلعو نصابين ورا الفندق على طول المهم ركبنا مع طاكسي ونتفق معاه 100 رايح جاي تصييخ تايم بس مادرينا نحسب المشوار كذ1 ههههه قلنا ودنا القلعه قال صافي ويودينا للقلعه وننزل فيه ونتعشاء الله يديم النعمه بس اجل دجاجه ونص 400 درهم من غير المشاريب يوم اكلنا وشبعنا قلنا بنفرفر على البحر صراحه الجو واعر ذاك اليوم ولفلفه وفله ووناسه وسعة صدر والنفسيه تغيرت من جو الفندق الكئيب وبعد 3 ساعات اعيط على طاكسينا وقال انا بالباركنق ونروح ونركب معاه الساعه حول 10 ونص قلت سير على الفندق رجعنا للفندق تكينا بغرفه وحده وهاتك سوالف الا يوم جت الساعه 11ونص نسمع طرب تحت عند المسابح وافتح الدريشه واطالع الا خيمه وناس تدخل وناس تطلع قلت للشباب نزلنا الدعوه فله شكل تحت وننزل للرسبشن الاهو عامر الي يغمز والي يضحك واخوياي اول مره يجون المغرب وهم ينجنون وانا اقولهم اركدو توكم ماشفتو شي للحين ههههه ونخش الخيمه واطلب شيشه تفاحتين ومشاريب ونتكي فيه ابو ساعه كان جو واعر بزاف سهره صغيره ويوم جت 12ونص قال خلاص قفلنا يالليل قلت للشباب مشينا لغرفنا المهم وانا طالع من الخيمه الا وحده تقولي ترا فيه العنبره قلت وين قالت اسال الرسبشن ويقولك عليه قلت صافي ونطلع للغرفه ونتكي فيه لين يمكن وحده ونص مانسمع شي قلت للشله مشينا للرسبشن نساله وننزل واساله قال انزل مع السلم تحت وامشي على طول بتحصله قلت يله ونروح يوم دخلنا فيه الاهو يضيق الصدر يذكرني بكبريهات مصر الي بشارع الهرم هههههه المهم اخذنا طاوله وصراحه جوه اختلف معاي فيه وحده اسمها نوره عليها شغل نمره تروح ونمره تجي الا يوم جت نوره نمرتها زوينه بزاف عاد بدت البسطه والطاولات صارت عامره ويبدا الرش ويبدا الفله يوم جت 2 ونص يجي واحد كنه دركتر ياشبات ويصفق خلاص ياشبات وطلعنا للغرف وتصيق صدرونا فينا طرب بس وين مدري وقالو الشباب انا يامدبر الرحله دبرنا واتذكر شهرزاد قلت بس ياشباب جبتها شهرزاد حسبته نطلع بطاكسي ماتوقعته بالزباله صحاري ههههههه وقلت للشباب شهرزاد مايبيلها قالو صافي قلت مشينا ونتسحب مع الدرج لين وصلنا للوبي الا اللوبي عامر واروح لوحده قلتلها ابي شهرزاد شلون اوصله قالت وانت خارج من باب الفندق برا يجي على اليمين قلت تمام قالت بس شوي هوا مافتح للحين قلت نتكي باللوبي ونتكي نتفرج للي رايح والي جاي لين فتح ورحنا المهم جيت انا والشباب بنخش قال وين اخويا البدي قارد قلت نعم قال اخويا مافيش اكراميه قلت للديسكو دخوليه ولاكيف ؟ قال الا 100 درهم قلت صافي انا حاجز طاوله ونسحب عليه انا والشله وننزل مع الدرج لين وصلنا للي على باب الديسكو قال لكم طاوله قلت اذا فيه نبي قال كلهم عامرين قلت نبي تكت قال البار قلت ايه ونقص التكت 100 درهم ونخش ونهيص هيصه فيه لين جت الساعه 6 وقلت للشباب بطلع لغرفتي انام والله خلاص معاد اقدر اكمل قالو حنا معاك يله ونطلع فوق وانام انا قلت مدام مانمت يومين اكيد ماني صاحي الا ثاني يوم نمت 6 الا يوم جت 3 العصر وانا قايم يالليل ارجع اتقلب مافيه امل واخذ شور واغير ملابسي واتضبط قلت بروح اتغداء والشله ماني مصحيهم نايمين اكيد الا يوم فتحت باب غرفتي الا هم يستقلوني قالو حنا من زمان صاحين بس خفنا نخرب نومتك ههههه قلت مزيان بزاف سيرو للمطعم ويخسى الجوع المهم نزلنا نتسحب للوبي الا فيه كم نفر قلت للشباب وش مشتهين مسوي قائد الرحله هههههه قالو الي تبي انت ناكله حنا قلت طيب اسمعو شواية النهضه كيف قالو الي تبي قلت يله الا يوم طلت من الفندق الا احسن ماشوف ماكدو محبوبي بالمغرب(عشق لاينتهي) قالو ماكدو ليش لا يله ونخشه الا هو عامر احلى مافي ماكدو هناك دايم عامر هههه ونخش ونطلب وخوينا الثالث يقول بجيب الطلب والردار شغال هههههه الي ابتسامه والي ضحكه والي والي ماعلينا اكلنا وعمرنا الكرشه قلت هاه شباب وين قالو انت ابوها وسمها طلعنا من ماكدو وين وين ياولد فكر فكر (مدمن بحر) قلت شباب يجي البحر قال ليش مايجي الا الساعه 4ونص قلت هاذا وقت البحر ونركب مع خوينا الي امس فرحانين بعد قال 100 اوديكم واجيبكم ههههه ونهز روسنا كنا هنود قلنا صافي ونطلع معاه ابن اللذينا قاهرني للحين قلت ودنا للكرونيش قال واخا ونروح يوم وصلنا الا هو عامر يافله فله صدق وكان الجو شوي حار قلت وش رايكم نخش بكفي بارد ونطلب شي بارد قالو يله ونحصل كفي كويس ادور اسمه عجزت احصله مثله مثل بقيت الكفيهات ونخشه ونتكي فيه جوه ماعليه ونطلب 3 عصير فراوله وسوالف وضحك لين جت الساعه 6ونص قالو العيال هاه الحين وين قلت ابومؤيد ويطالعون فيني مجنون انت مطعم نصاب قلت مو اكل بنتقهوى وشاي قالو اي صح روسنا تفر فر نبي دله مهيله وبريق شاهي قلت شفتو هههه ونروح له ونلقاه عامر قال مافيه الا طاولات قلت سلامات يازين اشكالنا نتقهوى فوق طاوله الا يوم ثنتين قامو وانا الي انبسط قلت نبي محل الثنتين الي قامو قال اخويا ممنوع القهوه الا بشرط تطلب قبلها اكل قلت باي قانون تدري خللك قهوتك ابوك يالمنه صدق ههههه ونطلع وقلبي يرفرفر على المهيله ياعيال طاوله بس قالو يله ونرجع والقاء بنت قالت شوفيكم كنا واقفين تقول نشحد هههه قلت ابن اللذينا نبي نتهقوى وحنا شبعانين مانبي ناكل ونبي قهوه وشاي قالت تعالو معاي قالت اخويا هذولي اصحابي وانا وصحاباتي الثلاثه جالسين هناك طالبين اكل وحنا عازمين اصحابنا ذولي على قهوه وشاي بعد الاكل قال صافي قلت احسن اشوف وجهك ونروح نجلس معاهم هو يتغدون وانا والشله قهوه وشاي لين روينا وضبطنا الراس المهم خلصنا دفعنا حساب قهوتنا وشاهينا 100 درهم واهايط بحاسب اكلهم وتقول خلاص والله دافعه وصافي وتشرفنا قلت حتى انا تشرفت فيكم وسلمنا ومشينا الساعه 7 يمكن قلت هاه ياشباب وين تبون قالو الي تبي قلت اجل تعالو فرفره بالبحر ونتمشى الا يوم شفنا مقهى بلياردو وفله واتحدا انا وخويي قال قدام من 200 درهم قال صافي ونخش وخوينا الثالث يجلس بطاوله ويطلع اتوقع اتاي ويطقطق بالنت وكان عامر واخر طاوله اخذناها حنا