أغرب رحلة مرة علي بحياتي : بغيت اروح فيها أكثر من مرهـ وربكم ستر ( تحذير و تقرير )

السلام عليكم ورحمة الله وبركاته

إن شاء الله الجميع بخير

أنا في بداية كلامي أحب أنوهـ على حاجه
إن هذي السفرهـ هي أغرب سفرهـ واجهتني
أول سفرهـ كانت لي هي عام 1430 شهر 10

تبي تقولون جديد صح ^_^

سفراتي خلال السنتين أبتدت من الاردن ثم بعد شهرين سوريا ثم بعدها كانت الرحلة لمصر
ثم للكويت ثم رحلة للأمارات ثم رحلة للبحرين ثم رحلة لأندوسيا ثم رحلة لتركيا وهذي آخر رحلة كانت للمغرب

يعني يااخواني لست اول مره أسافر لكن فيه أمور كانت تظهر وكانت تحاول تربك الرحلة في أي طريقة
أول شي كانت مع المدير الله يصلحه ويستر عليه يحاول يجبرني على دورة بتركيا وكنت احاول بكل الطرق تحويلها للمغرب
كون المغرب من ضمن خططي المستقبلية لكن كل الطرق بأتت بالفشل وكان يرفض ويستنكر طلبي :6b5bf50998:
يارباهـ تركيا ماكنت أبغى اكرر مأساءتي معاها ومن ضمن الموجود دورهـ بالمغرب لكن رفض للأسف :329b2f6765:
فـ كلمت الشخص اللي بيخاويني للرحلة وكان موافق على تركيا لكن عندهـ احلى المغرب
المدير تحول ألحاحي له إن يسمح لي عدم حضور الدورة بتركيا بحكم إني با اتنقل بجميع مدن تركيا فـ استصعب الأمر
طبعا ماعاد بقى غير تقريبا اسبوع وانا ماسويت شي لا حجزت طيران ولا فنادق ولا شي أبد إلا اللهم تخطيط الرحلة
فبعدها طلبت منه يلغى الدورة ويكنسل أسمي أبي أجازه لو تكرمت :6b08cdd459:
فوااافق على مضض على منحي أجازهـ لتركيا :a94b1029fe: يالله وش هالخبر المفرح
وعلى طول على الخطوط واحجز على الخطوط المغربية :9303f68a42: من أحد المكاتب لكازا بلا تركيا بلا بطيخ :6b08cdd459:
واجلس كل الاسبوع ماانام إلا ساعه او ساعتين أخطط للرحلة لأن نظامي لازم كل صغيرهـ وكبيرة اخطط له
وين أروح عندي 13 يوم فخليت لـ اكادير 5 أيام و5 ايام بمراكش والثلاث أيام أختياريه على حسب الجو إذ عجبتنا مراكش
نكمل فيها أو نرجع لـ اكادير أو نكمل للرباط هذا كان الجدول للمدن
فرحت للمؤيد وحجزت عندهـ 3 أيام غرفة وحدهـ < < وهذي أكبر غلطه :3612794705:
لأن الفكرهـ كانت إذ كان أحد بيجيب ضيف يفتح له غرفه وانتهت السالفه لكن مامشت معنا كذا وراح اقول وش صار بعد شوي
ثم رحلت لمكاتب الخطوط ابي تذكرهـ من كازا لـ اكادير ذهاب واياب فقالوا بـ 1300 ريال الشخص الواحد
ودخلت النت حصلتها بـ 250 ريال ذهاب الشخص الواحد وحجزت لااثنين بـ 500 ريال شوفوا الفرق
وحجزت بـ مراكش بالنخيل من طرف منتدى المسافر من الاخت نوال اليوم الـ 6 و 7 و 8 من الرحله
بعدها مع العجوز الله يطول بعمرهـ تحلف ما اروح ياعلها ماتجري وش السوات الحين :2fe0a1b787:
ياميمتي رايح دورهـ تبع الدوام وش بك خايفه كذا < < < اجل دورة هاهـ :6b08cdd459:
المهم سمحت بعد قروشه ووجع راس المهم صرت اجمع أموري منا ومنا خاصه إني انضغطت
لاني كنت معتمد على الدوام بيعطيني تذاكر وفلوس الدورهـ مقدما لكن فجئة تحولت لإجازة عاديه
فبعد جهد وجهيد جمعت تقريبا 25 أللف غير التذاكر :a54aed13be: فأخذت اغراضي فكلمت خويي ومريته وانطلقنا للرياض واخذنا شقة
الساعه تقريبا 12 بالليل ناداني مستتتتتتتتتتتتتتتتتر مطرطع هلا اعيونه :6b08cdd459: قال الإجازة حقتي ماختمت
:6b5bf50998::6b5bf50998::6b5bf50998::6b5bf50998::6b5bf50998::6b5bf50998: أبو محمد وش تقول أنت
قال حنا بالعسكرية لازم الوثيقة تكون مختومه والحين هي ماهي مختومه لابالله توك تفطن إنه ماهي مختومه …!!
عز الله ماراحوا العيال وش هالرحله الحوسه ذي …!! فصارت كل الليل مكالمات فلان لازم ختم أو توقيع المدير يكفي
المهم تاكدنا إن تبطي عظم تطلع من المطار من دون مايكون فيها ختم وش السوات خاصه إن المديرية مدري وش اسمه تبعد عنها 400 كيلو
مايمدي خلاص والطيارة الساعه 12 الظهر والحين حنا اخر الليل المهم مع المكالمات وبحكم علاقاته حصلنا شخص بالمطار رتبة عاليه وطلب نجي لمه بدري
المهم اتصلت على أحد العيال قلت بأحط سيارتي عندك وابيك توصلني للمطار قال ابشر تبي اصحيك انا قلت لا لا إذ عندي رحلة أقوم قبل الطيار يقوم
المهم جاء الصبح وتمت الساعه 8 وأنا ماغير اتصل على خويي وهو مايرد سحب علي ولد اهله :2fe0a1b787: اوالله البلشه واقرب تكسي وأترك سيارتي عند أحد معارفي
واخليه يوصلني وبعد ماوصلنا المطار وضحت له إن فيه بوابة للطيران السعودي وبوابة خاصه للطيران الأجنبي قال ايه ايه اعرفها ونزلني ومشى يوم دخلنا قالوا وش تبون انتم
هذي الطيران السعودي والخليجي وانتم دحدروا للبوابة الاخيره ذيك ياويلي ذيك بعيدهـ وشلون بنروح قال العسكري تبي تروحون للمغرب مانتم عجزين تمشون كيلو على رجليكم
قلت لخويي شف يابو محمد واضح إن الرحلة ذي مو طبيعيه ابد فـ خلك متجهز لـ أي موقف المهم طقيناها كعابي لين البوابة الثانية دخلنا تقريبا الساعه 9:30 والرحلة 12:00
فقلت لخويي رح شف امورك مع وثيقتك وكان مواعد أحد الشخصيات وماكان وجودي معه له أهميه انا وربي رجلني متكسرهـ وقلبي ماهو مرتاح أبد للرحلة هذي والله يستر …
المهم راح وانقطعت اخبارهـ وانا كل دقيقه تمر كأنه ساعه وتمت الساعه 10:30 وهو ماجاء .. قرب لي واحد قال سعودي قلت لا بنقالي أيه سعودي قال بتروحون لكازا قلت الظاهر ماهو اكيد
ويجلس يضحك علي وشلون الظاهر قلت والله مابي حيل اشرح لك لكن اصبر لين خويي يجي نشوف وش سالفتك :a54aed13be: المهم الرجال قال إذ بتروحون ابي اشغلكم بااغراضي
معي اغراض كثيرهـ وابي نتعاون عليها لانهم يبغون يدفعوني 4000 ريال عشانهم طبعا يوم ناظرت أغراضه كأنه عفش مصري قلت أنت صادق وش عندك شايل الحارة كلها قال بروح لخوي
