برنامج عائلي .. لمدة 15 يوم .. للبوسنة والهرسك
2017-02-27
السلام عليكم
اعضاء المنتدى السياحي المتميز
محتاج خبرتكم ومساعدتكم في التالي :
– بيكون سفري في 10-8-2017 بااذن الله تعالى ولمدة 15 يوم هل الوقت مناسب ام لا وعدد الايام هل هو مناسب او كثير او قليل ..
– التأشيرات وش افضل طريقة لها وكم تكلفة كل تأشيرة علما ان المسافرين 5 كبار وطفلة وكيف طريقة التآمين الطبي وهل لشخص او للجميع ومتى الوقت المناسب لاستخراج التآشيرات
– تعرفت على موقع Airbnb ولقيت فلل جميلة ورووعه لكن للاسف مااعرف مواقعها خايف احجز فلة . تطلع بجبل لوحدها واتورط فيها
وش افضل طريقة لحجز السكن ومتى افضل وقت للحجز
– المواصلات وش افضل طريقة هل اخذ سيارة ام اركب تكاسي ام اخذ سيارة بسواق وهل تنصحون بالمرشد السياحي
– وش المناطق اللي يجب زيارتها او مناطق تنصحون بها
– الوضع المالي كيف اتعامل معه يعني كيف يتم الصرف اليوم هل اخذ معي كاش من السعوديه احوله مارك او يورو او اصرف من الصرافات عادي
– هل تنصحون بااغراض معينه اخذها معي من السعوديه مثل البن والرز والبهارات وقدر الظغط هل فيه شي اخر تنصحون ناخذه معنا
فيه اختلاف مع العائلة بخصوص الاسواق والهدايا هل تنصحون نمر تركيا عشان الاسواق وكيف طريقة المرور هل في الذهاب ام في العودة وفين نروح في تركيا ؟؟
ادري اسئلتي كثيره بس محتاجكم والله لآنها اول سفرية لي بالعائله فلا تبخلون علي الله يسعدكم ويوفقكم
التعليقات