مقارنة صحارى باماديل وشقق المارينا

السلااام عليكم ورحمة الله وبركاته

شدني طرح موضوع مقارنة فندق صحارى مع باقي الخيارات المتاحه في اقادير مثل اماديل وشقق المارينا وبعض الفنادق الاخرى كثرة الاسئله والاستفسارات والنقاشات بين مؤيد ومعارض لكل هذه الفنادق ..

من حسب تجربتي المتواضعه والتي اعتقد ان كثير من اعضاء هذا المنتدى الرائع اكثر مني خبره واطلاع لمثل هذه الاموور ولكن احببت ان استفيد وافيد غيري بمثل هذا الموضوع ..

نبدا اولا بفندق صحارى الذي يعتبر اهم مكاان للسائح الخليجي ويعتبر اول نقطه ينطلق منها اذا كان في بداية مشواره في اقادير ..

ودي اننا نتكلم على راحتنا وبكل صراحه وبدون اي تكلف .. بصراحه في بداية الموضوع انا اتكلم عن نفسي وعن تجربتي المتواضعه اول ماسمعت عن المغرب وقررت اني اروح ازور المغرب وابدا رحلتي في حب المغرب قررت اني اروح لمدينة اقادير
لان كل اللي نصحوني قالوا لي اذا انت اول مره تروح للمغرب رووح لاقادير .. وفعلا قررت اروح اقادير وبديت اسال واستفسر وقررت اني اسكن في صحارى … طبعا من رايي الشخصي اول مارحت لصحارى وسكنت فيه اكتشفت انه فندق
عااادي جدا ولا يحمل اي معنى من معاني الفندقه .. لانه لاتوجد فيه اي نوع من انواع الفخامه او الراحه او النظافه .. لكن بالمقابل واللي حببني فيه انه يعتبر من اامن الاماكن بعد الله في المغرب .. وبصراحه انا لاحظت ان
السائح الخليجي اهم شي عنده الامان عشان كذا ارتفعت اسهم فندق صحارى او بالاصح (( ستار اكادمي الخليجين )) وانا اولهم طبعا .. كانت اول رحله لي لاقادير في عام 2005 وسكنت في صحارى وكان صحارى بالنسبه لي هو كل اقادير
كنا انا واصدقائي نصحى من النوم وننزل لمطعم اسماعيل وبعدها للخيمه وبعدها للعنبره وبعدها لشهر زاد وبالاخير ننطلق الى وين ؟؟ طبعا الى غرفتي اللي كانت هي مقرنا كلنا عشان نكمل السهره الى الظهر .. (( الافتر بارتي ))
يعني صحيح اننا انبسطنا واستانسنا لكن ماكنا عارفين اقادير والمغرب بشكل عام .. وبالاخير اكتشفنا ان 13 يوم قضيناها في اقادير كانت كلها في (( ستار اكادمي الخليج )) اللي هو صحارى ,,,

طبعا في السفره الثانيه تداركنا الموضوع بشكل سريع وقررنا اننا نغير مفهومنا عن اقادير وكان بعد سفرتنا الاخيره بــ3 شهوور فقطططط << بدت الزعطه :6bc61aca8f:
اتجهنا الى صحارى ايضا بحكم الامان والقرب من شهرزاد لكن هالمره غيرنا الجدول 180 درجه .. اخذنا سواق خاص وسياره حلوه بسعر حلو وبدينا نطلع ونروح ونجي ولا خلينا مكان في اقادير مارحنا له .. يعني صارت جلستنا في صحارى
بس وقت (( الافتر بارتي )) والنوووم .. طبعا الافتر بارتي صار الى الساعه 8 بالكثير وبعدها كل واحد يروح لغرفته ينام ..
عرفنا ان فيه اماكن كثيير حلوه وراايقه وقمه في الروعه .. صرنا نصحى الساعه 2 الظهر ونطلع للبحر وناخذ ((جيت سكي )) اللي هو دباب البحر وبعدها ناخذ لنا يخت صغير بقيمة 400 درهم لمدة 4 ساعات يدخلك جوا في البحر .. عاد سالفة البحر طويييله ويبيلها موضوع كاامل عشان نعطيه حقه … وبعد البحر نروح لمطعم في كورنيش اقادير اسمه كهف البحر وهالمطعم رااااائع جدا وبعده نطلع للقلعه فوق والا نروح للسوفيتيل
والا نطلع للقرى القريبه من اقادير .. يعني صراحه صارت اقادير فعلا مدينه سياحيه 100% ورااائعه جدا .. يعني مو بس نجلس في صحارى ولا نطلع منه !! فعلا عرفنا البلد وعرفنا كيف نستفيد منها ولله الحمد كونا علاقات طيبه مع اخواننا المغاربه في اقادير ..

