إول رحله لي للمغرب << إنواع الضحك لاتفوتك

يالله ان تحيي كلن بــنك نــيمه ( يعني الاسم المستعار )

شخباركم وش مسوين

بحوس لكم المنتدى بها الموضوع من الضحك الي بيحصل لكم ونا بكتب لكم قصتي يوم نويت اروح المغرب << اوويلي ههههههه وكيف بداء التخطيط لها وكيف صارت والمشاكل الي واجهتنا في المغرب
المهم بدايت التخطيط كان فوق دكه ( دكه = منطقه تشبه البلكونه بس ارضيه ) وفي مزرعه عمي

طبعا كانت عزيمه وجمعتني مع ولد خالتي ومنها بداء التخطيط

طبعا كنا منسدحين اخر الليل في جو شاعري يزينه اضواء النجوم مع بعض القطواه الي تدور علينا

مادري شايفينا قواطي تونه ذا القطاوه ولا ايش بظبط

المهم طبعا في الجو الشاعري هذا بدينا نسولف وننصب على بعض انا ولد خالتي تعرفون السوالف الصدقيه

ما تخلص قمنا ننصب على بعض يقالنا راعين مناظر واجواء انا اقوله الشروق احلى وهو يقولي الغروب احلى

وفجاء جاء طاري المغرب انا للحين مانيب عارف وش دخل المغرب في الشروق والغروب والدكه

ما علينا المهم قالت له انا عندي هدف ولازم اسجله ااااقصد لازم احققه <== باين انه موب راعي كوره ابد قالي ولد خالتي وش هدفك قلت دبل كيك <== بدت البثارة عاد قلت له اني ابي اروح المغرب ابي اروح لديره الي كل الناس تتكلم عنها حتى يوم صادفت هندي في المطار ونا راجع من مكان ماء قالي ( مروكو از ذا بيست كونتري ذات اي ايفر سيي ) طبعا مافيها ولا حرف دال ولا كان ضعت مع السبيلينق هههههههههههههههههههههه قلت ابي اروح المغرب قالي ونا بعد بروح المغرب طبعا متى وكيف نروح المغرب وعلى ايش باخره ولا بعير ولا طياره ولا ندقها رجل لين نوصلها ما تكلمنا في الموضوع اهم شي اننا بنروح وخلاص بعدين تفرقنا وبعد كم اسبوع اتصل علي قالي رشيد رشيد وصمخ << كنت استهبل عليه ما كلمته ههه قلت ها قال تراني حجزت قلت وين على الله قالي على كازا قلت متى ولماذا وكيف وحيثما وكل شي اعرفه في اللغه العربيه قلته من الوناسه قالي حجزت في يوم كذى انا وخوي قلت اها ونا مكلمني اللحين ليش كان دقيت على خويك انت وو جهك كنها اربع زيتونات بصحن لعنبو بليسك ولد خالتك وجحدتني على طول وهذا وحنا قضينا لليله شاعريه تحت اضواء القمر لين لعب فينا النامس من كثر التقرص حتى ان امي يوم شافتني تغطت عني تحسبني واحد ثاني ما عرفت اني ولدها الا بعد ما حللت DNA والسبه النامس الي ذبحنا في المزرعه ذاك اليوم قالي احجز انت من الرياض قلت معصي انت احجز طبعا هو في الشرقيه وعلى باله اني بطلع لحالي بطياره من الرياض وهو بيطلع من الشرقيه قايلكم ولد خالتي اشك انه يقرب لي عقب احداث المستشفيات الي صارت في السعوديه وقلت لخالتي تاكدي من ولدك لا يكون غلطانه فيه مع واحد ثاني من جنسيه ثانيه ترى تصير عادي <== طبعا ما راح اقولكم ان خالتي لحقتني بعصى المكنسه ذاك اليوم بس عادي تمون اخت امي وعرفها من زمان هههههههههههههههه المهم قلت له احجز لي انت وراسك معكم مانيب رايح لحالي لو تنقز لكازا وترجع المهم حجز لي التذكره طبعا للحين باقي شهر على الرحله بس وكل الي سوينها اننا حجزنا على كازا تذاكر بس طبعا وش بنسوي هناك وين بنسكن في المطار ولا بس بنختم جوازتنا على انا جينا المغرب ونرجع للحين مافي شي واضح بعد كم يوم اتصل علي وقالي فيه مكتب يسوي حجوزات وسكن وكل ابو شي بس رح له وخذ منها 10 ايام سكن وتذاكر . قلت له طيب وفعلا سويت كل الامور من حجوزات وكل شي وحجزت السكن وخذت الفوتشر وكل يوم اصحى قبل اروح الدوام وشايل هم المدير البثر الي غاثني بحياتي هههه << معاناه اناظر التذاكر وروح نفسي مفتوحه للعمل مادري ليش 😐 😐 حسيت اني في هذاك الوقت إن المدير ما يسمع فيني لأني قمت افرمت المعاملات فرمته حتى طاولات المكاتب قمت امسحها من الحماس الي فيني لدرجه اني بغيت اصير وكيل
وزارة ال ههههههههه من زود النفس المفتوحه

بعد كم يوم جاء اليوم الموعود …. الي هو يوم السفر جاء ولد خالتي وخويه لرياض <== بدى يذل ولد خالته وتعشينا وتفاجائنا ان خويه ما عنده ولا بدله ويبي يروح بثوب طبعا قلت له ياخوي انت بتروح ترى المغرب مانتب رايحن مظارب الباديه بتروح لي بثوب طبعا ما كان فيه وقت لان المحلات باقي لها ساعه وتقفل والله وناخذه سبلاش ونركض ركض في العربيه كل شي نحطه من زواد العجله الي فينا تفاجائنا عند الكاشير اننا ما جبنا له ولا جينز كل الي اخذنها تيشرتات تخيلو بس تيشيرت وسروال سنه في المغرب وقاعد يتمشى كان ازاعل ولد خالتي من زود القهر المهم الحمدالله خلصنا كل شي بدري بصوره غير متوقعه وبعدين رحنا البيت نجهز الشنطه حقته طبعا شنطتي لها شهر جاهزه من الوناسه وعلى طول ادق على ولد اختي تعال ودنا المطار طبعا الرحله الساعه 5 الفجر وحنا من الساعه 12 في المطار مسنترين <=== لا عاد يسافرون ذولي ابد حتى ان حق البوردينق يقول عسى ماشر لو هي رحله لشرقيه ولا لجده كان ما جيتو الا قبل الاقلاع 5 دقايق طبعا مطار الملك خالد اخذنها رايح جاي يقالنا نضيع وقت حتى اني حسيت اني نزلت 3 كيلو من التمشي في المطار جينا الساعه 3 ونص وكنا اول ناس طبعا وحاطين شناطنا عند المدخل بحكم انه ما كان فيه الا حنا حتى ان الطياره ما بعد طارت الظاهر من المغرب الي بتاخذنا بس تعرفون شي تتمناه وفجاءه لقيته متحقق خلصلنا امورنا كلها ورحنا عند البوابه ننتظر متى يقولون اقلطو لطياره طبعا صلينا الفجر يوم خلصنا الا وهو يعلن عن موعد الرحله وتوكلنا على الله وركبنا الطياره… انتهي الجزء الإول انتظرو الجزاء الثاني واحداثه الممتعه بايووو:61acbf8b15::61acbf8b15:[CENTER][/CENTER[/CENTER