تجربتي معى فندق (فال دو انفا).. 31/7 -6/8/2010

اسعد الله اوقاتكم جميعا” …اخوكم عفجان يالله وصل دابا من كازا وبالتحديد من فندق اطلنطيس(كلوب فال دو انفا) بعين دياب..بعد سفرات عديده للمغرب الحبيب من سنة 2004 لم اتوقف في كازا الا للمبيت فقط في حال كانت طيارتي بكري معى الصباح ..بمعنى هذي اول تجربه لي بكازا بمعنى الكلمه ..قبل لا ابدى ..قريت تقارير لبعض الأخوان اللي كان فيها بعض المبالغه في تهويل بعض الأمور وأعطائها حجم اكبر من حجمها الطبيعي , ماراح اخوض باعطاء النصائح باخليها في الأخير …على كلن ..سافرت على القطريه صبيحة يوم السبت الساعه 2:15 صباحا(أو فجرا”) ولم اشعر بالطريق لأني كنت مشغول :c84e7dfe68: ,,,المهم وصلنا بدري معى سعود(يعني معى التاسعه) صباحا” ..ومرة الأمور سموثلي كالعاده ولله الحمد…هذي ثالث سفره لي هذي السنه وملاحظ التغير في المعامله بالمطار للأفضل طبعا” …لا كادو ولا خرابيط…خصوصا” الجمارك ..من يشوفون الجوازات ديالنا يقول لك طل براسك يالنشمي….وانا خصني ارد له التحيه واقول له طل براسك انت بعد:9303f68a42:……طلعت برا ولقيت الطاكسي …ودغيا للفندق …وصلت الفندق معى العشر ونص …قالو لي اتسوي تشيك ان معى ال 12 …قلت ماشي مشكل اخذ لي دويره امسح فيها المنطقه …خذيت دويره وشفت البلاجات والنوادي اللي عليها واعجبني بالذات تاهيتي ,,, من وجهت نظري هو الأفخم والأرتب …رجعت 11 وربع حصلت لمره اللي في الريسبشن …قلت مازال ما كاينش الغرف…شفتها سفهتني..ويقوم ويطلع لي الدم :colere_rouge: ,,,اثرها المسيكينه كانت تظبط لي الأوراق اللي اوقعها واسير بحالي …قالت لي شوف فيه ناس قبلك وهذي شنطهم بس انت شكلك ظريف وما اقدر اعطلك:13:……. قلت فعلا” ناس واجد يقولون عني كذا …المهم ندخل في صلب الموضوع….الغرف او السويت بمعنى اصح خطير جدا” مرمم(refurbished) بطريقه جميله وحلوه,,مش على حسب كلام بعض الأخوان الله يهديهم ..وخصوصا” مقارنه معى السعر (1200) والتسهيلات لتجنب ال :1bbc6dca84: …اخذت ذاك الشور المزيان واضربها بذيك النعسه العالميه في انتظار صديقي اللي بيجي الساعه 5 يحليله متعني من مكان بعيد ….بيض الله وجهه ..ماعلينا جدولي كان شبه ثابت طول لسبوع …افيق معى العشره واطلب فطور كونتينينتال واتريق انا وصديقي ونقزرها سوالف وضحوك لين قريب الوحده نمشي ل تاهيتي بيتش كلوب ونسبح ونتغدى ونتقهوى لين اتغيب الشمس …ونرجع للأوطيل نبسط شوي ونريح ونشوف فيلم على روتانا سينما , وعقبه ننزل معى ال 11:30 لين الوحده تقريبا” في المطعم اللي بالترس بين المبنى الجديد والقديم ولنا طبله قصدي طاوله معينه تتوسطها شمعه :table: اكلهم شهي ولذيذ خصوصا” طاجين الربيان لا يطوفكم ولا شوربة السي فوود …للأمانه فندق مزيان خصوصا” للأوقات القصيره واللي ما يحب المشاكل ..واخا بيدفع شوي بس بيشتري راسه …حط فلوسك بالشمس واقعد بالظل ….:waheg14:……….والتمييز اللي ذكروه بعض الأخوان غير موجود فيه خليجين في المبنى الجديد , واروبيين في المبنى القديم …ولو كان الكلام صحيح انا ما الوم الفندق …فيه ناس يسوون ازعاج بشكل مش طبيعي ..المشكله الأزعاج يكون في الممر مش في الغرف …حتى مره من كثر ما صنفو بي طلعت لهم متلكوت بفوطه ….اقعدو يعتذرون ( اسكوزيموا ,,اسكوزيموا) …يعني بالعربي اللي يسوون الأزعاج ….. وليس الشباب الخليجين …اللي ابغي اقوله ارجو من الشباب التوقف عن محاولة تظبيط جميع من الفندق بمن فيهم السيكيوريتي …ارجو الأعتزاز بنفسك اكثر…ليس هذه بدعوه للتعالي على خلق الله …حاشا …ولكن اتضح بأنه بمحاولة التودد لهم يبتدي يشوف نفسه عليك وكأنه كاسبك بمعروف …ويكلمك من راس خشمه …سياستي كانت قاسحه معهم ..لا سلام ولا كلام ,,,ولا طلعت الا كلهم يودعوني والله يوصلك على خير ومن الهضره الزينه …..وانا تعبت من الكتابه لأني مش مال تقارير …واللي في خاطره استفسار او شي يسأل وانا حاضر ….