نصب علينا في كازا
2010-03-31
تزايدت في الفترة الأخيرة ظاهرة النصب باسم التايم شير Time Shareمن خلال عصابات محترفة في النصب والاحتيال بالعديد من العواصم العربية، وهي تبدع في اصطياد السياح العرب الراغبين في قضاء عطلاتهم السنوية للاستيلاء على أموالهم بطرق ملتوية.. وفي النهاية لا يملك الضحية سوى أن يضرب كفا بكف ويحتسب ماله المسروق عند الله .
ولعل الكثير منا صادفتهم بعض المواقف في هذا الشأن، وكثيراً ما سمعنا أصحاب التايم شير (شغالين) تسويق بكلام معسول ووعود وهمية بأن الكل رابح والجميع محظوظون !!
ورغم انكشاف تلك الخدعة كل عام إلا أن ضحايا التايم شير ما يزالون يزدادون .
حكايات مع التايم شير!
تبدأ حكاية النصب أثناء تجول أحد السياح بمركز تجاري كبير فيفاجأ بمن يقول له :
” مبروك أنت كسبت معانا علشان أنت الوحيد إلي مشيت على البلاطة دي.. ! وأتفضل خد الجائزة في حفل بهيج ولكن حتى تأخذ الجائزة الكبرى عليك أن تدفع 40 جنيهاً مصاريف إدارية “.
يفكر السائح قليلاً ثم يقرر دفع الـ 40 جنيهاً لأنه في المقابل سوف يأخذ الجائزة الكبرى وحين يذهب لاستلام جائزته يفاجئ بموظفات يحسن التعامل مع السياح و يتفنن في طرق جذبهم واستدراجهم، حتى يقنعوهم بشراء أجازات في شاليهات بقرى سياحية رائعة الجمال .
وفي النهاية يفاجأ السائح باستيلاء هذه المكاتب على أمواله دون منحه عقداً رسمياً أو وجود قرية سياحية قائمة أو مشغلة بل تكون قيد الإنشاء بل يكتشف بشرائه لإجازات وهمية.
اما قصتي معهم كانت معهم جولات وصولات كثيره وخاصه في مصر ولم اشترك عندهم واعرف اغلب اساليبهم ولكن تم نصبي في المغرب الحبيبه وفي كازا قصتي فيها من الطرافه والقهر نبدى فصولها ثم نطرح الصور وكل شي عن هذه الشركه
كنا نتجول على كورنيش كازا بعد وجبة غداء وقابلتنا بنت وقالت ممكن كم سؤال وتاخذون طريقكم وقتها كنا فاضين ولا عندنا شي على بالي انه وزارة السياحه قلت تفضلو قالت كم السكن عطينها القيمه ثم قالت هل تحسون في مضايقات وعطينا الجواب
ثم قالت انتم فزتو معانا بجائزه 3 ايام في منتجع النخيل في مراكش قلت ياسلام الان 3 ايام من مراكش طاحت علينا قالت لازم تروحون الى المكتب تستلمون الجائزه قلت لخوي اقول مشينا ناخذ جوله في الكورنيش ارحم لنا اللمهم مشينا شوي والبنت ورانا تحاول فينا خوي راق قلبه شوي قال انت عندك شي قلت يابن الحلال نصب في نصب قال امسحها في وجهي وخل نروح ونشوف ايش عندهم رحنا الى المنطقه قريبه لمدة 10 دقائق في السياره ودخلنا واستقبلنا صاروخ ارض جو قالت نبي نجلس معاكم لمدة ساعه ونص قلت يالله مع السلامه انا عندي موعد بعد ساعه يعني ماقدر ابي انحاش منهم اللمهم قالت خلاص لمدة ساعه الا ربع وانت خارجين قلت يالله عطينا اللي عندك قالت دقيقه اكلم مدير التسويق وجاء لمنا واحد بثر
فجر راسي وماشاء الله عندهم كرم اعتبره غطو على حاتم الطائي اتاي جاء ورايح قلت اذا عندكم في فتي فور جيبو خخخخخخخخ ملينا اللمهم يوم فقع راسي حجرته في جميع الاسئله من والى ولكن مادري ايش اللي حطو لنا في الاتاي والله العالم انا متنح ماني لمه ماغير اضربه بالاسئله ويجاوبني ومن اهم الاسئله لو مت اخسر هذه العقد قال لا يكون ورثه قلت اوكيه ابي ضمان بنكي قالت موجود ورتني نسخه منه واشك انه مزور المهم قلت اذا ماصلح لي ابيعه قالت ايه كثيره الاسئله وفي الاخيره مولم السؤال اللي مستحيل يجاوبه قلت هل هو مجاز شرعا قال نعم قلت ورني الفتوى قام وجاب فتوى الشيخ المطلق ان لم تخوني الذاكره وراني في لمحة البصر لانه كان مجيز التايم شير طيبه فقط ويم جت الطامه الكبرى العقد مغري اللتفت صاحبي علي وقال ها ايش رايك قلت له مادري وقعدنا نحسب انا وهو المده الباقيه في المغرب على بالنا انه نبي نلعب عليهم ولكن نصبو علينا وتم دفع مبلغ 8000 درهم لانه البطاقه لاتصرف اكثر من 8 الالف على انه نجيب باقي المبلغ بكرى 12 الف درهم والباقي حوالات
يوم رجعنا للشقه بدينا نحل ونربط واتصالات وفي الاخير عرفنا انه تم نصب علينا ومن الغد ارسلنا في البريد مستعجل فك الشراكه وكل يوم مماطله فينا وفي الاخير رجعنا للسعوديه وخلينا الدراهم والمطالبات
ملاحضات :.
كانو في استقبالنا كرم ماشاء الله عليهم ولكن بعد ماجينا نطالب في حقنا طلع وجه ثاني واقسم بالله وخاصه من مديرهم اسمه عادل اذا لم تخوني الذاكره
ممكن انه في شركات صحيحه ولكي تتاكد منهم قبل تمضية العقد انه تحجز في فندق 5 نجوم في البلد لمدة 5 ايام ان جاب لك الحجز الاوكيه فاعرف انه مصداقيه نوع ما
للمعلوميه الشيخ محمد بن عثيمين رحمة الله تم تحريم هذه النوع للسبب الجهاله والغرر وان شاء الله اجيب الفتوى لك في صوته
التعليقات