للخبراء

السلام عليكم ورحمة الله
أخواني وأخواتي محتاجه مساعدتكم وآرائكم وخبرتكم وسعه صدوركم : )
بإذن الله ناوين زوجي وأنا السفر لإيطاليا ولندن في شهر مايو ولأنها أول مره لنا حابه تفيدوني بخبرتكم وياليت ماتبخلون علينا خطتنا على النحو التالي :
1- روما ليلتين بفندق ماريوت جراند وهل هو حلو وبالسنتر وشنو الأماكن الي تستحق الزياره ولازم مانطوفها هناك بهاليومين؟.
2- كم المسافه والوقت الزمني وكيفية الإنتقال إلى ميلانو؟
3- ميلانو5 ليالي بفندق وستن بالاس ونفس السؤال هل حلو وبالسنتر وشنو أحلا الأماكن إلي تستحق الزياره؟
4- بنروح منها لفنيسيا يوم من الصبح للمساء كم المسافه والوقت ؟
5- هل يسوا نسوي نفس الحركه ونروح جاردا يوم ؟
6- كيفية التعامل يعني اللغه الإنجليزيه ماشيه هناك وإلا قليل إلي يتكلمونها ؟
7- كيفية الإنتقال إلى لندن وأي طيران داخلي جيد نقدر نروح عليه وهل أهو الطريقه الوحيد لذلك وكم تاخذ وقت طيران ؟
8- اي فندق نحجز كمبرلاند أم ثستل ماربل آرش ؟
ياريت محد يبخل علي بمساعدته حتى لو تردون على بعض الأسئله ترا أختكم محتاجتكم

ولكم فائق الإحترام والتقدير.