القصة الموثره لصحااابي بسورياااااا والسفاره؟؟؟؟

هذا ما حدث لاصدقائي في سوريا وانا طلبت ما حدث لهم في سوريا وكتبها لي صديقي وقريبي وارسلها لي لكي اريكم ماهي الاوضاع الحاليه في سوريا وماهي المخاطر اللتي تمس المواطن السعودي والخليجي بصفه عامه في هذه الايام ولكي تعم الفائده ..

بسم الله الرحمن الرحيم
السلام عليكم ورحمة الله وبركاته ..
لا اعلم ماذا اقول لكـم اخـوتـي كآنـتَ سفـرهـ سيـآحيـه الى سوريـآ واصبحـتَ سفـرهـ جهنميـه الى سوريـآ . حبيت ان اذكر كـل مـآحـصـل لـي ولا اصدقائي فـيَ سـوريـآ مـن متـآعـب نفسيـه وتهـم لا تعد ولا تحصـى ومـن سفـآرتـن لا تنفـع …
لا اريـد ان اطيـل عليكـم واليكـم م ـآحـدث …
اانا امجد الرويلي وصديقي عمر الرويلي ووآحـد مـن اصدقـآئنـآ بالاسترآحـه مـآجـد القحطـآنـي طالعيـن على سوريا يوم الثلاثاء الموافـق 10/4/1432هجري _15/3/2011ميلادي الساعـة12:00 صبـآحـآ طلعنـآ من الجوف وما وصلنا منفذ سوريـآ (نصيب)..
نزلت انا واخذت الجوازات معي وعطيتهم الجمارك علشان يختمونهم ختم جوازي وختم جواز صديقي عمر وقال لي ما اسم ام ماجد قلت والله ما ادري قالي ناديه خليه يجي طلعت للسياره ناديتـه … لمـآ جـآء قـآل لـه مـآ اسم امـك قـآل لـه.. لكـي يدخل بيانـآتَ مـآجـد في الجهـآز كـآمـآـه على حسـب قـول موضـف الجمـآركَ انتظرنا 5دقائق وهو يطالع لماجد ويذهب بالجواز ولما اتانا كان بصحبتـه موضف ثاني بالجمارك قال ماجد تعال للشباك الثاني وجلس يكتب بورقه بيضاء لا اعلم ما كتب ولاكنـه وضح لنا ان المخابرات طالبينه طيب وش الموضوع وش السالفه قال والله ما ادري انت لازم تروح لهم ويمكن ما في شي كبير لان لو في شي كبير قبضنا عليك هنا و***شناك ووديناك للمخابرات المهم كتب لنا الورقه البضاء وقال لماجد وقع قلت لحظـه وش نوقع عليه الور قه كلها ارقام وتواريخ ما ندري وش موضوعها قال هذا رقم المعامله وهذا رقم تاريخ المعامله بالمخابرات قلت ياخي طيب وش يضمني انها ارقام معامله قال انت ما دخلك قلت كيف ما دخلني وهو اعز اصحابي واخي المهم سكت ابي السالفه تمر على خير قال ماجد انا ما ابي اوقع الا تعطيني صوره من هالورقه هذي وانتم خوذو الاصل قال ما عندنا الة تصوير قلنا ماشي واخذت الجوال وصورت الورقه كذا صور … وبعدها وقع ماجد على الورقـه وقال الحين تطلعون للمخابرات على طريقـكم مخابرات فرع فلسطيـن على طريق المطار بدمشق.. قلنا ان شاء الله ومن طلعنا من حدود جابر ودخلنا سوريا اتصلت على السفاره السعوديه وكـآـمـتهـم قلت لهم الموضوع اللي ذكرته قبل شوي وش حصل معنا بحدود جابر وقلت له وش اسوي نروح لهم والا نجيكـم والا وش العمل قال لا تعالو للسفاره لا تروحـون قلنا طيب دخلنا دمشق ولله الحمـد صباح الاربعاء الساعه 09:00 صباحا. توجهنا للسفاره السعوديـه دخلنا اخذو بياناتنا حقيـنَ الاستقبـآل السعوديين اللي عند البوابه .