قصيدة كنهديها لكل مســـــخووووووط عالمغرب هههههههه

مشاركة بسيطة وهي عبارة عن ألفية تبدأ بكلمة من اللهجةالوااااااعرة و المحببة إلى قلوب الملاييــــــــــن وهي اللهجة المغربيـــــة

(أشكون)حبٍ بالجفاء هان مغليه
قًطع حبال الوصل ياناس بيديه
أول بوصله للهوى ما نجاريه
همه رضانا والجفاء مايدانيه

(بالزاف) أحبك غصب عني تولعت
يومك ملكت القلب ثم ٍ تدلعت
ماتدري أني من غرامك تقطعت
كنت الوحيد اللي من الناس مغليه

(تسعود) شهر ٍ ياحبيبي حسبته
يوم ٍ رصيدي لجل عينك سحبته
ترسم علي الدور بحبٍ لعبته
وأنا ياغافل صادق الود مهديه

(ثمان) أيام ماهنأ عيني النوم
أراجع القاموس يوم ٍ بعد يوم
حرف عصاني عندهم قيل معدوم
ثاهم غريبٍ ماسمعنا طواريه

(جوج) الورق وأن زدت ماهي تكفي
في وصف حسنك يالغلا ماتوفي
من طالعك تعجز رموشه ترفي
يخاف زولك لأغمض الرمش تخفيه

(حشومه) عليكم ياحبيبي تصدي
أرجي وصالك يالغلا وأنت ضدي
ماتدري أني فالهوى باح سدي
شفي هواكم مير صدك حرمنيه

(خاوي) أنا من قبل أعرفك ومرتاح
وأضحك على اللي قالوا الحب ذباح
ويغرق في بحر الحب لوكان سباح
واليوم قلبي غارق ٍ مارحمتيه

(ديالي) حبيبٍ يسهر الليل كلّه
كن المراقص ياعرب منزل ٍ لّه
وأخاف من ذيبٍ يزود ويتلّه
ماغير أراقب كل لحظه خطاويه

(راني) حبيبي من غرامك تجننت
ولا أنته على قلبي بودك تحننت
بس بعذابي ياحبيبي تفننت
كذوبك كثيرة باأول الحب باديه

(بٍوقوس)حبيبي ماتوفي مزاياك
أنت الحسن والحسن شين ٍ بلياك
يفز لك قلبي ويفرح بطرياك
كلي عطيتك والهجر منك مابيه

(صافي) يكفي ياحبيبي تدلل
ماآبي حبيبٍ في لقاي يتملل
ماني من اللي للحبابيب تذلل
أهين قلبي عن غرامك وأقويه

(شفرت) قلبي بالدلع ياهوى البال
وأصبح رهين الحب لجلك ولازال
مافز قلبي يم غيرك ولا مال
صدق المشاعر فالهوى دوم معطيه

(عفاك) لاقلتها يازين ضاعت علومي
خليت قلبي من المعاليق يومي
أنسى الزعل بالحيل وأنسى همومي
وأنسى جروح ٍ داخل القلب تدميه

(ضرني) في الراس يومك تسلَّى
بقلب الذي من بدة الناس هلَّى
لا واحسافه يوم مثلك تغلَّى
مثلك كثير ٍ بايع ٍ حب شاريه

(ظريفٍ) ولوهرجه كذوبٍ يقوله
خلوه يكذب ماشكينا لعذوله
سبحان ربٍّ حط فيني قبوله
سولف حبيبي والدلع منك راضيه

(علاش) التغلي فالهوى ياأريش العين
ماهو بكيفك ترخص الحب يازين
وشلون قلبك يعطي الحب لأثنين
مايستوي في القلب حب تثنيه

(غادي) أنا في الحب وقلبي فلاتاب
يرجي وصال الزين ويضيق لاغاب
مايحتمل يازين صدك بلا أسباب
إليا متى يازين ودلك أداريه

(فوقاش) ترضى ياحبيبي علينا
خلاص يكفي ماحصل وأنتهينا
طول الفراق المر منه أكتوينا
عذاب قلبي ياهوى البال يكفيه

(قلقتني) يازين صدٍ ورى صد
وكثر الخطأ يازين ماعاد ينعد
أرفق بحالي ياغلا وأحفظ الود
أرحم حبيبٍ حبك سنين مشقيه

(كي داير لباس) معروفةٍ في أتصالك
وشهي علومي مقصدك من سؤالك
تسأل حبيبي والبلاء في دلالك
بااسبابك الولهان زادت بلاويه

(برهوشة) غيرك من البراهيش ماصار
أنتي الأميرة مابها شك وأعذار
حسنك على الزينات طاغي وجبار
هذا الكلام الصدق لويّ مجافيه

(مزعوط) مثلي من تولع بالدار
ماكلفه بعِّدٍ ولا حسٍّب مخاسير
يشري سعة باله بليا محاذير
وبلازة البلاك لأظلم الليل تاويه

(نوض) يارفيقي للسفر أكد الحجز
على طيارةٍ طيارها للسماء فز
ينشد ديار ٍ طبها للهوى رمز
طب القلوب اللي لها حب تشكيه

(هدرة) حبيبي ياهلي ذبت منها
مخلوطةٍ مابين شلح وعربها
أحلى كلام ٍ تسمعه في طربها
لي غنوا الشعبي طربنا نخليه

(وآخا)حبيبي كيفكم لوتغليت
نفسي عزيزه والبلاء لوترجيت
لوك تعذرته يوم أنك أخطيت
كان الخطأ مسموح والهجر ناسيه

(يدابز) حبيبي بالحكي يوم عفناه
مايدري انا من هوانا محيناه
ومن باعنا برخيص يازين بعناه
مانشتري زين ٍ هوانا لعب فيه

و سلامتنـــــــــــــا هههههههههههه