أهلا وسهلا بك إلى المسافر السياحة و السفر.
أهلا وسهلا بك زائرنا الكريم، يسرنا ان تسجل معنا في اكبر مواقع السفر للتسجيل اضغط هنا

تقارير ياقلب العنا لـ أقادير تقريري أنا . . . !

2011-10-18
الصورة الشخصية
عدد المشاركات: 54


بسم الله الرحمن الرحيم
أحب أن أشكر كل من سأل عني خلال فترة إنقطاعي عن النت
مع أني كنت متابع بالمنتدى لما يكتب وينقل عن المغريب الحبيب لكن متابع بصمت ( لحاجه بنفس يعقوب )

المهم وبدون سابق إنذار ولا تخطيط مسبق وتطق براسي يوم الاحد16/10/2011 وتطلع حبه أسمها أقادير ويبغالها طحن
وأقدم إيجازه وأشبكها مع العطله الرسميه يعني مافيه دوااام غير بعد العيد

لا شفت صدرك من كثر ضيقته مـلّ
وقامت تراقص وسط راسك شياطيـن
جهز جـوازك والشنـاط وتسهـلّ
البخل مـا ينفـع ايديـن البخيليـن
وامش العصير وتبّـع الموتـر الضـلّ
تطلع عليك الشمس في ديرة حسيـن

وعلى السريع أرتب الاوضاع والشنطه والملابس هذا ينفع هذا لالبسته المره الفايته هذا أوكيه …!
وعلى السوق وأشتري بعض النواقص وهدايا ( لايخدم بخيل )
وأشيك على السيارة وأقول بسم الله لـ عمان ويادرب العنا ياأقادير وأبو نورة يغرد ( وينك يدرب المحبه )
وينك يادرب السعادة
وين الدليل المساعد
غريب تارك بلاده
والأهل من اجل واحد
ضايع وضيع شبابه
ملوه حتى صحابه
وصلت عمان الساعه 2 الظهر ودايركت على أول مكتب سياحي دخلت المكتب
مرحبا ممكن تشوف لي أقرب رحله للمغرب

هلا ممكن وموجد اليوم بعد ثلاث ساعات
أقلبها براسي قلت ياولد بدال ماأجلس بعمان كم يوم ويمديني ألحق عليها وتوصل بكره وماسألته عن تفاصيل الرحلة
وأحجز

وعلى طول أغير ملابس وألبس لبس رياضي لا تفصخ حزااام ولاجزمه بالتفتيش وخفيف وضريف
وأطلع للمطار وأخلص الإجرائات وأروح لبوابة السفر بوابة 11
وشوي ويعلنون على المسافرين للدوحه التوجه لبوابه 11 والله وأدخل الطيارة تقريبا الساعه 5 العصر وأقلعت الطيارة وكانت طراز A330
والله الطيارة بصراحه كبيرة وكراسيه مريحه وصلنا الدوحه تقريبا على 7.30 المساء وعلى صلات الإترانزيت وكانت زحمة مره وأغلبهم شرق إسيا
وأخذ جوله بالمنطقه الحرة وماشتريت شيء لأن أغلب البائعات من شرق أسيا وماتتوفر به الصفات الي تخليك غصب تشتري

والله وأشيك على البوردنق متى الاقلاع لـ كازا أف الساعه 2 يا قلب العنا والساعه ماجت 8 والوصول لـ كازا 9 بتوقيت كازا ياقلب العنا
والله وأروح للبنك وأصرف 200 ريال وأروح لمطعم والله لك عليه وأخذ وجبه بـ32 ريال قطري وأجلس أنتنت شوي

أف ياولد الوقت عيا يمشي والانتظار طول وحالتي حاله بين فرح والشوق يحرق قليبي

صرخت الأشواق على وتر عزف سيمفونية هواكى بين أوردتى

بدونكى اللحظات صارت ساعات موحشة ارهقتنى

واشتعل قدح الشوق على جمر الإنتظار . . وبات يحرقنى

والقمر يرتل مع نجوم سمائى عبير همسكى

كانت خطواتى مضطربة تخشى الإقتراب

وعنفوان كبريائى كان يحلّق بقلبى بين أروقة الصمت

إلى ان اخترقه حبكى وحرّر قيود معبدى يا أقادير

طلعت من المطعم وياولد الوقت لسي مطول قلت خلني أروح أشرب كفي

طلبت موكا وكان الحساب بـ 22 ريال قطري

وأطلع من الكفي ومدري وش صابني تقول رجعت مراهق :6b08cdd459:
أردد أقادير يدرب العنا أقادير وشذنبي أنا
وأروح لصالت الانتظار والله وأشوف لي ثنين باين عليهم أنهم من معازيبنا والله حلوين مش بطالين
جالسين بجنب بعض :67a2654d42: وبجنبهم كرسي فاضي عليه جرائد وكرسي فاضي بجنبه بدت تشتغل عندي الحواس الخمس:6bc61aca8f:
المهم أقبلت عليهم قلت ممكن أقرأ الجرايد قال تفضل أخذت جريدة والله ماسكها كذا أقلب الصفحات :9303f68a42:
والله وتشتغل عندي الخباثه :9303f68a42: وشلون أتحركش بهم منها نتسلي ونضيع وقت الرحله طويله
طلعت الجوال من جيبي وأسوي حالي أتصل بواحد من الشباب:9303f68a42:
مرحبا .. كيفك .. أخبارك.. لا أنا مسافر لكازا.. وبعدها أطلع أقادير ..يمكن أطول 15 يوم.. باي باي
والله وبعد ماخلصت مكالمه مافيه دقيقه غير هم يتحركشو فيني:6b08cdd459:
أنت طالع للمغرب لوحدك
إيوه لوحدي
ماتطفش لوحدك
لا متعود على السفر لوحدي
وجلسنا نتكلم عن المغرب وعن بعض الاماكن السياحية وخاصة بني ملال وأشادو لي بها
وقالو أذا حاب نروح سوء قلت أنشاء الله بعد مانوصل نرتب أمورنا وتبادلنا الارقام

دخلنا الطيارة وأجلس ياولد الوضع مايوفي كذا الرحله طويله :6b5bf50998: وأناظر بعد ماركبو كل المسافرين فيه ثلاث كراسي فاضيه
ومن أمس وأنا رايح لهم :6b08cdd459: وش رايكم تجون فيه ثلاث مقاعد فاضيه وماصدقو خبر وعلى طول وهم وراي:6b08cdd459:
والله وتقلع الطياره وترتفع سما سما ويطري عليه أبن مريبد

قدامك المجمـول والكـاس الاشعـلّ
وتبدا تشوف الناس حولك مساكيـن
ترا سمـا سمـا سمـا ليـن توصـلّ
ليـن الثريـاء والقمـر والميـازيـن

والله ونقضيها سوالف وتعاليل وماغير الضحكات والعلوم والوناسه لين ماحلت النووومه :c84e7dfe68:
والله وتهبط الطيارة على بالي وصلنا كازا أثاريها تونس والمكتب بعمان ماقالي ياقلب العنا ….!
ونتوقف ساعه وبعدها تقلع وصلنا كاز وكان المطار فاضي تقريبا الوقت الساعه 8 الصباح بتوقيت كاز
ولتقرير بقيه تابعونا

انشر هذا الموضوع