رحلتي لاغادير دار الغنادير

السلام عليــــــــــــكم

اولا احب اشكر الجميع على تفاعلهم عنما قررنا السفر لاغادير انا( وابو هزار) وعلى راسهم الاخ عبدالله الحربي والاخ سيف العشق والاخ مجروح والاخ منتسب بصمت وجميع الاعضاء بصراحه ماقصرو وكثر خيرهم

السفر على الخطوط القطريه جدا مريحه بس مشكلتها التوقف في ليبيا بداية الرحلة كانت بيوم الخميس الموافق 22-7-2010 رياض_______ دوحه ويوم الجمعه 23-7-2010 دوحه ______ كازا ________اغادير

طبعا الوصول لاكازا كان الساعه 6 مساء كل شي تمام الا يوم جينا مهبل الجوزات والبشر اللي مالين الطوابير زحمه يادنيا زحمه والله بغينا نهون انا والشيخ ابو هزار نعود للطائره من شي شفناه مايسر للاسف ويخجل

الاوربيين والمغاربه اللي بالطوابير صراخ ولجه وازيدكم مكيفات يفتح الله حر موت المهم جزمنا على اننا كل واحد يمسكله طابور ويلتزم الصمت لعل وعسى انها تنفرج وكل ماقلنا انفرجت عمسوها واخرو العالم لاكن اثاري

الاوربيين والمغاربه عارفين لهم بصوت عالي لجه وكلام مانعرفه ولا ندري وشو لاكن الاكيد انه مفيد كل خمس دقايق يمشون واحد تصور والله فوضى بالزاااااف المهم وصل ابو هزار على انه يختم ويعبر لاكن طولوها معه وانا واقف بالصف اللي جنبه وهم يسالون اساله مالها داعي تصور يقول وين البوردنق المهم طلعة وتهورت ورحت للشيخ ابو هزار وقلة عطه البوردنق وخلنا نفتك قال البوردنق مع العفش قلة الله يرحم والديك اي عفش لو هو مع العفش

كان انت مع العفش وريحتنا قال عاد موظف الجوزات وانت اللي مخرجك من الصف ايش قلة مدري ابي اعطيك البوردنق ياطيب الاخلاق قال مو شغلك قلة طيب والله وانا اريوس للصف والحق على الطابور طال النقاش مع ابوهزار

ورجل الجوزات الملكع ومشى ابو هزار بحفظ الله ويناظر لي ويبتسم قلة هذا اللي اولها وشلون تاليها سترك يارب لاتضحك يرجعك وقف ينتظرني وجاء الدور وسلمته الجواز بما حمل البوردنق وكرت العفش واللي يبي بس ننجز ولادقيقه من حمد ربك

وانا صاف بجنب الشيخ ابو هزار ونكمل المسيره نبي مطار المسيره طبعا الساعه يمكن الحين سبع ونصف ماعاد يمدي نبي ناخذ العفش عفش بعضهم عاد كلها شنطتين ماغير نركض ركض وياله يجي العفش ونلقطها على الطاير

نبي نقص البوردنق لاغادير دار الغنادير ونقصه ونسلم من التاخير وربك ستر ونركب الطايره اللي كنك راكب باص يلعبها لعب بالمدرج قالة المظيفه رحلتنا تستغرق 45 دقيقه قلنا ياسلام والله نطير والطايره فاضيه ماغير انا وابو هزار

ومجموعة اسبان مايجي لهم 10 اشخاص ماغير يضحكون ويصرقعون قلنا سترك يارب وطير شلوى 35 دقيقه والطايره على المدرج تدرج بحمد الله ……..

وبعدها بدت قصت ابو هزار اللي بكملها انشالله :6b08cdd459: