للمسافرين بالسيارة نصائح مهمه ..!!

لقد جاش في نفسي ان اكتب لكم بعض ماواحهت في سفراتي السابقة من احداث وتلاعب تم اكتشافها لكي لا يقع فيها البعض يعني بالعربي خبرة سفر جاهزة ومجهزة بين يديك……

الصرف

1- اصرف من بلدك ليرة سوري+دينار اردني+دولار وامسك في الدولار لاتفرط فية +ريال سعودي احتياط الرجعه

ا- الدينار حط حق الخط والتامين والضرورة تحسبا لاي طارئ وانت داخل القطر الاردني بس لاتكثر تراها عندي وناشبة في حلقي تتكاسل تصرفها وقروش سرف تضيعها مخليها للسفرات الثانية.

ب- الدلاور امسك فية لانه الكل يدوره لاتصرفة فسوريا الا للضرورة لان اغلب الفنادق الفخمة تطلب دولارامريكي ويمكن تصنف معك تروح لبنان ينفعك هناك ولو قعد معك مو خسارة

ج-الريال السعودي لازم معاك ريال سعودي ممكن ينقص معك شي تصرف بة ومع اقتراب موسم الحج والعمرة(رمضان)تلقى الطلب على الريال وتلقى سعر صرف افضل .

وفي الرجعة لاتعتمد على البطاقة ياما مكائن الصرف اكلتني مقالب من سحب البطاقة او عدم توفر رصيد كافي بالمكينة ومن علوم البنوك اللي تفقع المرارة.

د-الليرة السوري وهي محط الحديث ينفعك قبل ماتوصل تفلل البنزين من الحدود او قبل االشام وتدورلك عيشة مزبوطة ماتروح الفندق يعني تشيل هم الصرف معاك اللي مكفيك….

2- خلي معك بطاقة الصرف الالي للضرورة ولا تتعامل مع اللي يصرفون عن طريق مكائن نقاط البيع المحلات كن حذر لانهم يمررون البطاقة اكثر من مرة لانها لاتحتاج رقم سري وبعضهم يغريك بالسعر يقولك كاش ب14.5 وبطاقة ب 15.5 لانه عارف خراجة ولا تحاول تتصل على البنك تستفسر عن الرصيد من عندهم لان اغلبهم عندهم تلفون مزود بشاشة عرض تعيد كل الارقام اللي دقيتها رقم الحساب والرقم السري ورقم البطاقة وتراهم ادرى مني ومنك بانظمتنا البنكية لان هذا صميم شغلهم.

3- حاول اذا نويت تصرف…. عليك بالبنوك والصرافة افضل صح اقل بس اضمن والصرف على قد حاجتك ليومين او ثلاثة… لايغرونك اللي في الشارع يقولك اسعار خيالية للصرف وعندما تجي تحسب يطلع كلامة فشوش ويبيعك ويشتريك الين تصرف .

من خدع الصرافين:-

1- تبديل الربطات . عندما تحسب قروشك وتلقاها ناقصة ياخذها ويبدي اسفة مع ابتسامة حلوة ويعطيك ربطة ثانية العن من الاولى
2- ثني العملة يعني الورقة تعدها مرتين عليك في العد نزع المطاط (الاستك) وفرز الفلوس كلا على حده

3- التزوير…..مالة حل غير انك تستخلف اللة في الفلوس عشان كذا اقول اصرف على قد حاجتك وممكن تبتلش فيها بتهمة ومشاكل عند اللة علمها……

التامين:-

في الاردن

اذا مشوارك صد ورد امن ابو ثلاثة ايام يمشي تامين واحد للمنفذين لاتحسب اخر يوم من التامين لابد ان يكون التامين ساري لاربعة وعشرين ساعه من دخولك

اذامشوارك ابو خمسة ايام في تامين اقل من يوم انك تاخذ ابو ثلاثة ايام لانك لو عديت الثلاثة ايام سوف يلغى الاول وتسوي واحد ثاني هو ماهو ذاك الفرق بس اللي مستعجل ومايبي تعطيل في الرجعة

في سوريا

لازم تصرف من البنك اللي في الحدود ويعطيك ايصال تودية للتامين يسويلك التامين

انصحك بالاتي:-

اسئل مكتب التامين عن القيمة وروح للبنك اصرف وعد الفلوس هل هي كما في الايصال لو ليرة ناقصة خش فعينه لا تستحي ولا تخاف ولا تستحقر المبلغ المتبقي لانة يقول خليجي مايبي مشاكل يبغى يخلص باي طريقة سوي غلبة في الصالة اغلبها عاليها واطيها تراه يخاف لانه عارف عقوبتها زيييييييييييين ومكانه مليون واحد يتمناة خذ الايصال وروح التامين لازم تكون متاكد التربتتيك مافية اوراق تامين سابقة مدبسة فية لانة لو لقي شي قديم يكروت التربتيك وماتنتبة الا وانت وسط الشام ماشي بتامين قديم

المستندات المطلوبة:-

السعودية

الجواز + الرخصة +الاستمارة + التربتيك

الاردن

الجواز + الرخصة +الاستمارة + التربتيك+فيشة السعودي اعفي عنها+التامين +ورقة زرقاءمهمة جدا تسلم المنفذ الثاني
واسئل اذا انك اول مرة المستندات اكتملت ام لا ترا فية هناك غرامات

سوريا

الجواز + الرخصة +الاستمارة + التربتيك+التامين +عمولة في الجمرك سمعت انها الغيت

واسئل اذا انك اول مرة المستندات اكتملت ام لا ترا فية هناك غرامات
للمسافرين افضل سيارة باسمك

:clin_d_oeil: