رجعت من اغادير وهذي ملاحظاتي

مساكم الله بالخير جميعا امس وصلت من اغادير بعد قضاء 10 ايام والحمد لله بشكل عام كانت جميلة وراح اذكر بعض النقاط لتوضيح الوضع هناك

1- السفر كان على الخطوط المصرية اخذتها ب 1900 ريال الخطوط مااعجبتني ابدا خصوصا طيارة القاهرة – كازا صغيرة نوعها بوينج 800-737 وبالعودة قفلو البوردنق قبلها بساعة وانا وياهم شيل وحط ولا طلعوني كان اقلاعها الساعة 2:15 الظهر قلت يالله عسى بالامر خيرة واشتري تذكرة على الخطوط السعودية بنفس اليوم

2- فندق اماديل الوضع استغلال بدرجة مو طبيعية حتى مايقولك مكاينش اكرامية يطالع بعينك ويقولك طلع :6b5bf50998: واماكن السهر الوضع اسواء تروح ميزانيتك بخاشيش عشان تضبط امورك وبصراحة الي جيبه مو عامر وباله مو طويل يجلس بديرته احسن له

3- الجو في اغادير حار في النهار والايام الي راحت وصلت 37 درجة والحر جاي قدام في شهر 7

4- كثرة الشحاذيين بشكل مزعج ومقرف ونواع النشبة والتلزق وياليته واحد يجونك 3 او 4 ناشبينلك

انصح عدم السفر لاغادير في الفترة الحالية نهائيا ونشوف لمين تضبط الامور وترجع اغادير الي اعرفها

ودمتم بود