دخلنا داخل للسفاره لا يوجد غير موضف واحد سعودي سالته السلام عليكم رد وعليكم السلام اخوي وين شوؤن الرعايا مع العلم انا اول مره ادخل السفاره مع اني كثير اروح لسوريا ولم يحدث لي مكروه ولله الحمد والشكر.. قال اتفضل اخوي انت الحين بشوؤن الرعايا جلسنا عنده انا وعمر وماجد صديقي قال لنا وش الموضوع قلنا له وش صار معنا ولا ندري ليه طالبيننا ودقينا عليكم وقلتو لنا تعالو للسفاره اول شي ولا تروحون للمخابرات .. قال طيب دقايق وصوت لواحد ما ادري وش اسمه بالسفاره سوري الجنسيـه يشتغل بالسفاره السعوديه بس وش شغلته الله اعلم جلس عندنا سلم علينا قهوانا قال من فيكم المطلوب قال ماجد انا قال طيب عن اذنكم ابي ماجد على جنب اخذ ماجد يسئله انت متكلم بامور دوله او مضاهرات او شي زي كذا قال له ماجد انا مالي في السياسه انا واحد جاي اتمشى واشم هوا واستانس وارجع مالي باالامور هذي كلها قال طيب يعني ما تدري ليش طالبينك قال له يمكن علشان الصوره لان صورتي قديمـه وانا مختلف شكلي الحين يعني سمنان وشايل الذقن ومخفف الشنب وعلى فكره كل ما جينا لمنفذ يجلسون ساعه يكحلون ويبصبصون بماجد وجنوني الاردن عندهم جهاز مطابقه وفوق ذالك يتشاورون هو اللي بالصوره والا لا والله حاله .. المهم سال وسال وقال خلاص روحو قلنا لهم يعني كذا من غير مندوب ولا احد يروح معنا من السفاره قال والله ماهو هنا المندوب السعودي بكره يجي اذا بتجون بكره يروح معكم قلنا خلاص بكره بكره الشكو لله كلمنا صاحبنا بسوريا واخذنا فله بالغزلانيـه وقررنا نطلع لساحة المرجا بمحل الدار البيضاء نشيش وطلعنا ولما جلسنا قام صاحبنا ماجد لدورة المياه (( اكرمكم الله))
يغسل ايديه وبعد رجعوه للطاوله اعترض شخص من الجنسيه السوريه صاحبنا ماجد ونحن نرى وسلم عليه وساله
الاخ سعودي قال له ماجد نعم سعودي وش اقدر اخدمك فيه قال لماجد كيف اذهب للبحرين قال له ماجد بكل برود
اذهب للخطوط واحجز من سوريا للبحرين وبكذا تكون بالبحرين قال له بس ما ادري كيف الاوضاع هناك يقولون
مضاهرات ومشاكل قال له ماجد ما ادري عن شي قال وش هذولي اللي دخلو البحرين يقولون لهم درع الجزيره
وبعدها قطع ماجد سالفته قال له ماجد (( امور سياسيه لا اتدخلني فيها تبي اتروح للبحرين احجز وطير
غيره في شي )) قال له وش فيك كانك زعلت قال له ماجد لا لا ما زعلت بس اسالتك تافهه وموب فاضي لها
سلام عليكم ورجعنا للفله جاء يوم الخميس ذهبنا للسفاره وطلع معنا نفس اللي حقق وهو سوري وموضف اخر سوري بالسفاره السعوديه طبعا بعد انسحاب الموضفيـن السعوديين بالسفاره عن موضوعنا وقامو باللعب بنفسيتنا وان هذا فرع فلسطين اللي يدخله مفقود واللي يطلع منه مولود ويخوفونا وواحد يقول اقرا دعاء قبل لا تدخل واقرا مدري شنو حسينا بالخوف عن جد مع انا ما سوينا شي وضامنين حالنا بس موضفين السفاره ارعبونا شوي بدال ما يهدوننا ويصفون معنا ولاكن وقف واحد جنبنا وصدق انه شخص يستاهل حبـه الراس والخشـم أي والله اللي
