ميناء اقادير .. مطاعم سمك طازج واسعار رخيصه

من مجموعه المطاعم اليوم جايب لكم أحلى شي وهو سمك وفرش ورخيص على شان الواحد ياخذ راحته بالاكل ههههه

المكان جداً حوسه ومزعجين اللي قبل تدخل السوق من سماسره يحاولو يدخلوك الكبينه اللي تبعهم ولا يوصونك على رقم الكبينه وشويه عروض مثلا سعر الكيلو ولا نوع معين من السمك وهذي تعتمد على الكلام اللي يصير بينكم وانتم بتمشو وقبل ماتدخلو السوق هذا .

الأكيد لا تلتزم مع أحد وأحلى شي تتمشى وتختار الكبينه اللي ترتاح منها من جلسات ونظافه العاملين ولا الاسعار تقريباً الكل نفس السعر واذا تبي ترتاح أكثر سعر على السريع اللي في بالك تطلبه والعادة تكون فيه لوحه فوق رأس المحاسب وفيها الاسعار .

انا عن نفسي والله تعبت منهم الناس ذولا وبالاخير ( انا جاي اتفسح ماأبي أشتري ولا فيني الجوع .. سير بحالك اخويا !! ) ….

بدايه مشوارنا هذا كان من الفندق على المارينا وكنا نبي سوق الميناء بس بالخطأ ركبنا روسنا نبي المينا نبي المينا والمارينا هههههه كلها فيها حرف ميم ونون !!

المهم

دخلنا المارينا ونسأل عن مطعم السمك !!

ومشينا شوي في المينا مدري المارينا … وهنا اذا تحبون تعرفون المكان صرنا قريبين لهذه العلامه التجاريه لأكادير :6b08cdd459:

ولفينا يسار شوي ووصلنا للفندق والجو كان رايق للمشي بصراحه
ودخلنا المطعم هذا

وهذي البوابه

Restaurant Yacht Club

وهذا طلته على المرسى والصراحه جوه رايق وهادي بس مو لي انا وصاحبي ههههه

تسعيره الفندق

بس الاكيد مو هذا مقصدنا …. طلعنا ولا طلبنا شي ..

ونرجع للبوابه وقلنا نبي الميناء ياحاج ودلنا عليه

وصلنا بالسلامه !!

زحمه وطرب وناس تهرج وناس تحرج

والله فرق ماكنا كويسين ههههههه بالمطعم اللي تو !!!

زحمه يادنيا زحمه هههه

على العموم الميناء فيه مطاعم مهتمه شوي بالمستوى وفيه لا شعبي جداً

والسياح أكيد عايشين الجو ومبسوطين

اذا تلاحظون 87 و86 هذي ارقام المطعم وانا عني اخذت من الاولات رقم 4 اعقتد او شي زي كذا

اللي يشوي ههههه :61acbf8b15:

وهذي من المناظر اللي خلتني بغيت ارجع !!

الطاولات كذا نظامها والزحمه أحياناً تخليك قريب من اللي جنبك لحد انك ممكن تقول لو سمحت الملح !! ههههه ممكن كأس مويه ههههههه

وهذي جلستنا وكان رايقه ومهضومه

انا الله يحرسني من العين ههههه

بعد دوران وحوسه بالسوق اخترنا المطعم اللي عجبنا وجاب لنا صاحبه مجموعه من اللي حددناها لنختار والصراحه كانت خدمته مره ممتازة …

وقالنا زووووووين هكا !!

ماكأنه جايب لنا المطعم كله !!!!!

قلت لا اخويا …. هههههه

واخترنا اللي عجبنا وقلت له ورينا اياه قبل تسويه … وعلمني كم راح يكلف قبل نبدأ !!!

واشترطت عليه شرط ههههه ذليت امه ياناس جاي أشتري المطعم مو اتغدى انا شكلي هههه

المهم اشترطت انه يشوي لي بشوايه نظيفه بصراحه المناظر اللي شفتها ماش ماتشجع !!

وفعلا جاب لي طلبي وكان فيه روبيان عندهم عجيب ولذيذ احمر غامق وطعمه روعه … وهذي الشوايه الجديدة

قلت له ممكن صورة لعيون المنتدى !!

وراح يشوي ويجهز طلبنا

وانا قمت افرفر بالصوف الخلفيه … ودخلت سوق المينا للسمك الداخلي شغل استخباراتي ههههه

ورجعت لطاولتنا وهذي صورة من بعيد …

وهنا قبل يجي الاكل

جلساتنا كانت تتبع لدورة مياه ومغسله خارجيه نظيفه شوي واحسن شي الصابون زي البودرة ( مثل صابون تايد ) .

المغسله اللي على اليمين

ويومها كان حسابنا كله 600 درهم تقريبا بس بصراحه الاكل كثير وأكثر من شخصين بعدين الاستاكوزا والوربيان غالي شوي .

رجعنا مشي للفندق لأن الجو مثل ماأنتم شايفين أكثر من رايق وهواء عليل …

تحياتي لكم

الكابتن خالد