برنامج خط سير من يبتدي من ميلان
2014-10-19
السلام عليكم ورحمه الله وبركاته ،، هذي اول مره انزل موضوع بهذا المنتدى المميز الي قاعد يفيد شريحه كبيره من الناس ،، وبصراحة حتى قبل تسجيلي باهالمنتدى وانا ادخل واستفيد من خبرات الناس الموجودين ،، لآني سافرت لبلدان اسيا ،، اما حاليا ف سفرتي بتكون أوروبا ،، المغادرة من بوظبي الي مطار مالبينسا بميلان بتاريخ 29 / 10 / 2014 ,, والعوده بتكون من باريس لابوظبي بتاريخ 13/11/2014 ‘،،.
المسافرين انا واثنين من خواتي ،، وبصراحة اول مره أسافر أوروبا و اول مره أسافر مع اهلي ،، فهذا الشي مخلي جدولي متلخبط ،،
حاليا ؛ نحن بنزل بميلان وبنقعد فيها يومين ،،،
سؤالي الاول : تنصحوني اروح سويسرا او النمسا ؟؟. مع العلم ان اغلب ايام السفره نبيها تكون بألمانيا وتحديدا فرانكفورت و كولن ! ياليت الي يقدر يفيدني بمدن ألمانيا الي تستاهل الزياره ‘
طبعا غرض السفر هو السياحه والشوبنق :a8cc8ee8cf: الله يعيني عليهم بس ما يخالف ، طبعا مب كل السفره شوبنق تبغي نشوف هالمناطق،،
حاليا نحن محتارين ،، نروح من ميلان للنمسا او سويسرا ،، لان عدد الأيام قصير وماعتقد يكفي !
تنصحوني بطيران داخلي بين هالدول ولا قطار ،، من نواحيه الميزانيه الأمور طيبه وماعندنا مشاكل بالميزانية ،،
او نقعد بإيطاليا ونكنسل سويسرا او النمسا ،، وكم يوم اقعد ،،
ياليت الي يعرف حاله الطقس يخبرني ،، نحن للحين ماحجزنا الفنادق بس حجزنا التذاكر وطلعنا الفيزا من السفاره الايطاليه ،،
ياليت تردون علي بسرعه لان الوقت ضيق ،،
وتسلمون :6bc61aca8f:
التعليقات