طبعا الان عندكم تصور عن اقادير ووناستها ؟؟؟؟
لكن مع كل هالوناسه اللي فيها كان ناقصها شي واااااحد بس !! اللي هو مكان ارقى وانظف من (( ستار اكادمي )) اللي هو صحارى وبدينا نبحث عن مكان ثاني نجد فيه جميع مواصفات صحارى !!! لكن دوون جدوى :8788e14e8d:

وفعلا بالاخير وجدا المكان المناسب اللي هو (( اماديل الاستغلالي )) كان اماديل مثل النقله الحضاريه بالنسبه لنا بصراحه ارتحنا فيه كثييير واكتشفنا انه انظف وارقى من صحارى بكثييييير .. لكن طبعا الزين مايكمل !!
مثل ما لقينا فيه النظافه والراحه وانه ارقى من صحارى لكن اكتشفنا انه استغلاالي جدا وتعامله سيئ جدا يعني من تدخل عند البوابه يزعجك ابي فلووس ,,, وتروح للريسبشن لازم تعطيه فلوس ,, وتطلع للغرفه
ويجيك الشخص اللي يعطيك البطاقات يقولك ابي فلوس !!!:6b5bf50998: يعني كل الدعوه دفع وفلوووس ….

قلنا لازم هالشي نتجنبه في سفرتنا الجاايه .. وفعلا اكتشفنا مكان جديد ومدحوه نااس كثير اللي هو شقق مارينا (( المكان الساحر )) وانطلقنا في رحلتنا الى مارينا واخذنا شقه في مارينا .. كانت الشقه مقبوله الى حد ما
وكان المكان جمييل بحكم انها مجموعة عمااير وتنزل لمطاعم المارينا والبحر والكافيات يعني كان نوع من التغيير وبصراحه اعجبنا ولكن !!! <<< مايعجبك شي انت ووجهك :a8cc8ee8cf: عانينا في مسالة دخولنا من عند البوابات
وعانينا ايضا في مسالة الصوت والازعاج وكم مره واجهنا احراجات كثير من قبل الجيران وهالشي بصراحه خلانا نطفش ونقوووول يازييييييييييين (( ستار اكادمي )) ويازين (( اماديل الاستغلالي )) :3607febb42:

عشان كذا انا طرحت هالموضوع للمقارنه بين صحارى واماديل وشقق مارينا

مثل ماذكرت لكل مكان مميزاته وعيوبه لكن وشو اكثر مكان ترشحونه من حيث ان مميزاته اكثر من عيوبه !!!

** مميزات صحارى : امان جداااااا بعد الله – رخيص – قريب من شهرزاد – قريب من اغلب الاماكن والكورنيش – مافيه بخشيش عند الرسبشن ولا عند البوابه – واهم ميزه ان صحارى له جو خااص … اتوقع هذي مميزاته

** عيوب صحارى : قديم جدا – قذر جدا من ناحية النظافه العامه – يمنع دخول اي مشتريات من خارج الفندق – اجبار الشخص على شراء كل شيء من الكشك الخاص بالفندق – زحمة وطول الانتظار عند المصاعد في الطلوع والنزول وهذه تعود الى زحمة الفندق – بعض الانظمه الغير منطقيه في سياسة الفندق ..

## مميزات اماديل : امان الى حد ما – جدييد – نظييف جدا – فخم الى حد ما – هادئ – الغرف جديده – البلكونه المطله على البحر – قربه من (( موخيتو )) – موقعه على الكورنيش مباشره – امكانية دخول اي شيء من خارج الفندق

## عيوب اماديل : استغلالي في الدرجه الاولى – عدم رفع الصوت في الغرفه – بعض سياسات الفندق العقيمه –

&& مميزات شقق مارينا : رخيصه الى حد ما – موقع المارينا رائع – الراحه النفسيه في الشقه – كثرة المطاعم والمحلات في المارينا – امكانية دخول اي شي من خارج الشقه ..

&& عيوب المارينا : استغلال قوي – غير ااامن مقارنه بصحارى واماديل – عدم رفع الصوت في الشقه – محاط بجيران مغاربه واجانب – عدم وجود الروم سيرفس للتنظيف – عدم فخامة الشقق كثيرا .

باختصااار شديد انا من رايي المتواضع افضل اماديل في الوقت الحالي مقارنة مع صحارى والمارينا ولكن السؤال هل صحارى اذا فتحووه بعد عيد الفطر راح يكون فخم وراقي وافضل من وضعه السابق ؟؟؟؟ <<< ياليييت :a94b1029fe: اتوقع اذا عدلوه وضبطووه ونظفووه راح يكون هو افضل خيار في اقادير ,,, واللي عنده راي اخر انا استقبله بكل صدر رحب ويمكن يكون رايه هو الصح ونستفيد كلنا من بعض .. اسف جدااااا على الاطااله .. واسف على ابداء رايي بشكل صريح ولكن الموضوع للفائده لا اكثر لا اقل واتمنى ان استفيد من اراء الاعضاء والضيوف ..
وشكرا لكم وتقبلوا تحياتي ,,,