سفرك بعقل او بدون !!!!

السلام عليكم ورحمه الله وبركاته ..

مساكم / صبحكم الله بالخير اخواني الاعضاء

حبيت اتطرق لهاذا الموضوع لأن اغلبنا ما فكر فيه وهمه الاول والاخير وسعه صدره بدون تفكير وبشكل غير صحيح !!
كلنا شباب وراعين فله ووناسه:61acbf8b15: ووممكن يكون هذا همنا الأكبر من السفر قليل منا يسافر لجل يغير جو ويرتاح من مشاغل الدنيا وضغوط العمل :c84e7dfe68: مومهم الواحد كم يصرف في سفرته فمنا العاطل ومنا الطالب ومنا الموظف ومنا التاجر…..ألخ
بس الأكيد أنه كل واحد يصرف على قد أمكانياته..:6b08cdd459:
الفايده من هذا كله أنه أغلبنا كل ماتدبرت معاه ماده مايشوف قدامه غير المغرب :fleur1: يعني ينسى الدنيا ومافيها
وعلى أقرب رحله :dancing-b3:
طبعا هناك قسمين:فينا المتزوج :6b08cdd459: وفينا العزابي..:61acbf8b15:
مين ماكان كلاهمايدور على فلته ووناسته..:13:
بس السؤال هنا..
هل أنت تسافر بعقل أو بدون عقل..؟؟:1bbc6dca84::1bbc6dca84:
هل أنت من الناس اللي كل ماتدبر معاه مبلغ ماتقدر تصبر عن المغرب ولاحضته في بعض التقرير يتكلم عن رحلته توه جاي منها ويقول بعد ثلاث شهور راح اكون هناك يا للعجب بصراحه !!!:8aeeda492c:
وأذا أنت موظف هل أنت من الناس اللي تنتظر الأجازه على أحر من الجمر لجل تسافر وفي بعض الأوقات تختلق الأعذار:8aeeda492c: لجل تاخذ أجازه وتسافروهاذا شي مؤسف يخليك تعيش بدوامه المشاكل مع المدير ويمكن يكون سبب رئيسي بنقلك من المكان الجيد الي انت فيه اذا كان مكان فيه مميزات وهاذا الشي رئيته بعيني من كذا واحد .
في هذي الحاله أقدر أقولك(حتندم ياجميل)وراح يجي الوقت اللي فعلا تندم فيه:36_2_5:
متى..؟؟
بكره..
العزابي راح يجيه اليوم ويبغى يتزوج وعندما يفتش في خزنته ويلقاها فاضيه..!!!!!!!
المهر..؟؟
قرض من البنك..
تاثيث البيت..؟؟
مساعده من الأهل والأصحاب..
الروحات والجيات وأغراض البيت والعلاج لاقدر الله لله يامحسنين..!!!! وصدقوني هاذا الشي شفته من ناس اجلس معهم يومياً بالإستراحه .
المتزوج راح يكبرون عياله ومايشوفوا قدامهم غير وجه أبوهم البائس واليائس ما أمن مستقبلهم ولا أمن لهم حياه تغنيهم عن مراقبة الناس وسؤالهم0
أكيد راح تندم في هذه الحاله والسبب أنك كنت تسافر بدون عقل ووقتها ماينفع الندم ياجميل لأنه فات وقت الندم..في النهايه خلي(فلها وربك يحلها)تنفعك
وأذا جاك أحد من عيالك يطلبك شي وأنت مفلس لاتقوله ماعندي قله فلها وربك يحلها..شوف وش راح يكون رده عليك..؟؟
أما أذا كنت تسافر بعقل ومهما كانت أمكانياتك الماديه وجتك أجازه أو ماجتك السفر عندك له حدود صدقني ماراح تندم على شي..:2c65ea9383::2c65ea9383:

انا ماقلت لك لاتسافر نهائيا سافر بس بعقل بطريقه صحيحه موب تسافر بالسنه خمس مرات كل مره مبلغ وقدره تشوف اخر السنه صرف فوق الخمسين ويمكن اكثر .
حبايب قلبي كتبت ذا الموضوع للفائده لي ولكم..
وليس من باب الفلسفه أو الفضاوه..
وأتمنى أن الجميع وأنا منكم أنه يكون سفره بعقل لأن السفر في النهايه للترفيه والراحه وقليلا من الفله والوناسه(حلوه ذي وقليلا كأني أكتب مقادير طبخه) لاللندم في المستقبل .
أتمنى من الجميع المشاركه والنقاش الجاد..واللي عنده زياده على كلامي لايبخل علينا
تحياتي لكم..

محبكم امير كازا