هو منصور العتيبي الله يذكره بالخير بالسفاره السعوديه بدمشق عن حق رجل لم يكن ممن يلعبون باعصابنا وشفت منه اهتمام للمواطنين لنا وللرعايا السعوديين هذا كلام شوفت عين مو كلام جايني ولا لي مصلحه او معرفه بهذا الشخص لكي امدحه ولاكن عن جد اعجبني بالسفاره كلها من حسن واخلاق وتعامل مع المواطن السعودي وغير السعودي. المهم طلعنا للمخابرات انا وعمر بسيارتنا وماجد بسيارة السفاره وكان بصحبت ماجد رجل سعودي بعمر الاربعين يقول لي خمسة ايام وكل يوم راجعنا بكره والسفاره نايمه نزلوه والله ما ادري وين بالضبط ومشو وخلوه وجا دورنا نزلنا للمخابرات نزل الراكب السوري اللي حقق مع ماجد قال انتو ابعدو هناك لانه خطر عليكم تقربون للمخابرات ليه قال بس انتم امشو الحين وابعدو هناك وما عليكم قلنا طيب معه ورقه مثل تصريح دخول من السفاره او كذا ما ادري بالضبط دخل هو وماجد وشوي وطلع قال لنا حنا دخلناه وسوينا اللي علينا وان شاء الله يطلع انا جلست افكر وش سوو وش عملووووو واناظر لصاحبي عمر اقول هو صادق والا انا حلمان والا وش الموضوع بالضبط التفت له قلت يعطيك العافيه ما قصرت الله يستر عليك بس متى ان شاء الله يطلع قال ما يطول شغلته بسيطه قلنا طيب طبعا هذا الكلام الساعه 09:30 صباحآ وننتظر جت الساعه 10 و11 وانا انزل رحت على رجولي للمخابرات طبعا المخابرات تجيها على رجولك من مسافة بعيده الا اللي معه تصريح دخول للسيارات يدخل جيت البوابه الاولى قالو روح هناك للبوابه الثانيه واستعلم قلت طيب واروح للبوابه الثانيه والقى اثنين لابسين جنز مو ابدال عسكريه ومعهم رشاشات ومعهم واحد ثالث ما معه لا رشاش ولا شي كلمت الاول قال روح للمعلم منو المعلم اللي ما معه رشاش ولا شي جيته وسالته قلت له ماجد خوينا دخل عندكم من الساعه 90:30 ولا ندري وش صار له ما قصر ابن الحلال سال عنه وقال لي بيحققو معه وان شاء الله شوي ويطلع والله لا بيدي شي ادخلك عنده بس مو بيدي قلت لا ابد ما قصرت ويعطيك العافيه يالغالي ومشيت .. وجيت الساعه 12 و1و2 و3 و4 و5 ما طلع الرجال وانا ارجع لنفس البوابه اللي استعلمت منها الا الفرقه متغيره مو اللي الصباح نط علي واحد قالي (( شو بدكَ )) قلت ابي اسال عن واحد صاحبي ماجد دخل عندكم …وهو يقطع سالفتي قل اسكوت الحين اجيب المعلم واحكيلوه (( يتكلم من طرف خشمـه )) المهم جا المعلم حقـهم قال خير شو بدك مديت ايدي ابي اسلم يالله يالله يمد ايده كانه مو طايقني قلت ابي اسال عن واحد اسمه ماجد القحطاني خوينا دخل من الصباح وما طلع للحين قالي مين ماجد ما عندنا واحد اسموه ماجد كل الموضفين طلعو انت شو بتضحـك علينا قلت يا حبيبي انا انتظره من الصباح اقولك والسفاره نزلته بنفسها عندكم شلون مو عندكم قال السفاره نزلته وانت تنتظره اول شي محد اسمه ماجد عندنا ولا جت اليوم أي سفاره نزلت احد عندنا وثالث شي وش عندك تنتظره ومين سمحلك تنتظره انت وين ساكن قلت بفله بالغزلانيـه قال يالله بوجهك على الغزلانيـه لا اشوفك حولنا سمعت ولاه يالله امشي بصوت عالي انا انفجرت بس ما بغيت اتكلم وانا عارف انه يبيني اغلط او اتكلم بس مسكت حالي وناظرني اللي بجنبـه قالي ما بتسمـع انتا يالله امشي وانا امشي والله العضيم اقرب مالي اصيح من الضغط اللي فيني مو منضغط من كلامهم ولا قام ولا جلس عندي كلامهم كله ادخل من اذن واطلعه من اذن ثانيه منضغط على خوينا وحبيبنا واخونا ماجد وش جالسين يسون فيه ووش سوا هو وين ودوه لا يكون ضربوه او شي يعني الي الان ما ندري وش صار فيه المهم