العلاج بالمانيا ساعدوني؟؟

السلام عليكم ورحمه الله وبركاته

اول مره اشارك بالمنتدى الجميل والمفيد

واتمنى من الاخوان الافاضل والاخوات الكريمات المساعده للي عندهم خبره

انا اختكم ام جمعه من الامارات

ان شاءالله انا رايحه المانيا للعلاج عشان ((الجهاز الهضمي والقولون مرض كرون))

منو كان عنده مرض كرون وتشفى وكيف علاجهم وكم ياخذ وقت؟؟

خلال الايام المقبله او في اي لحظه يخبرون موعد السفر رايحه على(( مستشفى الجامعي كولن او بون)) على حساب الدوله اذا الله راد

حابه استفسر عن بعض الاشياء ياريت تساعدوني فيها

خبرونا ان هناك بيكون معانا مرافق ونختار شقه او فندق على حسب كلامهم بس بغيت اعرف شو مستوى الشقق او الفندق
بعيده او قريبه؟؟؟

واذا في شقق او فنادق اسعارها مناسبه ونظيفه وجريبه من المستشفى ياريت تكتبون لي الاسماء من فضلكم

واكرمكم الله بغيت اعرف حماماتهم فيها شطاف او لا عسب نسوي احتياطاتنا ؟؟

او اذا الشقق والفنادق فيها ياريت اعرف؟؟؟ وبنسبه للمطاعم والمولات او السوبرماركتات الجريبه من الفنادق والشقق؟؟

شو الجو عندهم حاليااا ؟؟؟

وكيف شعبهم او بالمستشفى زينين او لا على حسب ما سمعت الممرضات شوي مايهتمون ؟؟؟

وجزاكم الله كل خير واعذروني لكثره الاسئله

انتظر ردودكم ان شاءالله

ولاتحرمونيي من دعواتكم لي