ولعب وطقطقه بالعصي لين ملينا يوم جا قال 5 دراهم ياولد انت صادق هههه قال اي يابلاش وصح فاز خويي وعطيته 200 درهم بس بالغش ههههه وطلعنا الا الساعه 8ونص هاه وين نروح والفكر المدبر انا وانا الي رحت فيها ونمر سوبر ماركت ونلقى عنده اغراضي ونشيل منه كان معاي شنطه هاند باق اخذنا مويه 3 سيدي علي كبير وشكولاتات وماشوكلاتات وعصيرات وحاسبنا وطلعنا قلت نرجع للفندق معاد فيه شي قالو يله ونتصل على طاكسينا الو فينك دابا قال بالباركنق انتظركم مامشيت اخويا قلت امش يالدلع ياشباب 100 درهم وينتظرنا كذ1 فله هههه اثرنا كنا اغبياء ويوصلنا للفندق ونحاسبه وينزلنا ونخش الفندق ولاكلمني يشوف الشنطه قلت حلو ونخش داخل ونروح للغرفه ونتكي بغرفه وحده وسوالف وسعة صدر الا الساعه 10 الايوم بدا الخيمه ياسلام سلم يعجبني جوها اكثر من العنبره المكتوم وننزل قال تفاحتين وثلاث مشاريب قلت لا مابي شيشه معاي دخان هههه قال واخا ثلاث مشاريب قلت ايه وينزل لنا ونجلس نتفرج وهيصه وفله لين قفل وطلعنا للفندق ونكمل بالغرفه وسوالف وضحك الا جوالي يدق ياولد طاكسينا وش يبي قال الو مرحبا اخويا كلشي مزيان قلت لاباس قال انتم نسيتو معاي محفظه ياولد وش هالامين ههههه قلت تعال للفندق بننزل ناخذها لصحابنا المحفظه مافيها غير الفلس هههه قلت شباب هالامين هاذا بنعامله قالو صافي المهم ويوم جت 1ونص الا الشباب قالو طفش وشهرزاد مايفتح الا على 3ونص قلت ماعليكم تبون ديسكو قالو ايه قلت مشينا مخيتو قالو وشو هاذا قلت امشو وانتم ساكتين واعيط على خوينا قال صاحبي انا طالع مشوار للمارينا وبعيد خذو طاكسي ثاني يالله قلت ماشي واطلع الا القاء الصفه واقفين تعال سير معايا تعال وسبحان الله تذكرت حركه بمراكش اسويها قلت شباب لاتكلمونهم وبيلحقنا واحد وبناخذه بالسعر الي نبي انا لو عارف نظامها زي مراكش سويت كذ1 المهم الا يحلقنا طاكسي لابس نظاره شمسيه ويفتح الدريشه قلت وش عنده ام كلثوم اقادير ويتبسم قلت احلوله بس من فقع وجههك وانت تضحك قال وين بتسيرون اخويا قلت مخيتو على فكره مخيتو قلتها عشان عزيز علي قلبي يقولها ههههه قال 50 صافي قلت واذا نبيكم ترجعنا للفندق قال 100 صافي قلت لا مسوي ذكي 70 قال صافي واخا اطلعو هههه ونركب معاه ونخش مخيتو ونخش مخيتو الا هو عامر نبي طاوله مافيه فايده قلت ندخل ونتفرج ونهيص بس ونطلع لشهرزاد ناخذ طاوله فيه ولاتضيق صدوركم الا يوم جاني واحد قال تبي طاوله قلت ايه قال 4000 درهم اطالع فيه بغيت افقع وجهه قلت اذا 1600 الحين اخذها غيره لا والف لا قال واخا بكلم المدير ويروح ويجيني قال خلاص انحجزت قلت احسن بعد ونجلس فيه لين قالو يله خلاص خلصنا الا وذيك الشسمه واقرب منه قلت بعدها على وين شهرزاد توه وانا ابي اسهر قالت الكزار ياعيال الكزار قالو قدام اهم شي الجو مايطفي قلت يله ونروح للكزار يلعن ام الجو مرقص بايخ حتى اخوياي قالو فاشل دويرونا بغينا ناخذ طاوله فيه بس يوم شفنا جوه سامج مره بالمغربي(خايب) واقرب