طالع مولدوفا فى اغسطس

مولدوفا دولة منسيه ومحدش واخد باله منها بين رومانيا واوكرانيا, سمعتها كانت وحشه بسبب المافيا والتجارة بالرقيق الابيض, بس دلوقتى ملاحظ ان مفيهاش مشاكل وشفت ناس كتيره على النت من الدول الغربية بداوا يسافرولها ومحصلهمش مشاكل, اعتقد ان العاصمة امان, فيه ويب سايت بيرتب المدن حسب نسبة الامن فيها وحاطين مولدوفا فيها قبل اوكرانيا ورومانيا, فى اوكرانيا احتمال ان يحصلك مشاكل بسبب جنسيتك 25 فى المائة وبوخارست 22 فى المائة ومولدوفا 12 فى المائة
وبرضه لاقيت ويبسايتات كتيره فيها اماكن السهر والمطاعم والفنادق والشقق

انا مصرى عايش فى كندا من 14 سنه, وبسبب القلق فى مصر حطلع مولدوفا اروق هناك, لو معجبتنيش حاخد قطار بالليل على رومانيا اوصل تانى يوم الصبح, او قطار على اوديسا فى اوكرانيا وحياخد خمس ساعات بس

المهم يا شباب لو حد عايز يطلع معايا على شهر اغسطس انا باجمع معلومات وباعمل اتصالات من دلوقتى بحيث على اغسطس يبقى الواحد عارف راسه من رجليه وعارف حيقعد فيها وخريطه المدينة والاماكن اللى نروحها وكده

اللى عايز يشارك يبعتلى على الخاص اسرع لانى مش باجى كتير على الويبسايت