دقيت على السفاره قلت الموضوع يقولون ان ما في احد اسمه ماجد دخل عندهم ولا جابت السفاره احد اليوم رد وليته ما رد يقول ليه تروحون لهم وليه تقولون لهم وليه تسألـون عنه تعالو لنا بالسفاره الحين حسبي الله عليكم يعني ما تبونا نسال عن خوينا انا ودي اسال هاللي يسالني و رد علي بالسفاره انت ترضاها على اولادك والا على اصدقائك هالشي اللي يصير والله غير اتقوم الدنيا واتجلسها شلون ما تبينا نسال عن خوينـآ .. المهم دق علينا راعي الفله قال ماجد عندي ويبيكم وانا طبعا طريقي للسفاره السعوديه قلت عطني اكلمه ابي اتاكد لما سمعت صوته حسيت اني من زمان عن هالصوت وانا ارجع من الفرحه اقرب مالي اعكس السير انا وصديقي عمر ورجعنا للفله بسسسسرعه هاه وش صار قال حقق معي يا ترى وش السالفه .. قال متهميني مطلع شرايح باسمي بشهر 1محرم وانا جاي اول جيه لسوريا بشهر 3 ربيع الاول يعني انتا جاي تهريب يا ماجد هذي اول تهمه …
التهمه الثانيه مزور دولارات …
التهمه الثالثه مهرب عراقيين وكم اساله عن البحرين واحداث البحرين ودرع الجزيره من هـم ويقول ماجد قلت له بالنسبه بالامور السياسيه لا تدخلني فيها انا مالي فيها ((كلــش)) ضحك وقال تبيني اثبت لك الحين ان لك صله بالعراق ترك الموضوع ودخل بموضوع ثاني قال كلمت (( كـآـش )) للعراقيين مو للسعوديين قال له ماجد لا السعوديين يقولون كلش .. مدري اذا العراقيين يقولونها والا لا ..بس عندالشمال والجنوب والرياض يقولون هالكلمه طبعا ماجد صديقي من سكان الرياض بس شغله بالجوف َ عندنا .. قال المحقق بالمخابرات لا الحين اكلم لك اصحابي السعوديين بالسعوديه واثبت لك انهم ما يقولون هالكلمه (( غصب يبون يلزقون فيه تهمه )) قال طيب مين له مصلحه يسوي فيك هيك قال له ماجد ما ادري ولا احط احد بذمتي الا طرا على ماجد صاحب الفله اللي جيناه وسكنا عنده الاول اللي بشهر ثلاثه بالغزلانيه على ما اعتقد فلة الخراط اللي على طريق الغزلانيـه قبل لوحة الرئيس بشار الاسد اللي مكتوب عليها اهلا وسهلا بالغزلانيه وبالخلف عليها صورة الرئيس بشار الاسد لها بوابتين على الشارع لون البوابات كلهن واحد بوابه بالزاوبه وبوابه قبل صورة الرئيس بشار الاسد اسم راعي الفله ابو خليل وحارس الفله يقولن له عبد والثالث اسمه رياض او ابو رياض (( نصيحه من اخو لاخوانه هالاشكال هذي لحد يسكن عندهم اللي يبي السلامه لان لاحظنا قبل تصير هالمشكله معنا ان فيهم بلا ولا يحترمون السايح واللي يسكن عندهم من ياخذون ايجار االفله يطلع وجههم الحقيقي ولازم انت تفتح البوابه ويطبقون عليك انظمه لاول مره اسمع فيها وكل يوم مشكله معهم … الخ )) قال هذا اللي اشك فيه لاننا عطيناه الجوازات وامناهم معهم وما ادري اذا لهم دخل بالموضوع بالسالفه والا لا .. قال المحقق عطني مواصفات فلتهم وعطني اساميهم قال طيب نرجع لموضوع الشرايح اللي بسمك هذولي من طلعو مع انهم باسمك الثلاثي وبرقم جوازك وطالعات بشهر واحد وانت اول جيه لك لسوريا بشهر 3 ربيع الاول ومطلعهن من ساحت المرجه وانت ساكن وقتها باحد فنادق ساحة المرجه قال لا والله انا ما سكنت بساحة المرجه انا جيت صح لساحة