مشكله فى سفري للمغرب

انا اول مره اسافر المغرب
وللاسف انا واقع فى مشكله
اللي شجعني اجي المغرب صديق معين المفروض انه بالمغرب
ولكن اول ماحجزت وعرف اني هاجي شكله خلع وقالي انا الايام دي مش فى المغرب
المهم .. انا ورطتي انى معرفش اي حاجه فى المغرب ومسافر لوحدي وبدأت اقلق لدرجه انى بفكر الغي الحجز ومسفرش
قلقي جاي من اني معرفش حاجه هناك وحتا اللغه للاسف صعبه فا قلقان اسافر وتحصل مشاكل كتيره لاني قريت هنا عن حاجتين هما سبب قلقي
اول حاجه عن نصب اللي بيشتغلو فى السياحه وتضللهم للناس
وتاني حاجه انها بلد كبيره وفيه كذا مدينه اسمع عنها وانا شخصيا معرفش استقر الاسبوع اللي انا جاي فيه المغرب في اي مدينه وايه احسنهم