تقرير رحلتي الى المغرب بشكل مختصر

السلام عليكم ورحمة الله وبركاته
تحيه طيبه يا أخوان
بصراحه مالي بكتابة التقارير والسوالف هذي لاكن بحاول قدر المستطاع
ان يكون التقرير مفيد للجميع,,,,
الجزء الاول
بالنسبه للرحله تتكون من شخصين
سعر التذكره لكل شخص 1300 ريال على الخطوط السعوديه
مسار الرحله من الدمام الى الرياض الى كازا ( 7 مارس 2011 )
طبعا قبل الذهاب تم حجز الشقه لمدة يومين بشارع محمد الخامس بــ 800 درهم غرفتين وصاله و2 دورة مياه اعزكم الله وشغاله 24 ساعه
وسياره من نوع لوغان تروى 3 (شاك بالاسم )بـــ 400 درهم يوميا والاستلام والتسليم بالمطار
وعلى طاري المطار والله ياهم يرفعون الضغط لاكن ذيبان عارفلهم مطنش وانا مسوي فيها اطرم
وصلنا العصر حوالي 5,30 تقريبا وللمكتب انهاء الاجراءات (السياره مأمنه تأمين شامل لاكن اذا كنت المخطي عليك 20% من قيمة الاصلاح )
وبعدها للشقه واحلى كسكس وطاجن واخر الليل اتجهنا لــ vip واحلى سهره
وهذي بعض الصور للسياره والشقه :

لاحظت كثير من الاخوه مايمدحون كازا مدري ليه مع انها اعجبتني بصراحه وارتحت فيها كثير
وهذي بعض الصور ع الطاير من كازا

المهم راحت اول يومين سريعه جدا وقرر صاحبي الشيمكار (العربجي) الذهاب الى مراكش
مع اني كان ودي نجلس كم يوم زياده بكازا
لكن القائد رفض وقال جرب مراكش تراك باقي ماشفت شي
المهم اتجهنا الى مراكش
وهذي بعض الصور من الطريق الى مراكش :

طبعا كانت المده حوالي ساعتين بالسياره
وكان الشمكار اجرى كم اتصال وحجز لنا شقه بالنخيل غرفتين بـــ 1200 درهم

وللحديث بقيه,,,,