أهلا وسهلا بك إلى المسافر السياحة و السفر.
أهلا وسهلا بك زائرنا الكريم، يسرنا ان تسجل معنا في اكبر مواقع السفر للتسجيل اضغط هنا

سراييفو رائعة البوسنة والهرسك وجمال الطبيعة

2012-05-12
عدد المشاركات: 13

لا يخفى عليكم ان الاستعداد للسفر قبل بفتره طويله يريحكم باشياء كثيره، فاغلب الاجراءات تكون سريعه من ناحيه التاشيره ومن ناحيه الخطوط، ومن ناحيه حجوزات الفنادق كمان، والاستعداد للسفر من الاشياء المحببه لي فانا اعشق شي اسمه سفر وتجوال وسياحه وتغيير جو، فبعد مارحت اوروبا واسيا ورحت تركيا اندليت على مكان سياحي اكثر من رائع، الطبيعه كما خلقها الله من دون أي تدخل بشري، الناس والشعب كمان من المخلوقات الجميلهفيهم وحسن الخلقه، الحيوانات جدا رائعه نظافه واهتمام ومراعي حلوة، قبل ماانسى انا شربت حليب من البقر طازج توهم حالبينها والله العظيم طعمه وريحته ورد، ليش ياترى؟ لان المرعى حقهم الورد الصغير الابيض والاصفر، المهم ماابغى اطول عليكم لما سمعت عن هالبلد علطول سالت مين احسن مكتب ممكن يفيدني بتنظيم رحلتي الى هناك، وانا بالخبر ماعندي هالاماكن الكثيره اللي ابحث فيها والا لقيت ركسون هنا فاتحين مكتب، هم عريقين في جده بس موجودين هنا من كم شهر، المهم دقيت الرِجل عليهم علطول والا لقيت حجوزات رائعه، تأمين الفنادق ونظمت رحله 5 ايام قلت اجرب وحجزت طيران طبعا الرحله كانت تشمل الاتي:

– ليله في فندق اربع نجوم فاخره في موستار، وليلتين في فندق اربع نجوم في سراييفو، وليله في منتجع صحي 4 نجوم فاخر في سراييفو.
– الانتقال بين المدن ومن والى المطار.
– جميع الرحلات السياحيه المنصوص عليها في مخطط الرحله وبرفقه مرشد سياحي يتكلم العربيه.
– وجبات الافطار ووجبتين عشا.
– تكلفه استخراج التاشيره مع العرض المدفوع يعني كل شي مره وحده.
بس الطيران الدولي مو مع العرض ولا الوجبات اللي خلال الرحلات السياحيه.

اليوم الاول

طبعا لازم المرور على اسطنبول كترانزيت وصار وكانت طيارتي الصبح بدري من الخبر الى اسطنبول، ثم الى سراييفو وانتقلنا علطول الى الفندق، ارتحنا شوي لبعد العصر تقريبا ونزلنا في جروب بجوله زرنا اهم المعالم السياحيه في سراييفو، اللي كانت حوالينا من ممشى نهر سراييفو الرائع الى التلال المحيطه، ونزلنا على البلد القديمه على قولتهم وشفت التاريخ العثماني الرائع الاصيل والجزء الثاني النمساوي الاوروبي، وبعدها رحنا تعشينا ورجعنا نمنا استعدادا لليوم التالي.

سراييفو

اليوم الثاني

المهم قمنا الساعه 7 الصبح وجانا الباص الى باب الاوتيل، طبعا المواعيد ماشاء الله على التكه 7 يعني 7 طلعنا على منطقه ينابيع نهر البوسنه، وطلعنا على عربايات تجرها خيول بين صفين من الشجر اللي كانت علطول الطريق اللي هو 3 كيلو تقريبا، وااه عالخضار والطبيعه الرائعه سبحان الله، شفنا حدائق وبيوت فخمه مررره لانهم يقولون هذه منطقه قصور وفلل اهل البوسنه.

بعدها نزلنا مع المرشد السياحي اللي هو من المكتب امنو لنا، مشيتنا مشي وعرفنا على منتزهات سراييفو المليان جسور فوق المياه والينابيع الصافيه طبعا، بالاضافه الى اسراب البط اللي تسبح بالبحيرات، بعدها لفينا لحالنا واستمتعنا وبعدين اخذونا على مطعم نتغدى طبعا كان اشهر مطاعم اللحوم في سراييفو، لانها مشهورة بلحومها ورجعنا تمشينا شوي تحت الفندق وهلكنا ونمنا استعدادا للغد.

