سوريا والحلم المستحيل

بسم الله الرحمن الرحيم

ما حلمت انك في يوم من الأيام بعد ما تدخل قسم الجوازات بسوريا انك ماتدفع بخشيش عشان تمشي بسرعه

وانك بعد ماتختم البزبورت انك ماتلاقي آخر خفير بالجمرك أو انه مايطلبك بخشيش

وان السيارات اللي مسنترين عند الجمرك بعد ما تطلع ويشوفون اللوحات سعوديه أو خليجيه إن صح التعبير انهم مايطاردونك يبونك توقف عشان يعرضون عليك خدماتهم من شقق وغيره وطبعاً الخدمات هذي بالشام اللي باقي عليها 80 /ك

وبعد ماتوصل للعاصمه اللي من يوم يشوفونك التكاسي كلهم يتخاطمون على بعض يبون يوصلون لك عشان يهبرون منك المعلوم بس انت وقف وشف وش راح تكون بينهم

ماحلمت يوم من الأيام انك تروح لمكتب عليه القيمة وتلاقي عنده حسن التعامل وان مافيه غش يعني مايقولك انت وش تبي شقه حلوه ولا نص نص وإذا اخترت الثانيه ياويلك يوديك لخرابه ويدبل السعر وطبعاً راح تتشآءم من هذي الشقه وراح يقولك عندي شقه روعه وهي عاديه بس السعر راح يكون أضعاف أضعاف سعرها العادي ولك الخيار

ما حلمت انك تركب تاكسي من غير ماتتهاوش انت والشوفير على الحساب

ماحلمت انك تدخل السوق وخصوصاً سوق الحميدية وما احد يتعرضلك من البياعين اصحاب المحلات وما يجرجرونك على خشتك بين هالعالم لمحلهم وبالأخير تلقى السعر دبل الدبل

ماحلمت انك تروح لمطعم وتلقى التسعيره اللي معلقه على واجهة المطعم هي نفس الأسعار اللي داخل المطعم

ماحلمت انك تاكل مثل العالم والناس من غير ما احد يوقف على راسك وكله عشان يضمن البخشيش خايف لا تنحاش

ما حلمت انك اعزك الله تدخل الحمام من غير ما تدفع بخشيش

ما حلمت انك تمشي بسيارتك من غير ما احد يوقفك من الشرطه أو المرور ويقولك انت منت رابط الحزام أو انك مفيم البلور يعني مظلل قزاز السيارة أو انك تكلم بالجوال وأنت تسوق وهذا ممنوع عندنا وكنهم مطبقين النظام عاد بس هذا كله عشان البخشيش

ماحلمت انك توقف سيارتك عند اي محل معروف من غير ماتلقا لك واحد مسنتر عند السيارة لا طلعت ويقولك عطني بخشيش انا مغسل سيارتك وهو موسخها مومغسلها

ما حلمت انك لا رحت البقاله تاخذ اغراضك من غير دبل الأسعار

ماحلمت انك إذا رجعت لأهلك انهم مايمعطون منك مصاري بالجمرك

ما حلمت وما حلمت وما حلمت وما حلمت انك تغمض عين وتفتح عين وما تلقا كل اللي ذكرت بسوريا وإعذروني هذا اللي يحضرني ولكم البقية لمن أراد أن يكمل