خبرتي عن فنادق أكادير

احب ان اظيف لكم معلوماتي عن فنادق اكادير مع العلم انكم تكلمتم كثير عن هل الموضوع…بس احس الجدد على اكادير ضايعين ومو عارفين الزبده.

الفنادق 5 نجوم كلها راقيه بس ما فيها الحريه الكامله.

انا عارف انكم تستفسرون عن الفنادق الاخرى. بس اول شيء خلوني اعطيكم نبذه تاريخيه عن الموضوع بما اني عتيج ومغبر بأكادير.

كان معظم اخواني الخليجيين يسكنون باحد الفنادق التاليه:

كرم – صحارى – شيراتون (ميراج حاليا)

ما فيه فندق احسن من الثاني …..يعتمد شنو ستايلك …

كرم : رخيص – حريه كامله – حق الي ما يحب الهدوء – جنك بالشاليه مع الربع – الزباين على طول بارتي
انسى ستايل الفندق- ما فيه

صحارى: كان راقي جدا – هادي مقارنه بكرم – الديسكو والمطاعم يمك ما تحتاج تكسي- ستايله حلو- امان من كل النواحي- حريه كامله. الي مو حلو فيه السيرفس. تدخل السهره ببلاش وصاحبك بلاش بعد.

الميراج: كان فيه ناس يحبونه اكثر من صحارى وشوفونه ان ارقى وخصوصا السيرفس. عيبه انك لازم تاخذ تكسي للسهره وتدفع فلوس لدخول السهره. وكانت حريته 90 بالميه

بعد ما اغلقو فندق كرم…تحولو زباين كرم الي صحارى….بما اني من زباين صحارى القدم …ما كان الوضع عاجبني وقطعت عن اغادير سنين.

مو معناها ان صحارى مو زين حق الكل بس بالنسبه لي مو ستايلي كلش.

السنه هاذي زرت اكادير لاني اشتقتلها واحب اشوف وضع الفنادق

صحارى مثل ما خليتا اول مره وايد زين حق بعض الناس الي يحبون بارتي طول اليوم. ستايله وايد نزل عن اول

اماديل راقي جدا وعلى البحر بس بعض المرات يتفلسفون مع ضيوفك محاولت استغلال. واذا كنت تحب الازعاج ..انسا هل فندق.

الميراج:بعد تغير الاداره صار مثل صحارى ايام اول …راقي ..هدوء …معامله حلوه …حريه …بس اذا تبي ازعاج ..انسى هل فندق.
بالنسبه لي …ستايلي هو الميراج …..

ولاحظت من خبرتي يا شباب ان الفندق لما يغير معاملته معانا والسبب بعض الشباب يخربون علينا….انا ياي سائح….. بعد عن المشاكل ومحد يقدر يستغلك اذا بعدت عن المشاكل ….المضحك اني شفت بعض الشباب ما يرتاح اذا ما تهاوش

وسامحوني اذا نسيت شي