افكر اسافر مراكش و احتاج نصائحكم

كل عام وانتوا بخير اخواني اعضاء المنتدى… محتاج مشورتكم و اراءكم و ان شاءلله ما تقصرون.
انا ودي ازور مراكش بعد اسبوعين و احتاج نصايحكم في التالي ؛
قريت بعض الردود و المواضيع عن سلبية الامور في المغرب و مشاكل في السكن في مراكش؟ انا سافرت المغرب كم مرة ( بس قبل كم سنه) ما شفت منهم الا كل خير. هل الاوضاع ما تحمس للسفر لواحد بيسافر لوحده رحله شبابيه؟

قريت كثير عن منتجعات النخيل الين ضعت 😳.. ركزت شوي و فهمت ان الدرقاوي احسن الموجود يالنسبه لنوع سفري ولكن ما فهمت موضوع البوابات!!! انا ودي اخذ فله ارتاح فيها وش نصيحتكم؟

قريت عروض فلل خاصه على مساحه كبيره… يعني بعيده عن ازعاج الجيران و المشاكل … هل تنصحون بهذي الفلل؟ انا اتكلم فلل كبيره و راقيه جدا

انا ودي استمتع بجمال المدينه في النهار و في الليل و دي اوسع صدري في فيلا بعيد عن و جع الراس في المراقص … هل الوضع امن و ممكن احد يفيدني

يمكن اطلع اسهر مرتين او ثلاث … و ين تنصحون الزياره؟ كم الاسعار للطاولات او النظام بشكل عام؟

مين احسن مكتب اتعامل معاه للحجوزات الاكيده والناس الثقه؟ بما اني بسافر لحالي .. ودي مرافق من احد المكاتب خلال رحلتي .. فيه احد تنصحون فيه؟

كيف احسن طريقه لترتيب سياره راقيه مع سواق في الاوقات اللي احتاج اطلع فيها؟ و هل مكتب الحجز ممكن يرتبها؟

معلوماتي؛ مدة السفر يمكن 10 ايام، مسافر لوحدي، مزانيتي جدا طيبه، جوي سهر بالفله ، احتاج طباخه في الفله.

كل عام و انتوا بخير مره ثانيه و محتاج فزعة اخواني اعضاء المنتدى الكريم و اذا فيه نصايح شبابيه قوانين المنتدى ما تسمح بها في العام … ارجو ارسالها بالخاص .

شكرا مقدمًا.