عائد من الرباط

التذكرة : الخطوط المغربية
1670 ريال فقط

الشلة :
أربعة شباب ..
واحد مزعوط جاهز ، من شهرين وهو يفتح ويصك بشنطته في الاستراحة ، وكل صبح يرسل لنا نشره عن عدد الأيام والساعات المتبقيةعلى الرحلة .
والثاني : دهنا ، وباله وسيع ، وماخذ كل شي ببساطة ، بس تعقدت منه الشغالات ( يدبر بكل شي من الطبخ ، إلى الشاهي ، وصار فآخر يوم يدبر بالطاجين ) .
والثالث : من وصلنا الرباط ما شفناه غير بالمطار ، من طب الفيلا صار و احد ثاني
الرابع : أنا ، زيارتي الأولى بعد سنوات

السكن :
فيلا رائعة الجمال بحي الرياض ، فيها حديقة رائعة ، و شغالتين ، وحارسين ، وهدوء ، وأمان تام
الإيجار ( 1300) ريال يومياً

الطعام :
أول يوم صاحبنا وسيع الصدر زبطنا بحولي ( طعم لحمته ما تنسى ) ، وقطعه وعبأ الفريزر فوووول … والرز معنا طبعاً .. وتقضى لنا من أسيما اللي كان جنبنا كل الاحتياجات الأخرى اللي تعرفون واللي ما تعرفونها ..

عاد برنامجنا :

نوم إلى الظهر ..
إفطار ..
قعده وونس ..
مشوار للحمام المغربي في السوفوتيل ( وهذا له موضوع منفرد )
وقدة النار في المشب الرائع تبدأ من 7 مساء
العشاء 10 مساء ..
ثم السهرة في نفس السكن ( إنزل كم درجة للقبو تلاقي حالك في أحلى نايت كلوب خاص )
تلاقي الدي جي مزبط الوضع ، والدنيا هانية ،والعالم ملعلعه والاصحاب على كيف كيفك .

بصراحة ..
هذي الديرة بعد ما رجعت منها عجزت اتذكر كم رقم جوالي ، ويين أنا حاط مفاتيح البيت ، وتلخبطت
ديره عجببببببببب