وبداء يلف ويدور المهم طلع بالأخير إنه رايح يتزوج هناك :18: المهم الساعه تقريبا 11:00 جاء ابو محمد خويي يركض بالمطار يقول ختمتها ختمتها بغيت أركض واقابله واضمه من الفرحه
ونجلس نتقاسم الاغراض يوم جينا ندخل قال حق التغليف شف ترا الخطوط المغربية له نظام اغراضك الواحد له قطعتين الحجم مايتعدا الـ 24 كيلو للقطعة الواحدة يعني وشلون الله يغربلك
قال هيك نظام اوالله البلشه انت واغراضك ألتفت لخوينا ابو اغراض قلت تصرف مع خلاقينك ههههه شنطتك أم 50 كيلو والله ماتركب لو تحب السماء راح يسأل يوم جاء مطأطا الراس
هاه يابو الشباب قال مثل ماقلت ..قلت أجل شف شغلك ووزع اغراضك المهم اخذ كراتين وصار يوزع وأنا وخويي نتناظر ونضحك لأنه كل ماصلح كرتون وجاء يشيله انفتح الكرتون من تحت
وطاحت الأغراض بالارض وكنا نساعدهـ بصراحه لكن الوضع محبط إلى حد اجبرنا على الضحك المهم بعد معاناة تجاوزنا العفش وقصينا بوردنق ومشينا وختمنا ودخلنا الصالة والإقلاع مو باقي عليه شي
ألتفت لخويي قلت تصدق يابو محمد إني شاك إن فيه شي بيحصل يردني عن هالرحله لكن خلك متجهز لـ أي شي المهم وأحنا ننتظر جو ثلاث عساكر يركضون بااتجاهنا وألتفت لخويي قلت
وش السوات الحل الحل يابو الشباب وش مسويين وش هالفلم الاكشن ذا المهم وأنا ارتجف يوم شطفوني واتجهوا لناس ورانا واخذوهم لأن معهم عود يدقون فيه بالصاله ومسوين قلق للمسافرين
المهم اول مااعلنت الرحلة وانا أركض كاني بزر وأركب الطيارة وكنت بـ صراحه مو مرتاح أبد كأني مسوي جريمه وخايف متوقع أي شي يحصل كل شوي أللتفت يميين ويسار المهم تقفل باب الطيارة وانا لسا اطالع
بالشباك خايف يجي احد يقول أسمي وينزلني من الرحلة مو معقوله الرحلة هذي أبد المهم تحركت الطيارة وانا لسا مو مطمئن المهم صارت كل مازادت بالسرعه بالمدرج قلبي يقل خفقانه يوم أرتفعت شوي
وأنا اللتفت لخويي وأصرخ بصوت مسموع كأني فزت بشي ما , المهم بعد ما استقرت الطيارة بالجو خويي صار يبحث عن كراسي فاضية لجل ينام وانا ضليت جالس ماتحركت جاء واحد واستاذن وجلس جنبي
وصار يقرق على راسي المهم قال تدري إني ماكنت أرغب اجي على الطيارة ام محركيين لاني متعود على ام 4 محركات قلت إن شاء الله يارجل على محرك واحد قال لا ياخي لو تعطل احد المحركات تسقط
أما ام 4 محركات لو تعطل 2 تستمر بالرحله أنا صار وجهي احمر ثم صار ازرق ثم صار أسود قلت لا شكلنا بنطيح تكفى يرحم لي والديك غير السالفه مو ناقص أبد افلام انا , وش الكلااااااااااااااام هذاااا ياويلي
وماخليت شي بالقرآن ماقريته من الخوف كنت متوقع شي يحصل و هذا ذكرني بشي ماكان علي بالي وطول الـ 7 ساعات وانا بمعاناة مايعلمها إلى الله كرهت الرحلة وكرهت كل شي المهم بعد معاناة صار
الطيار يقلل السرعه وانا أراقب كل شي يحصل المهم بعد ماصارت عجلات الطيارة تلمس الأرض حصلت مشكلة إن الطيارهـ صارت تلمس الارض وتقفز بشكل مو طبيعي أبد :a54aed13be::23: قلت اها
شكل هذا هو اليوم الموعود هههههههه شكلنا بننشب بالصالة حنا وطيارتنا لكن ابشركم وقفت بعد معاناة … عاد الحين انا مدري انزل أركض أو اجلس بمكاني مدري وين الأمان فيه :6b5bf50998:
المهم نزلنا وكنت خايف من حجز الارنترنت للطيران الداخلي ماينجح معي خاصه إن فيه كثير مانجحت معاهـ واجبروهم لدفع الفارق المهم حاولت أبحث عن اقرب بنت لأني من زمان ماشفت بنات ههههههه
قلت الرحلة هذي متى قالت باقي 6 ساعات 🙁 والحل قالت فيه رحلة الحين لكن ماعاد يمديكم وفيه رحلة بعد 4 ساعات راح اقدمك عليها ( مع ان العلم بالموقع كاتبيين مافيه تقديم ولا تأخير ولا إلغاء لكن البنت شنب ههههههههه ) المهم صارت تسالني ايش عندكم باكادير قلت سياحه قالت وش فيها حلو قلت اشياء خاصه ماتصلح لك هههههه قال مثل ايش وأنا أبلش مدري وش أقول ودي أللمح بس انا بقرهـ المهم صارت تحاول بس أنا مشيت بسرعه ماقدرت أخذ وأعطي المهم قلت لخويي خل نفرفر بالمطار قال لا وش رايك بس نروح نشوف وين البوابة ونتطمن قبل نروح لـ اي مكان قلت وهو كذلك ونبحث عن الطياران الداخلي ونتجه له وندخل بنستكشف المكان والاوضاع يوم جيت بنطلع قال العسكري وين تطلع انت ووجهك ممنوع تطلع من الصاله بعد ماتدخل قلت والحل قال وش عندك تبي تطلع قلت ياخي باقي 4 ساعات بروح اذ بقى ساعاتين ابجي قال لا مافيه خروج وانا ادخل يدي بـ بنطلوني واحصل 50 ريال قلت خذه عساهـ سم بحلقك قال هذي عطها اخوك الصغير :8788e14e8d: اوالله البلشه يعني وش يبي ذا قلت لخويي مشينا للمسجد ننسدح فيه لابارك الله فيك انت وافكارك … ونجلس بالمسجد وخويي نام وانا الاغراض كلها معي مستحيل انام المهم صرت افر بالصاله وكان 99% من الموجوديين بنات وشايب واحد ماهم معقوليين ابد المهم نص السوالف هنا مشفرهـ لكن جت الرحلة وصحيت خويي وطلعنا الطيارة طبعا كانت الطيارة عبارة عن مراوح كانه هلكبتر شكلهم بقايا الحرب العالمية الأولى هههه المهم صارت تتأرجح فينا بالسماء وجاء لمي الموظف قال الطيارة راح تهبط في مكان غير اكادير اماااااااااااااااااااا عاد وراهـ يابو الشباب قال لـ مدة 10 دقايق فقط قلت ايه هانت مو مشكلة روحوا للي تبغون انا وصلت لمرحلة ماعاد يفرق معي شي بصراحه هبطنا ثم اقلعنا ثم جت لمي بنت كبيره بالسن وصارت تتكلم معي لغة عربية فصحى – إلى اين ستذهب أين هي إقامتك هل أنت خليجي – المهم صرفته وراحت لخويي وما ادري وش صار المهم بعد مانزلنا واتجهت للأمتعه باقي شنطة لي ماوصلت فيها مواد غذائية وين راحت كل الناس راحوا إلا انا جالس وين الشنطة :8788e14e8d: مع اني كنت سامع إن بعض الامتعه تختفي ويرجعونه لك بعد كم يوم المهم جتني العجوز