من نفر ثاني قلت جوه مايعجبني قالت شهرزاد شوي قلت وهو فيه احلى من شهرزاد بس اقصد هالساعه الي باقيه قالت اتلاتنك قلت للعيال خلوه مره ثانيه نروح له ونطلع ونعيط على طاكسينا ويجي قال وين ياصاحبي قلت بتعشاء جوعان قال وش تحب من مطعم قلت اي شي ماكدو قال قفل قلت طيب مشاوي طيبه قريبه من الفندق قال صافي ويودينا لواحد اسمه سناك قبل الاشاره يجي يمين وانت رايح يمين للفندق الله يديم النعمه ونطلب منه سندويش كفته دجاج ثلاثه ونحاسبه ونطلع للفندق ونخش الا نسينا الفندق يالليل الا حبيبنا واقف تعالو ياحبابيبي ويسلم الصحه مزيان كلشي مزيان يالليل قلت لاباس قال ممنوع الاكل واتذكر عطه خمسين ويدخلك واطلع له خمسين قال صافي اخويا وياخذ الكيس ويحذفها ويمسك كل واحد اكله ومشروبه ههههه يالليل الاهانه ونخش المهم وندخل الا اللوبي عامر والي تقول اعزمونا والي تقول وحده بس ههههه يالليل قلت للشباب حنا ورا ماكلنا بمطعمنا بدال هالاهنه ونخش لغرفتنا ونتعشاء الله يديم النعمه ياله اكلت ربعها ونكمل السهره لين فتح شهرزاد وننزله ونخشه وهيصه وزمبليطه هههه لين جت الساعه 6 ونطلع قلت شباب ناعسين قالو لا قلت وش رايكم بالبحر على الصبح قال قدام هههه يعجبوني مايقولون لا قلت اجل مشينا فوق لين يطلع النور ولاطلع وجهنا للبحر المهم طلعنا ووتكينا نراقب لين طلع النور وننزل وعلى البحر ونجيه خاوي مره ياولد ويضحكون علي وين الي بنلقاه عامر يالنصاب ههه قلت مدري اول مره ترا اجي هالوقت قالو رجعنا بس قلت يله > ويمسكونها علي يوم رجعنا الا الدبكه باللوبي ياولد وش السالفه اثاري فيه فطور قلت شباب جوعانين قالو ايه قلت يخسى الجو مشينا للبوفيه ونخش الا الردار يوم سوا اون على طول هههههههه ونتكي بطاوله وناخذ الفطور ونتكي سوالف وضحك وفله المهم خلصنا وطلعنا للغرف قلت شباب ترا بكره طلعتنا بيكرشونا مع الباب لازم نجدد من ابو مؤيد قالو صح نسينا يومين حجزنا بس وافتح النت ادور ارقام مكتب ابو مؤيد واحصل رقم عبدو ونام ونصحى على 4 العصر والقط جوالي واعيط عليه الو عبدو لاباس عليك قال كلشي مزيان الحمدلله قلت انا بجدد عندك غرفتين بصحاري قال صافي انا بجي للفندق بعد المغرب شوفو كم يوم تبغون وماشي قلت صافي يعني مايحتاج نروح للمكتب لا نخدمكم حنا صاحبي قلت كويس واروح للشباب اقومهم واقولهم وانبسطو بزاف وقلت هاه فيكم جوع قالو اي قلت يخسى الجوع وين تبون قالو ماكدو قلت اشوف ادمنتوه قالو وش نسوي شي تروح له انت ولاندمنه ههههه قلت يله تروشو بروح اتروش واتضبط واتكشخ وننزل قالو طيب ونطلع من الفندق لماكدو الا ولاخلوني ساكت هههه واعطي الردار تصريح انه يشتغل ونجلس ونطلب نفس طلبنا 3 ماك تشكن وقطع دجاج محشيه بالجبن اسمها تشيلز او كذ1 اسمها ناسيه ماعلينا ونفس الكلام عامر وفله ووناسه شبعنا قلت شباب اليوم عشائنا شواية النهضه قالو خلاص ليش ماخليت نروح الحين قلت لا بنروح له على 11 اكيد جعتو قالو صافي ونطلع من ماكدو