ينابيع نهر البوسنه

اليوم الثالث

طلعنا 8 الصبح واخذنا اغراضنا لاننا بننتقل من الاوتيل الى اوتيل في موستار، طبعا نسيت اقولكم الفطور كل يوم من الاوتيل مجاني مع حجز الفندق كل يوم ننزل نفطر وننطلق، رحنا اليوم على نفق البوسنه الشهير اللي هو يفصل البوسنه عن الهرسك طبعا وقفنا شوي نصور الروعه اللي، شفناها من اعلى الجبال المطله على جبال الهرسك، ونصيحه لا تنسون كميراتكم لانها مهمه هالذكريات مهمه جدا والله اعلم الواحد متى يعيد التجربه الحلوه هذه.

بعدها رحنا البحيره الزرقا اسمها بوراكو جزيرو، تغدينا وبعدها اغرانا منظر المياه العذبه للسباحه ونزلنا وشربنا من هالمياه النقيه. وتوجهنا الى موستار خليني اقولكم عنها شوي مثل ما قالنا المرشد السياحي، هي مدينه على نهر نيريتفا في الجنوب الغربي للبوسنه والهرسك، المدينه تاخذ اسمها من كلمه most و star وتعني بالبوسنيه(الجسر القديم)، تشكل هالمدينه بجسرها العتيق ومبانيها الحجريه اكثر المشاهد الرومنسيه في البوسنه، وكل الشعراء البوسنيين كانو يتغنو بموستار كمدينه العشق والاشعار، المهم ما اطول عليكم نزلنا الاوتيل طبعا الحجز متضبط من الاول ونمنا استعدادا للغد.

موستار

اليوم الرابع

قمنا وافطرنا وانطلقنا في يوم مليء جدا بالانشطة المثيره الى اجمل ما تحمله الهرسك من معالم سياحيه وطبيعيه، رحنا اول شي على منبع نهر بونا، وبعدها توجهنا خلال مناطق غرب الهرسك الحارة والجافه ليفاجئنا منظر شلالات كرافيتسا، والحلو انه في نهر كان زي حزام اخضر رائع وسط المناظر الطبيعيه الجافه.

وفي معلومه حلوه حابب انقالهلكم زي ما سمعتها انه هذه الشلالات المذهله يتدفق خلالها اكثر من 100 متر مكعب في الثانيه، يكون 25 متر مكعب منها رذاذ حول الشلال لعمل ما يشبه جهاز تكييف ضخم، يشعر الجالسين حوله بجو من البرودة اللطيفه، طبعا حول الشلال مليان مطاعم وبوفيهات.

ورجعنا بعدها الى موستار مرورا بمدينه بويتسي الحجريه، اللي هي كانت حدود الدوله العثمانيه المذهل انه المدينه كلها مبنيه بالاحجار الصخريه الصلده. ومليان كان باعه فواكه هناك.

اليوم الخامس

انتهينا في يوم الاخير في احد المنتجعات للمباه المعدنيه في سراييفو، واستمتعنا بحمامات المياه العدنيه والمسابح، ورجعنا على الاوتيل ورنمنا ومن الصبح للمطار عوده الى اسطنبول، ثم الخبر، والحمدلله كانت من اروع الرحلات في حياتي وانصحكم فيها مع اطيب الامنيات.

انشر هذا الموضوع

اكتب رد

شاركنا برد على الموضوع

avatar
  اشترك  
بلغني اذا
ضفهد
مشارك
ضفهد

يعطيك العافيه على هالتقرير الرائع .. وكذلك طريقة السرد المتصله المفيده في ترابط الاحداث .. مما كان له اكبر الفائده

tt2017
مشارك
tt2017

الصراحة البلد جدا روعة ومميزة وتعتبر رخيصة بالنسبة لدول اروبا
انا سافرت هناك تبع برنامج سياحي والشركة كانت جدا ممتازة
ولو المنتدى يسمح بوضع ارقامهم للتواصل معهم كنت حطيتها ليستفيد منها الاخرين
وان شاء الله بحط تفاصيل رحلتي على الموقع

المسافر الحزين
مشارك
المسافر الحزين

السلام عليكم .

ياريت تنزل الاسعار ياغالي .

تحياتي

العليل 2006
مشارك
العليل 2006

تقرير رائع بس ينقصه الاسعار ….شكرا لك

وحيد1
مشارك
وحيد1

تقرير 👍🏼

ضفهد
مشارك
ضفهد

تقرير رائع

يعطيك العافيه

mbs
مشارك
mbs

تقرير جميل

شكراً

خالد الفيصل
مشارك
خالد الفيصل

بارك الله فيك
ممكن تعطينا معلومات عن العمله والتكاليف

عطار
مشارك
عطار

كنت اتمنى ان يكون التقرير شامل الاسعار .

رينو11
مشارك
رينو11

كم التكلفة للسفر الى البوسنة لمدة عشرة ايام