||نقاط مهم .. انتبه لنفسك ولا تصير مضحكه ||

:: السلام عليكم ورحمة الله وبركاته ::

مساكم الله بالخير جميعاً .. يعيبني عدم حسن التعبير واللقاء وكيفية الدخول في المواضيع خصوصاً الكتابية منها لكن بأذن الله كلامي واضح والهدف بيوصل بأذن الله
في الحقيقه انا ماكتبت الموضوع هذا الا من بعض الامور اللي اشوفها لا سافرت مو بس للمغرب الا تقريباً لأغلب البلدان طبعاً هي عباره عن ملاحظات ونقاط
وأكيد الكثير اما يشوفها قدامه او انه يسويها ويدري انه غلط والنوع الاخير اللي يسويها ولا يدري بالغلط .

# البعض منكم اكيد يواجه انواع واشكال من الشباب .. لكن ماتلاحظ ان بعضهم لازال يعتقد ان الملابس ستر وغطى بس تي شيرت بنطلون والسلامه
كيف شكلها كيف لونها حلوه ولا يفكر بشيء اسمه ملابس حلوه ملابس لا تجعلك حاله شاذه ( خلاقين )
ياشباب ترى الموضوع سهل جداً اولاً اترك عنك محلات البطحاء والسلع الرخيصه ملابسها والله ماتلبسها حتى وقت النوم . والمثل يقول ( كل اللي يعجبك واللبس اللي يعجب الناس )
يعني وانا خوك ليش ماتروح تشتري ملابسك من محلات نظيفه شوي واذا نويت تروح مايمنع تاخذ معك واحد له شوي في الملابس و ذوقه حلو يختار لك ويساعدك في اختيار وتركيب القطع على بعض
والله يالربع بعضهم لا شفته يصكك الهم من شكله واحد لاقيه في المرجان لابس برمودا اخضر وفنيله حمرا و نعال تركيه ( الله يعزكم ) بالله هذا مايحسم ان الواحد يطالعه بأستغراب وعدم استوعاب
ولا واحد رابط لي غتره ياسر عرفات على راسه في ديسكو .. العلم ياشباب مثلاً ما انت تحب تشوف الناس حلوه وكاشخه الناس و العصافير نفس الشيء … وبالاول والاخير انت الرابح الاهم في الموضوع
# النقطه الثانيه واللي الكثير يصادفها اكيد الا وهي موضوع النصب والضحك على الدقون في كثير من الامكان مروراً بالمطاعم والمقاهي و ومستلزمات الترفيه من قوارب .. إلخ او حتى السهر والضيوف وهي
فقط تحتاج من الواحد لا يصير انهزامي ويرضخ لآي سعر يطرح عليه خصوصاً اذا كنت تشوف السعر بالعقل مبالغ فيه .
– بالمطاعم . اول ماتجلس اطلب المينوم واذا مافيه مينوم قل سلام عليكم الا اذا طرح عليك الاسعار وحصلتها فعلاً رخيصه ونفس الشيء مع المقاهي
– وسائل الترفيه دائماً اسئل عن السعر ولا تبين لهم انك جاي على وجهك وتبي اي شيء اسم انك تمشيت وخلاص .
واذا حصلت عالم متكبكبه عليك وعشرين واحد عند اذنك اسحب نفسك ولا تدخل نفسك في امور لا تحسد عليه وعليك بالصمت فاصمت حكمه وابلغ من الكلام دايماً
– جينا للموضوع الاهم السهر واموره . طبعاً السهر دائماً هو ابو المصايب ومايحمله معه من عدم سيطره على العقول . اسهل طريقه انك اول ماتجلس تدفع حسابك كامل مكمل
وتبلغ الويترز يقفل فاتورتك طبعاً هذا عامل مساعد ويخلي الويترز ياحط في باله انك حذر في حساباتك ولا يفكر أن شاء الله يتحايل عليك لكن المشكله اذا بعضهم وصل للغيوم ولا يدري عن شيء هذا مانقدر نقول الا انت في يد الرحمن ههههههههه لكن عموماً حاول تسيطر على نفسك واقنع نفسك انك صاحي وتزين أمورك ان شاء الله .
ونقطه مهم تجنب المشاكل ورفع الصوت واستعمال الايدي لآنك بتكون الخاسر الاكبر في الموضوع واكيد الكثير منا سمع وشاف ناس تمرمطو و انضربو بعد
اما الضيوف فأعتقد موضوعهم معقد شوي ولا ودي اتكلم فيه لكن بأختصار ( خل مخك شغال دائماً ولا تبالغ في دفع الفلوس والكبكبه اللي مالها سنع وشاور ربعك خصوصاً الرزين منهم )

العذر والسموحه موضوع ملخبط وغير منسق لكن هو نقاط براسي وحبيت اقدمها واتمنى محد يزعل و يمكن كنت جاف شوي بالاسلوب

تحياتي للجميع