مجمع النخيل بمراكش ..

2009-04-17

كثر الكلام عن هذا المجمع .. وكنت أسمع عنه ورسمت له شي في بالي انه سور كبير عليه نخيل وفي الوسط فلل بينهم مسافات ….. :6b08cdd459:

استكشفت هذا المجمع بنفسي وحبيتكم تشاركوني هذا الموضوع

مراكش من المدن الجميله بالمغرب ولا ينفع لها الى يكون معاك سيارة بصراحه ولا فيه أي مشكله سهل تدل فيها بسرعه .. والنقطه الثانيه مطاعم مراكش من أفضل مطاعم المغرب

طازج ولذيذ …

باخذكم بالاول على شارع قيلز في مدينه مراكش بالاول

ونرجع حق مجمع النخيل

أخذنا لنا شقه غرفتين وصاله 1350 درهم مع الشغالة من الصبح لحد الساعه 4 العصر واذا تبي تزود 100 درهم تجلس 24 ساعه بالشقة ..

كانت أكثر من رائعه ونظيفه

ممرات داخل مجمع النخيل ….

بصراحه النهار فيه وانك تتمشى وخاصه اذا كان الجو بارد شي خرافي

هنا اذا كنت طالع من المجمع النخيل ونازل على المدينه مراكش ولا على مرجان

وأكثر شي أعجبنا في المغرب بشكل عام لوحات الطريق وعبارة اتجاهات أخرى … شي غريب ومو متعودين عليه

وهنا مكتب الدرقاوي وعنده ادارة لشقق وفلل كثير فيه هذا الجمع .. وهو المسئول عن التسديد والتسليم والتنسيق بخصوص الخدم

ونفس المكتب تحت فيه سوبر ماركت كبيرة وعندهم توصيل طلبات

من الداخل

وهنا الرسبشن لمكتب الدرقاوي

الاخت بالله هذي امتحنتها لين حصلت لي خريطه لمدينه مراكش وخليتها ترسم لي مكان المجمع النخيل بالخريطه .. ناوي أطلع أدوج بالسيارة وانا ماعندي خبر عن الديرة والله بس كانت تجربه حلوة