رحلتي كازا ومراكش واغادير والرباط وطنجه

بالاول اسف ع تاخير التقرير لان كان عندي شوي ظروف

قررت السفر ب 15 -5 لمده شهر ولاكن جلست بس 12 يوم وكانت كلها باغادير ورجعت لان الوالده تعبت شوي

وكنت حاجز علي الخطو التركيه من الكويت طبعا

المهم

بعد ماتطمنت علي الوالده وصارت كل الامور زينه رجعت للمغرب بتاريخ 13- 6 الي 30-6 علي الخطوووط الاماراتيه وكان خط السير كويت دبي كازا اخذت التذكره عن طريق النت وكان سعرها 200 تقريبا

المهم كان التخطيط اغادير بالاول لانها معشوقتي وبعدها اروح لمراكش والرباط وطنجه تم الوصول الساعه 1 ظهرا وكان التعامل بالمطار راقي جدا من الاخوه المغاربه ولاصار تاخير ولااي مضايقه وكان الكل يهلي

ويرحب فيك بالمغرب المهم خلصت الاجراءات السفر وفتحت الجوال واله الاخ عصام يتصل وكان ينطرني الاخ العزيز عصام بالمطار لاخذ منه السياره الي استاجرتها وكان راقي بالتعامل

وكانت هذي ثاني مره اتعامل وياه كانت السياره هونداي i10 المهم اخذتها ب250 درهم باليوم موديل 2012 لونها اسود المهم وانا قاعد اعبي الموبايل انوي طبعا واله بشخصين يشترون شرايح سمعت واحد يقول

انا بطلع ادخن عند الباب حطبالك ع الشنط وانا علي طول قلت اخوي لو سمحت هم انا بطلع ادخن ويا صاحبك ممكن تحط بالك ع الشنط قالي من اعيوني :61acbf8b15: وطلعت بره وقفت انا والرجال كان محترم سالته انت من

وين قال من عمان قلت ياهلا ومرحبا قال انا شفتك ويانا بالطياره قلت حياك الله المهم سالته قال انا اول مره اجي للمغرب ابيك تسولفلي وتعلمني قتله من اعيوني وقمنه نسولف وشربنه يمكن كل واحد 4 زقاير

المهم واله عصام يتصل فينك ياصاحبي قال انا عند البوابه قتله دابا جايك ولا سالت الشاب العماني انتم وين رايحين قال نبي نروح لمراكش حاجزين شقه بالنخيل قتله معاكم سياره قال لا نبي نستاجر تكسي قتله

والله مايصير انا بروح لاغادير وانتم علي طريقي بوصلكم قال مايستوي اخوي قلت يستوي انا بروحي وابيكم تونسوني بالطريق قال خير انشالله المهم رحنا لخويه وتعرفت عليه وقتله يالله عصام حرقني اتصالات طلعنه

ولا هذا عصام حطينه الشنط وعلي محطه البانزين وقعت العقد وفولت بانزين وانطلقنه