كيف رأيت اقادير

بسم الله الرحمن الرحيم
قررت في يوم من الايام اخذ اجازه من العمل وماكان في راسي الا التكيه مع الشباب في الاستراحه ولعب البليستيشن والبلوت ومباريات الدوري الاوربي وارحة عقلي وبدني من العمل وبعد ما اخذت لي اسبوعين اقترح واحد من العيال اني اسافر قلت والله ماودي قال اجازتك شهرين حرام تجلس كلها هنا ياخي خلنا نروح لاي ديره قلت يالله وش تقترح قال خلنا نروح لبرشلونه نزور الكامب نو قلتله ياشيخ انقلع والله ما اروح مابقا الا هي قال وين تبينا نروح قلت والله ودي اروح ازور واشوف مدينة كان ذي قال قدام قلت قدام المهم مالكم في الطويله رحنا لمكاتب الحجوزات وقالو عندكم فيزا قلنا لا قال طيب لازم تقدم عليها قلت قدم احسب انه بكرا ولا بعده تطلع ههههههههههههههههههههههههه قال طيب مروني بعد 3 اسابيع قلت وقف خلاص كنسل راحت الاجازه وتوني ما طلعت المهم رجعنا الاستراحه وعرضنا الموضوع على الشباب ومافي الا قوة تحطيم الي يقول ماشفت وجهك وتبي روح فرنسا:2fe0a1b787: والي يقول علا كيف امك الشغله لازم ترتب لها والي يقول رح للفلبين والي يقول اندونسيا ويطب واحد من العيال ويقول رح للمغرب وادعيلي المهم اتا فكرت مع خويي وقلنا المغرب عاد قال لنا ذا الي اقترح ترا مالي دخل اذا كل شوي طالب اجازه وناقز للمغرب قلت لا ما توصل قلت وين نروح قال شف انا احب مراكش بس انتم بحكم ماطبيتو المغرب اقترح اقادير قلنا وهو كذلك ورحنا بكرا وضبطنا الحجوزات والفندق الرحله بعد ثلاث ايام والايام الي سوف نقضيها 14 يوم كلها في اقادير والسكن اماديل المهم جا يوم الرحله وطرنا ووصلنا الحمد لله كازا طبعا انا وخويي ما نعرف شي عن المغرب داخلين على الله ثم على بعض النصايح من خوينا والمنتدى حقنا وصلنا كازا واذا بالهدره ماشيه مليون مدري وش السالفه شفنا واحد سعودي قلنا يخوي حنا نبي نروح لاقادير وين الرحلات الداخليه قال انا بروح لها تعالو معي قلت ممتاز يالله معاك المهم ينقز ذا الشقردي وياخذ تذاكرنا للكاونتر وجا قال يالله ريحو الرحله بعد اربع ساعات ونتكي وسواليف حنا وذا الذيبان الين جت الرحله واناظر للطيارة الا وهي ام مراوح قلت اييييييييييه هذا الي مانبيه المهم عدت الرحله على خير ووصلنا اقادير بعدها ودعنا الشقردي وقال يالله ممكن نشوفكم قلت خير سلام سلام ونروح عند الكاونترات وقام يهرج الشرطي مافهمت وش يقول ما فهمت الا سير يخويا قلت نسير سلام واروح للشناط انا وخويي ونطلع ندور تكسي قلنا تعرف اماديل قال 300 درهم قلنا يالله روح ونطب في التكسي الا يوقفونا الشرطه ونزلونا وقال افتح الشناط قلت مافتح توكم مفتشينا وانا عندي خبر بحركاتهم وخوي قادح مثلي نزلونا وخلو التكسي يمشي قلت مهي مشكله ياانا يانتم ويجينا المسؤول حقهم وقام يهدر على راسي قلتله اسمع انا اول مره اطب المغرب والله انكم كرهتونا فيها من البدايه هذا مو اسلوب شف الفرنسي ما توقفونه ليش المهم وابدا اعطيه المهم شافنا كذا قادحين قال سير ياخويا معليش :a8cc8ee8cf: قلت سلام ناس مايمشون الا بالعين الحمرا وندور تكسي الا ذا خوينا التكسي يراقب الوضع قلت تعال جانا وركبنا معه وقال والله انتم ابطال الخليجين معودينهم على كذا يقوفونهم يعطونهم فلوس ويمشون قلت هذا المشكله ونروح للفندق الساعه تشير للتاسعه مساء وصلنا لرسبشن وعطانا الغرف ورقينا المهم كنا مقررين اننا نرقد لانا تعبانيين بس جانا نشاط مدري وين :9303f68a42: هذا الي اقدر عليه الحين اتمنى اسلوبي حاز على رضاكم واذا في انتقاد تفضلو ما عندكم الا خويكم