تقرير عن رحلةشهر بالمغرب

ما ادري كيف ابتدي، لكن بدايه قررت السفر من بعد شهر رمضان وكنت ما ابي ابلغ احد ، تعودت على السفر لوحدي تجنبا للمشاكل والاحراجات، والمشكله ان الخوي يا انه يكون عله ولا حكايه ممله ، لكن واحد من الشباب بالعمل يدري اني قدمت على اجازه ، وهو يدري اني ما اروح الا المغرب من سنيين ، المهم الرجال ، جاني وقال يابو فهد ابغي اخاويك ، الواقع ان طبعي مجامل وهذه عادة سيئه ، ما قدرت اقول لا ، بس لمحت له ، يمكن طبعي ما يعجبك !! يمكن عاداتي تختلف !! قال ابدا انك راح تلقاني على ما تحب ، انا معك بالزينه والشينه ، المهم الرجال طلب رقم حسابي بالمغرب وقام وحول بالحساب لانه ما عنده حساب وهذه اول مره يروح المغرب ، المهم حجزنا على الاتحاد ، وياليت ما رحنا عليه ، انا متعود على طيران الامارات وارتاح عليه ، المهم اللي اغرانا فرق السعر 30دينار لا ودفعناهم يوم بكرنا حجز العوده، كنت متعود ان اقيم بكازا ، كازا غرامي واحبها وادلها شارع شارع ، لكن الخوي قال يا بو فهد ، عندي خوي بمراكش ودي نشوفه قبل لا يرجع ، قلت ما فيه مشكله ، مراكش انا زايرها مرتين ، المهم حجزنا قبل لا نطير في فندق ابيس قرب محطة كازافيوجير ، ب 670 درهم مع الفطور ، الفندق غرفه صغيره ، لكن ميزته انه لاصق بالمحطه ، وصلنا تعبانين بالحيل الرحله من الكويت الى بوظبي وانتظار ساعتين قي بوظبي ُثم 8 ساعات الى كازا بلانكا سقاها السيل ،كانت ليلة العيد ، حاولنا نستأجر سياره كل المكاتب على 400 و350 درهم ، قلت ماله داعي انا متأكد باخذها من مراكش ارخص وفعلا استأجرتها ب 250 سياره جديده 2010 ، المهم رقدنا في الفندق ، ومن الصبح بعد ما صلينا وافطرنا ، رحت المحطه وناديت على عامل المحطه جاب لنا عربانه قشنا واجد ، تسع شناط ، نسيت اقول لكم خويي زادنا اربع شناط من السوق الحره ، وش الي شريت يا فلان ؟ قال هذا سعوط المجانيين ، ما فهمت عليه ، المهم القطار كان موعده الساعه 9 لكنه تأخر ساعه يقول ان السواقين يصلون صلاة العيد ، وصلنا مراكش الساعه 2 بعد الظهر ، وكنت مكلم ناس يحجزون لنا شقه ، كلمناهم قال شقتكم جاهزه ، استقبلونا بالمحطه وتاكسي طلب 50 درهم لان العفش واجد ، وعلى جليز ، الشقه غرفتين نوم وصاله كبيره و2 بلاكون ومطبخ كبير وحمامين اجلكم الله عن طاريها ، وكان صاحبنا متفق معهم ان اليوم 400 درهم لمدة شهر ، يس انا قلت اباعطيك اجار عشرة ايام ،قال اذا 10 ايام الايجار 500 درهم ، قلت ما فيه مشكله ، عندما اعطيناه الجوازات يقول حق البنت خويتنا اللي حجزت لنا ، ليش ما قلتي انهم خليجين كان زدت عليهم ونتقاسم معك الزياده ، قالت لا، حشومه هاذي معرفه قديمه ولا يمكن اخدعهم ، جزاها الله خير !!! بصراحه بنت حلال ، ولا يروح تفكبركم بعيد مجرد صديقه وبس ، سبق ان خدمتني كثير بمراكش ولا يمكمن ترضى احد يستغلنا بدرهم ، ومقابل هذا عاد انا مزهب لها الهديه الطيبه ، وظلت تخدم معنا طول 15 يوم تساعد بالطبخ ، وتغسل ملابسنا ، وحنا ما نقصر معها كل يوم 100درهم ،ريحنا ذيك الليله بالشقه والخوي قام يتقهوى من السعوط الاصلي اللي جابه معه من ابوظبي ، وشغل الموسيقى وقال حق زهره وين اللي وصاك عليه بوفهد من الكويت ، خليها تجي هالحين !! يا رجال امرح ومن اصبح افلح ، قال ابدا الساعه توها ما جت 8 ، طيب اتصلي يا زهره على الجماعه ، قالت حاضر تقوم وتتصل على الضيف الطيب ، قالت هو عنده خبر عن الوصول وناطركم ، طيب ، نص ساعه ولا الضيف وصل ، بصراحة وكيل البنايه والعسلس ما لهم شغل باللي يدخل واللي يخرج لا اكراميه ولا يسألونه وينك رايح ‘ حريه ما بعدها طول فترة ال 15 يوم هذه للامانه ،لان صاحبي كل يوم عنده ضيف جديد ، الشي الوحيد انه قالوا لنا الموسيقى ما تكون عاليه بعد الساعه 12 بالليل بس ! المهم الخوي شغل المسجله ، وجلس بين الضيف وبين زهوره ، تعال يا رجال قلت لاحق أ،ا ابي اجهز العشا ، وكنت قبلها طرشت البنت جابت لنا اللحم الطيب كيلوين تكه لحم عجل بتلوا صغير اشقر ، وحنا معنا بهاراتنا من الكويت واقوم اتبله مع الكزبره والبصل ، والمجمر جاهز والفحم جاهز ، وخذ يا تشوي !! تعبت اكمل لكم باجر انشاء المغامرات وباقي التقرير يتبع