اللي كانت تحقق معي بالطيارة وقالت رح لذاك المكان واكتب بلاغ عنها وقالت الوقت متأخر جدا سـ اذهب بكم أنا للفندق ما اسم الفندق قلت اسمه الله يصلحك اماديل قال اها اماديل سـ أكلم سائقي عن هذا الفندق وبكل تاكيد سيعرفه المهم رحت لحق الامتعه الضايعة وجلست انتظر يخلص اللي قدامي يسولف للعسكري قصة العنزات الثلاث هو ومرته يتضاحكون قسم اني واقف اكثر من ربع ساعه وراهم حتى تكلمت وقلت مافيه شبكاك ثاني للمستعجلين
قال شوي المهم خلص وجيت وكلمته عن الشنطة قال وش فيها قلت فيها مواد غذائية يوم صار يوزع ابتسامات هو وخويه اللي واقف عندهـ قلت الله يستر وش فيهم هالاوادم قال موجودهـ اصبر شوي دخل الثاني وسحبها وطلعها قلت لو سمحت ممكن أعرف سبب وجودها هنا فا ابتسم وسكت قلت عساهـ سم إذ انت اخذ شي ههههه المهم مشيت يوم طلعت إلا العجوز واقفه مع خويي تنتظرني واعتذرت منها على التأخير ومشينا بعد ماوصلنا سيارتهم وركبت ألتفت يميين حصلت تكاسي واااجد طبعا الوقت متأخر جدا الساعه 3 بالليل وقتها انتابني الخوف لأنها قالت مافيه تكاسي بهذا الوقت مشينا وأللتفت لخويي قلت لازم نتصرف بسرعه ترا الوضع مقلق قال لا لا ماعليك وماكنت اعرف كيف اتصرف وقتها بصراحه المهم فجئة ثلاث دوريات طارتنا واجبرت السائق على الوقوف قبل نطلع من المطار طبعا وطلبت منا النزول وكان فيه شخصية على ما اعتقد كبيرهـ بينهم صاحب مرتبة وناداني وصار يكملني على أي اساس تركب معاهـ هل تعرفهم قال أنت سائح وأنت مطمع للجميع ليش هذا التصرف هل أنت مجنون ووقتها بـ صراحه صرت زي البقة مو قادر أقول شي من جد حركه مو حلوهـ ابد مدري كيف رحت معاها ما ادري كيف وافقت …؟؟ انا مو أول مره اسافر وعندي خبر إن التكاسي متواجدهـ دائم كيف ركبت مدري وربي مدري كيف ركبت فيه شي غريب بالموضوع المهم نزلنا من السيارة وطلبوا لنا سيارة أجرة وبعد ماوصلت الأجره اتجهت لـلعجوز وشكرتها من دون ما احسسها بشي وركبت الأجره وطلبت منه يوصلني لـ اماديل وبالفعل اتجه فينا لـ أماديل
ونزلنا بأماديل دخلت الغرفة ما اشوف الأرض من التعب والخطه 5 أيام بـ اكادير و7 أيام بمراكش لكن للأسف حصلت مشكلة اجبرتنا على ترك اكادير واختصار الرحلة كلها وتقديم الرحلة والرجوع للبلد
سـ اكمل لكم ماذا حدث إذ شفت فيه تفاعل من الجميع ….

هذي صور بعض الرحلة

هذي راح تعبيها قبل تدخل المغرب وبعد ماتطلع من المغرب وراح تسلمها لهم

كان بالرحلة مرافقيين معنا اعتقد إنهم تشاديين مدري ايش جنسيتهم بالضبط بس إن العدد كان واجد وكانوا مطاوعه حتى إنهم من ضمن الأفلام الرعب اللي واجهتني

هذا فندق اماديل بعد ماصحيت الصبح

وهذي مع بلكونة الغرفة اماديل

وهذي بمراكش بمجمع النخيل

لي عودة لـ أكمل لكم باقي الأحداث
سبب لخبطت الجدول وسبب تقديم الحجز والرجوع للرياض