بعض الناس ليش ماخذين فكره عن المغرب ؟

السلام عليكم

مملكة المغرب دولة عربية واسلامية
مهما زرناها نرجع لها لان لها جميله وشعبها طيب ودود ومضياف وتتميز هالبلد انها قاره لحالها وبكل مدينه لها طابع
وكل مسافر له هدف بالسفره سواء سياحة عائلية ام شبابيه ام عمل وغيره

واحد يسألني وين رايح اقوله مثلا لندن – سويسرا – امريكا – او اي دوله عربية

لمن اقوله المغرب يقول شمعنى وشنو فيها غير ….
واحذر ترى فيها سحر وترى فيها وفيها وفيها

لمن اقوله فيها سياحة مثل اي دولة في العالم مايصدقني ابد

يعني اللي يروح مصر وسوريا وتايلند بكل سفراتهم عادي ولمن اقوله المغرب يقول شمعنى وشمعنى لان مافيها غير ال ؟

انا اشوف المغرب أحلى دولة انا بصراحه مالومه لان ماشاف البلد نفسها يعني يكفي انها دولة اسلامية

اعتقد اللي يبي ال….
يلقاها بأي دولة في العالم يعني بيفهمني اللي يروح تايلند او دول اوروبية وامريكيه مايدور ال…. ؟
بس في المغرب فقط ؟

صحيح احنا ماننكر ان الدرك بعضهم ياخذون كراميات في المطار او وبعض التكاسي شماكره

بيقعنني موموجوده هالفئات في لبنان وسوريا ومصر ؟

انا رحت لبنان ورحت هالدول

بصراحه مثل المغرب وربي ماشفت احلى ديرة واحلى بلد زرته وكل مدينه تروحلها تحسها حلوه
اغادير فيها ميزة البحر والشلالات ومدينه سياحية يكفي فيها اوروبيين بكثره
وكذلك مراكش تتميز ببناياتها الحمراء ولكن لايوجد بها بحر
وكازابلانكا جميله والرباط تتميز بالهدوء وفاس ومكناس و و و و و و و و كل المدن لها ميزه

سبحان الله المغرب عالم جميل وعالم لحالها

يعني يمكن فندقين اللي فيهم ال…

ولكن الناس ماتسمع الا السلبيات

ولله المغرب اكتشفت ان فيها اشياء كثيره ولكن بعض الناس اهمه اللي خربوا سمعتها ويعممون انا رحت مكان لفلاني والبلد مافيه الا …. نفس سوريا ومصر

انت تبي ال…. تلقاه حتى في بلدك
وذا تبي شي الزين اسأل عنه موتقول هالبلد مافيه الا سحر ومافيه الا حراميه

انت تبي تعرف عنها ادخل المنتديات ودخل عالقوقل وقرا معلومات عنها وشوف صورها يمكن تعجبك ماعجبتك لاتتفلسف ليش رايح هالدولة عشان ال…

وتروح تعمم وانت تحط بذمتك وموشايف بعينك حرام اعتقد هالناس مادري شلون تتكلم معاهم

انا لي سافرت سواء وحداني ولا مع صاحبي اسافر وانبسط ولا لنا شغل بكلام العالم الواحد يسافر عشان ينبسط ويستانس

عموما ان شاء الله لي روحه شهر 9 ولا 11

بروح مدن وبكتب تقرير عنهم