المرجه بس كنت اروح اشيش بالدار البيضاء وارجع بس قال طيب وارسلو عسكري عندهم يتاكد من جميع الفنادق ويشوف ماجد استأجر عندهم والا لا يقول راح العسكري وما جاني الا بعد 3 ساعات وجاب التقرير وعطاه الضابط جـلس يقرا الضابط التقرير وسكت شوي وناضر ماجد يقول (( مييـن الكـذاب )) بصوت عالي وصوت للعسكري قال (( طالعو لبرا )) طلعوه برا المكتب ويقول ماجد بعد دقايق طلبني الضابط بس مو نفس الضابط ودوني لضابط ثاني وحقق معي نفس اللي حققه الاول وودوني لضابط ثالث وحقق معي ايضا نفس اللي حققه الاول والثاني معي طبعا ما يقولون روح للضابط يحقق معك لا كانو يقولون روح للقلم والقلم معناه الضابط عندهم بالمخابرات وجميع المكاتب مكتوب عليها القلم 1 والقلم 2 والقلم 3 وكلهم ضباط المهم ما ابي اطيل عليكم فشلت كل محاولاتهم بالتهم الموجهه لي وهذا فضل من الله ولله الحمد والشكر ويقول ماجد قالو لي تعال الساعه 7:30م لكي تاخذ ورقة الخروج لكي تخرج من المنفذ طبعا لو ما معنا ورقه ما نقدر نطلع برا سوريا والورقه هذي فيها رقم معامله والجمرك يدخل هالرقم ويشوف معاملتنا انتهت والا لا المهم طلعنا كلنا الساعه 6:30م من الفله متوجهين للمخابرات على اساس ناخذ الورقه انتظرنا عند المخابرات الين جت الساعه 7:30م ودخل ماجد طبعا حنا ما يدخلوننا ويقول ماجد عند دخولي للمخابرات دخلت على القلم (( الضابط)) وجلس يكتب على ورقه لا اعلم ما كتب وعطاها العسكري قال وديها للقلم مدري شنو طلع القلم اللي ذكره المدير العام حق المخابرات وجلست حوالي 3ساعات ونصف وبعدها دخلوني لما دخلت جلست وكان يكتب في ورقه غير ورقتي نصف ساعه ايضاء وبعدها ولله الحمد انتبه على ورقتي وجلس يقراها وكتب عليها ونزل القلم وجلس يقلب بالقنوات طبعا عنده تلفزيون ودش ويقف عند خبر عن ايران والسعوديه على قناة الجزيره وجلس يناضر لي ويبتسم ولاكن بستهزاء يعني من غير نفس وبعدها كمل الكتابه على الورقه وجلس يشغل الزقاره ويقراها مرتن اخرى ويكتب كلمتين ويوقع واخذها العسكري وخرجنا ومتى على الله اوصل الباب ويقول ايضاء ماجد والله والله لما طلعت كاني مسجون لي سنين من التعب النفسي اللي حصلته عندهم والتهم واللعب بالاعصاب وعلى فكره قالو لي كلمه اخيره نسيت ان اقولها لكم قالو …: ماجد اوعـك تتكلم باي شي صار هون عندنا وهذا انا حذرتـك … فانا اقول لكم عذرا الساكت عن الحق شيطان(ن) اخرس فانا اقول لكـم اخواني واخواتي خوذو الحيطـه والحذر في هذه الايام لان الامور متوتره جدا جدا والعين على جميع الخليجيين وبالاخص السعودديين لان ليس وراهم سفاره اسم سفاره لا غير والا زي ما يقولون ما حولك احد … وهذا ما حصل بالاختصار … وخرجنا للسعوديه مباشرة وسجدنا سجود الشكر عند دخولنا الاراضي السعوديه لااننا في ارضنا وفي الامن والامان نحمد الله على نعمة الامن والامان … فشكرا لكم يا سفارتنا على فشلكم الدائم .. وعلى اهمالكم للمواطن السعودي ..
والعذر والسموحه اذا اطلنا عليكم … والصلاة والسلام على نبينا وحبيبنا محمد وعلى اله وصحبه اجمعين …

واتمنا ماتنحذف من االمنتدى لنها تهم المواطن
ولكم جزيل الشكرررررر