عدت من الرباط (اشتقت لها وانا توني جاي)

عدنا…. نكمل بخصوص السكن الفلل من الخيارات الجيده للسكن في الرباط اذا كنتو اكثر من 2 عشين تاخذون راحتكم وكان عندي شك من ناحيه الراحه والامان في الفلل لاني سمعت ناس يقولون فيه مضايقات وقررت اكتشف بنفسي لاني مقرر في السفره الجايه سفرة جماعيه مع الزملاء واخذت جوله فيها في الرياض والسويسي واتضح لي ان الموضوع مبالغ فيه من ناحية التخويف والمشاكل الوضع اكثر من رائع الفلل جدا راقية والاحياء بعد راقية الفلل فيها مميزات جميله للمسافرين مجموعه استئجار الفله بالحارس بالسواق بالشغاله وتعيش جوك كملك بس اهم شي الاحترام وعدم الازعاج ….. نجي لموضوع التماشي الرباط من المدن اللي راح تندهش فيها وانته تتمشى لأن كل منطقه بعكس الثانية يعني فيها خيارات كثيرة والاجواء فعلا جميله وتعطيك انتعاش عجيب عندك قصبه الودايه والبيوت الجميله فيها والمنظر العجيب وانته تشاهد نهر ابي الرقراق والله ماقدر اوصفلكم المنظر ايش قد هو فعلا ساحر …..
ميزة الرباط كل المناطق قريبه من المدينه عندك الصخيرات والقنيطرة وتمارة واشياء كثيرة بس نصيحتي لكل مسافر انه يعيش الاجواء بنفسه من دون يخطط على منطقه بعينها يعني يدخل من منطقه ويطلع من منطقه وهو مو مسوي برنامج يعني خلي برنامجك مفتوح واكشنها على طول… طبعا التنقل يكون عن طريق سائق خاص والا استئجار سيارة والا تكاسي والخيار عائد طبعا لك…. باختصار الرباط خلي برنامجك مفتوح ولا تتكلف في موضوع التماشي….نكمل لاحقا لانه النوم بدا يداعب جفوني ايها السادة والسيدات ولنا عودة قريبا:c84e7dfe68::c84e7dfe68:

السلام عليكم اعذروني على التأخير …. واعذروني على طريقع سرد الموضوع لاني اول مره اكتب موضوع في المنتدى اللي له فضل علينا من ناحيه مراقبين واعضاء كرام..
الرباط مدينه حالمه لا يزورها للمرة الثانية وليش كتبت للمرة الثانيه لأن المره الاولى استكشاف للشخص وخاصه للذي يبحث عن مدينه راقيه وهادئه مثل الرباط على حسب علمي ومن مقابلتي للاخوان الخليجيين هناك عرفت من طريقه كلامهم انهم ناس يبحثون عن الهدوء والا ستجمام … الرباط ليست كمثل مدن المغرب فهي مدينه هدوء يعني اللي يبحث عن صخب الليالي والردح فلن يجدها في الرباط الا في نطاق ضيق جدا لان المدينه من الساعه 10 مساء كل الشوارع ترخي جفونها الساحرة في انتظار غدا جميل بالغيوم والامطار بمعنى اصح الجو الاوربي البحت …..بالنسبه للمقاهي فهي موجوده في شارع فال ولد عمير ومنها القهوة الصفراء والمزاعيط يعرفون القهوه الصفراء:6b08cdd459::6b08cdd459: انا بالنسبه لي القهوة الصفراء مو كل يوم بس جميله في الصباح وخاصه من الساعه 10 الي وقت الظهيره للي جوه رايق ويلعب بهدوء وبصمت:6b5bf50998::6b5bf50998: وفيه قهو بجانب القهوه الصفراء اعتقد اسمها بابليون او شي من كذا تقع بين القهوة الصفراء وماكدونالدز جدا جميله وجوها رايق واغني قيروز الصباح وعبدالحليم بعد الظهر ودق النظارات الشمسية ورز نفسك والواي فاي على كيفك… وماكدو وماادراك ماماكدو شي عجيب اشكال والوان من البشر داخلين وخارجين بس انتبهو من واحد سيكورتي له شنب هناك لما درى اني سعودي شالني من فوق الارض وصار يعاملني معامله خاصه والحبيب كان يخطط على فلوس يقول سلفني 500 درهم ويم قلتله ماعندي ياصاحبي واعطيته المقسوم صار ماعاد يعبرني :3607febb42::3607febb42:المهم بالنسبه لمقهي بابليون عنده طاجن باللحم خطير اذا تبغى يوم تتغدا والا تتعشى عنده طبعا على امتداد شارع غال ولد عمير فيه شارع فرنسا ايضا حلوه بس مقاهيه يعني لك عليها كلها رجال مغاربه مافي امل ترتاح …. شارع فال ولد عمير اصلا يرد الروح وانته تتمشى فيه..بالنسبه للسكن افضل مكان لاني سكنت في زنقه قريبه من فال ولد عمير لاني احب كل شي حولي على رجولي كارفور جنبك ماتتعب في اغراضك الشقق في الرباط تتراوح من بين 800 الى 900 غرفه وصالون اما غرفتين وصالون في حدود 1100 الى 1300… بس نصيحه لا تاخذ شقه بالشغاله ابدا دايما الشغاله تمثل دور الجاسوس وتتحكم في الضيوف يعني ماراح ترتاح …نظام الفلل على حسب علمي يقولون في الرباط انه فيه مشاكل وحملات في الرياض والسويسي يعني خليك على الشقق بس اهم شي انك ماتزعج احد وانته في شقتك والا انته طالع وداخل عشين مرتاح ومبسوط ….فاصل ونعووووود:61acbf8b15::61acbf8b15::61acbf8b15: