بين الثلوج والجبال..بين الطبيعة والجمال..حكاية تشابه الخيال!

بسم الله الرحمن الرحيم

لطالمآ حلمت بزيارة الريف ومشاهده الحياة التي عاشتها هايدي ..

واللعب بالحشيش حافيه القدمين بمشاركة العنزات كمآ كانت تفعل هايدي..

ارتبط اسم هايدي بمخيلتي منذ صغري وتمنيت عيش الحياة التي تعيشها ولو لبضع ثوان..

لم يدم طويلا هذا الحلم حتى تحقق واصبح حقيقة .. من خلال زيارتي الى جنه الله في الارض

الساحرة “سويسرا..”

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

اضع بين ايديكم تقريري المتواضع عن سويسرا وبالتحديد “انترلاكن”التي اسرت قلوب الملايين..

يسرني ان اقدم لكم رحلتي المتواضعة ..
وارجوا ان يكون تقديمي لها ممتعا ومفيدا ..
عانيت كثيرا في موضوع رفع الصور لان الصور طلعت عملاقة يمكن تاخذ صفحة كاملة فتعبت وانا احاول اصغرها
بس الحمدلله ضبطت معاي وسويت لها رجيم وصارت رشيقة …

واسمحولي اذا ماعرفت اقدم التقرير مثل ماتبون .. لاني اول مرة انزل تقرير ومتخرعة شوي :S

يلا نبدأ بسم الله

بدينا نجهز للرحلة قبل موعد السفر بشهرين .. حجزنا الفندق والسيارة وخلصنا جدول الرحلات..
كانت الرحلة لمدة 18 يوم قسمناها بين سويسرا وفرنسا وتركنا يوم لميلانو..
6 ايام لسويسرا ..
1 يوم لميلانو ..<< صار ظلم بالتوزيع ههههه
11 يوم لفرنسا..

حجزنا على الخطوط القطرية .. من تاريخ 25-6-2009 الى 19-7-2009
وكانت خط سير الرحلة : دوحة – جنيف … باريس – دوحة
اسعار التذاكر على الدرجة السياحية : للكبار 3000 ريال قطري
للصغار 2500 ريال قطري
جاء يوم ال 25-6 .. يوم السفر .. مااروع ذاك االيوم..

كان موعد اقلاع الطائرة الساعه 1:30 ليلا
سلمنا الشنط .. ثم توجهنا للبوابة .. وانتظرنا الى ان صاح النداء للركوب الى الطائرة ..
بعد الاقلاع بخمس دقائق احضروا لنا سناك خفيف ..

وبعد خمس ساعات بانت الجبال الثلجية .. ثم اختفت مرة وحدة عندما حجبتها الغيوم ..

واخيرا وصلنا .. بدأت الطيارة بالهبوط .. وكلنا شوق وحماس لاكتشاف القادم ..

(يوم الوصول)

اخذنا شنطنا ثم ذهبنا لاستلام السيارة..

استلمنا السيارة من شركة سيكست بالمطار وطبعا كنا حاجزينها من شركة سيكست اللي في الدوحة .. عطونا رقم
كود السيارة والوصلة مطبوعة بورقة ودفعنا من الدوحة.. واحنا بس بمطار جنيف عطيناهم الورقة وسلمونا السيارة..

طبعا مااستلمناها من المطار مباشر .. في باص يوديك الى مواقف السيارات وينزلك هناك وانت تستلمها من هناك..
وهاذي هي السيارة..

ركبناها واحنا منهمكين من التعب والكل نام على طول .. وانا توني ابي اغمض عيوني الا اشوف هالمنظر..

حتى الكيمرا شكلها تعبانة وتبي تنام عشان جذي الصورة مو
واضحة …ههههههه
المناظر في الطريق كانت روووووووووووعه بس من التعب ماقدرت اصور الا شي بسيط
وكل منظر احلى من الثاني ..

ماأروعك جنيــــــف..!

واكييد محد مايجي جنيف إلا وشاف نافورتها ..والحمدلله هي كانت على الطريق يعني وحنا ماشيين شفناها بالصدفة هههه وبعدها قربنا صوبها …

كان الطريق بين جنيف وانترلاكن تقريبا 3 ساعات .. عدت هال3 ساعات بسرعة وماحسينا فيها كانها 3 دقايق ..
يمكن اللي يسمع ان 3 ساعات يقول واايد بس الواحد مايحس بالوقت من خلال مشاهدته للطبيعة ..
وصلنا انترلاكن واخييييرا .. خيالييية … رووووعه
قعدنا ندور الفندق .. ضعنا شوي بس سألنا ودلونا ..وفندقنا هو دو نورد 4 نجوم بس مايستحق ولا ربع نجمة
اكيد في بالكم تسألوني ليش اخترت هالفندق .. اولا متروبول ماحصلنا فيه حجز واللي نتعامل معاه في السفريات نصحنا نسكن في دونورد
لموقعه الممتاز للاسف طلع خرااط لا موقعه ممتاز ولاشي وبالعكس في فنادق موقعها افضل مثل فيكتوريا وكريبس .. حاولنا نغير الفندق لما وصلنا بس للاسف كل مارحنا فندق قالو لنا مافي حجز..:(

هذا هو من برع..

حجزنا غرفتين .. غرفهم ضيقة والفندق بكبره ضيق وصغير

اعذروني ماصورت الحمام (الله يعزكم) ولا البلكونه .. لانه اصلا مايستاهل اصوره ..

اطلالة الغرفة..

بعد ذلك اخذنا قسط كافي من النوم بعد يوم طوووويل متعب ولكنه بنفس الوقت جميل ..:c84e7dfe68:
كلنا من ماكدونال اللي بجانب الفندق ..

ماطلعنا بهاليوم لان كنا تعبانين ومافينا شده نمشي ..
بس الطريق بنفسه كان سياحه ..
انتظروني مع اول رحلاتي في انترلاكن الساحرة ..
يتبع قريبا ان شاء الله..