قلت بدور تشارج جوالي مافيه رصيد الا الكشك يسار ونروح له قلت ابي تشارج قال كم تبي قلت 200 درهم ويشحن لي واطالع الا عنده بساكيت ومويه واشياء كثيره قلت بكم وبكم الاهو رخيص وسعره زوين قلت شباب يناخذ منه مقاضينا مهب النصاب حق صحاري مايفتح الا بالليل وتصييخ وتعامل زباله ودي افرشه والله كيس ثلج مايسوا 50 درهم سلامات ولا البسكوت 30 درهم ومشينا وخلينا الكشك بطران اسمه رشيد حبيب ويخدم الا وين نروح قلت شباب قبل نحجز بالزباله ونكمل معاهم وش رايكم نشوف المارينا يمدحونها قالو يله مشينا واوقف طاكسي قال اوديكم للمارينا 100 ابوك يالتصييخ انقلع بس قال كم انت تبي تروح قلت 50 درهم والرجعه 50 درهم بالليل مطولك هالميه فينا فينا هههه قال صافي ونطلع الا هو يتحكك قلت وشفيك قال صاحبي المارينا اعرف واحد اسمه رشيد اعيطله قلت ايه عيطله وخليه ينتظرني عند المارينا قال صافي ونروح لرشيد بس الي مستغربه اساميهم كلها رشيد اطالع بالعيال واضحك يوم قال لاباس عليك اخويا رشيد هههههههه ونلقى رشيد واسلم عليه مسوي يعرفني يبوسني انا واخوياي ههههه قلت سلامات قال مرحبا بيك ببلدك الثاني قلت حافظها من جمرك المطار ههه المهم قلت اول شي نبي استديويين عساني وقفت بجمعهن هههه قال صافي وفيه غرفتين شقه وراني الشقه صراحه واعره بزاف ورايقه وبلكونه واتذكر زبالتنا وتخنقني الغبره كل ماتذكرته هههه قالو شوف اخويا سميتك علمته اسمي قال هي 1500 درهم باليوم بس عشاني ارتحت لك وحبيتك وبكسبك زبون عندي دائم غير منقطع ان شاء الله 1400 درهم قلت للحين غاليه بزاف قال ولايهمك 1350درهم ولاتلقاه عند اي احد قلت للشباب هاه قالو والله حلوه ومزيانه مره قال وفيه شقه غرفتين 2600درهم قلت لانبي استديوات كل واحد قال واخا بس بكره تستلمهن ونطلع منه ويودع حسيتني صراحه اخوه ولا امه مابقي الا اقوله جب مهري واخطبني هههههه ونرجع مع طاكسينا يوم وصلنا للفندق قال ابي 50 ليه ياولد وش السالفه قلنا له صافي بس ليش متفقين معاك 100 قال انتم شباب كويسين وانا صراحه ماحب الحرام قلت ابوك ليش قال اصلن اي مشوار باقادير مايخوذش غير 20 درهم واكراميه منك 10 اذا حاب قلت من جدك قال ايوه واي طاكسي لايلعب عليكم قلت جزاك الله خير وحنا مصيخيين كل يوم وانا صراحه آرتحت له قلت تدري بعاملك اي مشوار عشرين وش قلت قال صافي اخويا انا ابي بس الحلال حرام مابي قلت لو لاقيك قدام صحاري اصدق بس من برا اكيد انت انسان اجودي المهم نزلنا ونقلبها بالغرف عشان المارينا خذت تفكيرنا الا عبدو يعيط علي اهلين عبدو قال فينك دابا قلت بغرفتي قال انزل انت والشباب انا تحت عشان تقولي كم يوم تبي قلت يله جايينك هاه يشباب المارينا قالو اسحب بس خلنا بفندقنا صراحه المارينا مارتحت لها من السكورتيه والي بالعماره يروعون وننزل لعبدو ونجدد اربع ايام قدام وانا صدري ضايق على هالزباله بس قلت يله عشان الشباب ونعطيه فلوسه ونرجع للغرف ….
متآبعه ممتعه ونكمل فيمآ بعد …
التعليقات