ما بقااااا والوا

االدراري سلام عليكم
وكي دايرين توحشتكم بزااااف المساخيط ديال المغرب
والحماااق تحية وسلام ..
راني درت الحجز ..
وصافي مابقا والو ونمشي
ومن نوصل خصني ندير واحد المسألة بش نعاود ومعانا هاداك التقرير الواعر.
. ولكن المشكلة البلاد كتسطي وتنسي الواحد حليب امه
.. مشي التقرير ديالكم ..
وخاصة بغيت نبرا من الوحشة الكبيرة للخوانز ديالي
تحية واعرا ليكم وبالصحة والراحة على الجميع
السيمانا الاوله في الرباط وقيله
خصني ندوز على الهرهورة ونشم شوية الهواء ديالها ونشرب الاتاي معتبر في القهوة ديالي من يكون كلوب الياسمين راها اونفاس معاه زوينة ومريحة والجو غزال تما .
توحشت سلا الجديدة وضرب الدورة على ثانوية علال الفاسي مع الخرجة ديالهم
ومن بعد نمشي للعرجات بش نأكل الشواء مع رابعة ديال الكبدة وشوية الزيتون البلدي مع الخبز والاتاي
ونعاود لسلا بش ندوز عند واحد صاحبي الشمكار ولكن قليبه طيب وظريف المسكين .

وفي العشية نضرب الدورة على البحر ديال الهرهورة ونمشيو تا الصخيرات يكون البحر عامر بالناس هادا غادي وهادا جاي
ونشوف غروب الشمس
الله على غروب الشمس فهاديك الناحية
ومن نسلى .. أرواحكم من بعد ندوز ناحية القمرا على كبوري وندوق عنده لحمة رأس فهاداك الحي الشعبي حدا الناس الطيبين بحالكم ..
وفي الليل نمشي على فال ولد عمير ونقلب على شي بلاصة زوينه بش نرتاح شويا
وسير اخويا من بعد انعس را شحال هادي والناس غبرات وانتا باقي هنايا

..